完整藏文原文 · 德格版页 当前仅加载第 85 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་གི་བར་དུ་དུས་གསུམ་དུ་བརྒྱ་བརྒྱར་བཟླས་ནས་དེ་ནས་ལོ་གཅིག་ལོན་ན་བརྒྱ་འགྱུར་དུ་འགྱུར་རོ། །དེ་སྙེད་དུ་བརྒྱར་བཟླས་ན་དེ་སྙེད་ཀྱི་བརྒྱར་འགྱུར་རོ། །དེ་ནས་སྟོང་དུ་བཟླས་ན་ཡང་སྟོང་འགྱུར་དུ་འགྱུར་རོ། །ལོངས་སྤྱོད་དགུག་པ་ནི་སྟོང་ཕྲག་
D482.085.0021a01.01བརྒྱར་བཟླས་སོ། །དགུག་པ་ནི་རྡོ་རྗེ་ཀྱོ་བ་ཏང་གི་ཕྱག་རྒྱས་ཟླ་བ་བཞིས་ཁུགས་སོ། །དབང་དུ་བྱ་བ་ནི་རྡོ་རྗེ་ཁུ་ཚུར་གྱི་དམ་ཚིག་གི་ཕྱག་རྒྱས་སོ། །སེམས་ཅན་ཐམས་ཅད་གཏན་འཕོ་བ་ནི་རྡོ་རྗེ་ཧཱུྃ་ཞེས་པའི་ཕྱག་རྒྱ་བཅིངས་ཏེ། སྟོང་ཕྲག་བརྒྱར་བཟླས་ན་སེམས་
D482.085.0021a02.01ཅན་ཐམས་ཅད་ཡིད་ཀྱིས་དམིགས་པ་བཞིན་གཏན་འཕོའོ། །ཆུ་གནོན་པ་ནི་རྡོ་རྗེའི་ཕྱག་རྒྱ་བཅིངས་ལ་ཆུའི་སྟེང་དུ་འགྲོར་རུང་བའི་བར་དུ་བཟླས་སོ། །མེ་གནོན་པ་ནི་ཐང་ཅིག་བཟླས་པས་སོ། །ལོ་ཏོག་བསྲུང་བ་ནི་རྡོ་རྗེ་ལྟ་བས་ཏེ། དེ་ལ་སྲོག་ཆགས་རྣམས་གང་
D482.085.0021a03.01གིས་ཀྱང་གནོད་པར་མི་འགྱུར་ཞིང་བྱི་བ་ལ་སོགས་པ་ཡང་འདའ་བར་མི་བྱེད་དོ། །རྡེག་པ་སྤོ་བ་ནི་ཁྲོ་བོའི་ལྟ་བས་ཏེ། གང་དུ་བལྟས་པ་དེར་འཕོའོ། །བཟའ་བ་དང་བཏུང་བ་དང་ཐམས་ཅད་སྤོ་བ་ནི་འབར་བའི་ལྟ་བས་ནི་རང་གི་སྣོད་དུ་འཕོའོ། །སྡིག་པ་དང་སྦྲུལ་ཐམས་ཅད་མེད་
D482.085.0021a04.01པར་བྱ་བ་ནི་ཐང་ཅིག་བརྗོད་པས་སོ། །གཅན་སྲིན་ཐམས་ཅད་ལ་ཐང་ཅིག་བཟླས་པས་མེད་པར་འགྱུར་རོ། །རྐུན་པོ་ཐམས་ཅད་འཕམ་པ་ནི་རྡོ་རྗེ་ཁུ་ཚུར་བཅིངས་པས་སོ། །དམག་ལས་སྒྲོལ་བ་ནི་རྡོ་རྗེ་འཛིན་མའི་ཕྱག་རྒྱས་སོ། །གཞུ་དང་མདའ་དང་མདུང་དང་རྒྱལ་མཚན་
D482.085.0021a05.01མནན་ནས་འགུལ་གྱི་བར་དུ་བཟླས་ཏེ། དེ་ཐོགས་ན་དམག་ཐམས་ཅད་ལས་རྒྱལ་བར་འགྱུར་རོ། །ཞལ་ཆེ་ལ་ནི་ཐང་ཅིག་བརྗོད་པས་རྩོད་པའི་ལན་ཐེབས་པར་འགྱུར་རོ། །ཞི་བ་ཐམས་ཅད་ནི་ཏིལ་གྱི་སྦྱིན་སྲེག་གིས་སོ། །རྒྱས་པ་ཐམས་ཅད་ནི་ཡུངས་ཀར་གྱི་སྦྱིན་སྲེག་གིས་སོ།
D482.085.0021a06.01གཏན་འཕོ་བ་ཐམས་ཅད་ནི་ཚེར་མའི་སྦྱིན་སྲེག་གིས་སོ། །གསོ་བ་ཐམས་ཅད་ནི་དཱུར་བའི་ལོ་མའི་སྦྱིན་སྲེག་གིས་སོ། །འཚེ་བ་དང་གནམ་དལ་དང་རྨི་ལམ་ངན་པ་ཐམས་ཅད་གཞི་ལ་བ་ནི་ཏིལ་དང་འབྲས་ཀྱི་སྦྱིན་སྲེག་གིས་སོ། །གཞོམ་པ་ཐམས་ཅད་ནི་ཧཱུྃ་ཞེས་པས་སོ། །
D482.085.0021a07.01