完整藏文原文 · 德格版页 当前仅加载第 85 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་ཕྱག་རྒྱ་ནི་འདིའོ། །བཛྲ་ཨཤྟྲོ་ཧཱུྃ། གཡས་སུ་རྡོ་རྗེ་དགའ་མགུ་འཁྱུད་པར་བྱའོ། །དེའི་ཕྱག་རྒྱ་ནི་འདིའོ། །བཛྲ་ཀི་ལི་ཧཱུྃ། རྒྱབ་ཏུ་ཆུ་སྲིན་རྒྱལ་མཚན་འཆང་བ་བྱམས་མའི་རྡོ་རྗེ་བྲི་དེའི་ཕྱག་རྒྱ་ནི་འདིའོ། །བཛྲ་ཨ་གྲི་ཧོ། གཡོན་དུ་རྡོ་རྗེ་སྙེམས་མ་བྲིས་ཏེ།
D482.085.0027b01.01རྡོ་རྗེ་གཡོན་དུ་སྦྱོར་བར་བྱ། དེའི་ཕྱག་རྒྱ་ནི་འདིའོ། །བཛྲ་གརྦེ་ཧ་ནི། དེ་ནས་གྲྭ་དང་སྒོར་ཡང་རང་གི་ལྷ་མོ་བྲི། དེ་ནས་རྡོ་རྗེ་སློབ་དཔོན་ཉིད་ཤིན་ཏུ་ཆས་ལ་རྡོ་རྗེ་ལག་ཏུ་ཐོགས་བུད་མེད་ཀྱང་བརྒྱན་ཏེ། ལག་པ་གཉིས་རྡོ་རྗེ་ཁུ་ཚུར་བཅངས་ལ། དཔུང་པ་གཉིས་ཀྱིས་འཁྱུད་
D482.085.0027b02.01དེ་ཞུགས་ལ་འདི་སྐད་བརྗོད་དོ། །ས་མ་ཡ་སྟྭྃ་ཨ་ཧཾ། སུ་ར་ཏ་ཧོ་ཊཀྐི་ཧཱུྃ་ཛཿ། དེ་ནས་བརྗོད་པ་ཙམ་གྱིས་བཅོམ་ལྡན་འདས་སྟོན་པར་མཛད་དེ། ཕྱག་རྒྱ་ཐམས་ཅད་འགྲུབ་པ་དང་དམ་ཚིག་ཐམས་ཅད་འགྲུབ་པ་ཡང་སྩོལ་ཏོ། །དེ་ནས་སློབ་མ་ཡང་དེ་བཞིན་དུ་སྙིང་པོའི་རྡོ་རྗེ་
D482.085.0027b03.01དེ་ཉིད་ཀྱིས་བཙུད་ནས་འདི་ཞེས་སྨྲོས་ཤིག །ཁྱོད་ཀྱིས་དམ་ཚིག་འདི་ལས་མ་འདའ་ཤིག །མི་བདེ་བ་མ་སྤངས་པར་མྱུར་དུ་ཤི་ཞིང་ངུ་འབོད་ཆེན་པོར་སྐྱེ་བར་འགྱུར་ཏ་རེ། དེ་ནས་དམ་ཚིག་བརྗོད་དེ། བདག་ཆེ་ཀུན་གྱི་ཕྱག་རྒྱ་ནི། །འདོད་པ་བསམ་ལས་ཡང་དག་འབྱུང་། །
D482.085.0027b04.01དེ་བས་ཁྱོད་ཀྱིས་སྡིག་མེད་པའི། །འདོད་དང་བསམ་པ་མ་བཏང་ཤིག །འདི་ནི་དམ་ཚིག་བསྲུང་བའི་སྔགས་སོ། །ཨོྃ་ཊཀྐི་ཧཱུྃ་ཕཊ། འདིས་རྡོ་རྗེའི་ཆུ་བླུད་དོ། །གང་དངོས་པོ་གཞན་ཐམས་ཅད་ཀྱི་ཕྱིར་ཡང་མནས་བསྒག་སྟེ། དེ་དག་ལ་ཡང་རྡོ་རྗེའི་ཕྱག་རྒྱ་འཛིན་པས་
D482.085.0027b05.01བླུད་དོ། །གང་གིས་འདི་ལས་འདས་ན། ཟླ་བ་ཕྱེད་ཀྱིས་སྙིང་འགས་སོ་ཞེས་བཅོམ་ལྡན་འདས་ཕྱག་ན་རྡོ་རྗེ་དམ་ཚིག་ཆེན་པོས་གསུངས་སོ། །དེ་ནས་ཕྱག་རྒྱ་བཅིངས་པ་བསླབ་བོ། །དེ་ནས་དེ་བཞིན་དུ་འབྱུང་ངོ་། །ཤིན་ཏུ་དགའ་བའི་རྡོ་རྗེ་ཞེས་བྱ་བ་གསང་བའི་དཀྱིལ་
D482.085.0027b06.01འཁོར་རོ། །དེ་ནས་ལས་ཀྱི་དཀྱིལ་འཁོར་དེ་བཞིན་དུ་བྲིས་ནས་ཉིད་ཀྱི་སྐུའམ་མཚན་མ་གཞག་གོ། །དེར་བཙུད་ནས་ལས་རྣམ་བཞི་བསླབ་པར་བྱའོ། །དེ་ལ་དང་པོ་ཉིད་དུ་འདོད་པ་ཐམས་ཅད་སྩོལ་བར་གྱུར་ཏེ། ཕྱག་ན་རྡོ་རྗེའི་ཕྱག་རྒྱ་ཆེན་པོ་བཅིངས་ནས་རྡོ་རྗེ་འཛིན་ཕྱག་བཞི་
D482.085.0027b07.01