完整藏文原文 · 德格版页 当前仅加载第 85 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་ཐམས་ཅད་ཀྱིས་རང་གི་སེམས་སོ་སོར་བརྟགས་པ་ལ་སོགས་པས་སངས་རྒྱས་སུ་ཡོངས་སུ་སྦྱར་བར་བྱས་ནས། ཇི་ལྟར་ཚེ་འདི་ཉིད་ལ་སངས་རྒྱས་ཐོབ་པར་འགྱུར་ཏེ། དེ་ལྟར་བྱིན་གྱིས་རློབ་པར་མཛད་དོ། །དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་
D482.085.0048a01.01ནི་ལས་ཀྱི་ཕྱག་རྒྱའོ། །དེ་ནས་ཕྱག་ན་རྡོ་རྗེའི་ཕྱག་རྒྱ་ཆེན་པོ་ནི་འདི་ཡིན་ནོ། །ལུས་དང་ངག་སེམས་རྡོ་རྗེ་ཡིས། །ཕྱག་ན་རྡོ་རྗེ་བདག་ཉིད་འགྱུར། །རྡོ་རྗེ་འགྱིང་བ་རབ་བྱེད་ཅིང་། །འགྱིང་དང་བཅས་པས་རྡོ་རྗེ་གསོར། །འདི་ཡིས་ཀུན་འགྲོ་སྐད་ཅིག་གིས། །འོད་དང་
D482.085.0048a02.01གྱེན་དུ་འགྲོ་བར་འགྱུར། །འདོད་པ་ཀུན་དབང་ཐམས་ཅད་པ། །ཕྱག་ན་རྡོ་རྗེ་འདྲ་བར་འགྱུར། །དེ་ནས་དམ་ཚིག་གི་ཕྱག་རྒྱའོ། །རྡོ་རྗེ་བཅིང་བ་བཅིངས་ནས་ཀྱང་། །གུང་མོ་ནང་བཅུག་སྙིང་གར་བཞག །མཐེ་བོ་མཐེའུ་ཆུང་ཁ་ཕྱེ་མཉམ། །རྡོ་རྗེ་ཆེན་པོ་དེ་ལྟར་བཅིང་། །
D482.085.0048a03.01སེམས་དཔའ་ཀུན་གྱི་ཏིང་འཛིན་གྱིས། །འདི་ནི་སྙིང་གར་བཅིངས་པ་ཡིས། །ཕྱག་རྒྱ་ཀུན་གྱི་དངོས་གྲུབ་པ། །དམ་པ་དག་ཀྱང་ཐོབ་པར་འགྱུར། །དེ་ལ་ཡེ་ཤེས་ཀྱི་ཕྱག་རྒྱ་ནི་འདིའོ། །ཟླ་བའི་དཀྱིལ་འཁོར་དབུས་སུ་ནི། །ལུས་དང་ངག་སེམས་རྡོ་རྗེ་ཡིས། །ཕྱག་
D482.085.0048a04.01ན་རྡོ་རྗེ་བདག་གི་ལུས། །བསྒོམས་ན་མྱུར་དུ་འགྲུབ་པར་འགྱུར། །རྡོ་རྗེ་ཁུ་ཚུར་གཉིས་བྱས་ལ། །འགྱིང་བཅས་རྡོ་རྗེ་གསོར་བྱས་ན། །འགྱིང་ཞིང་གྱེན་དུ་སྟོན་ཚུལ་གྱིས། །སྙིང་གར་བཟུང་ན་འགྲུབ་པར་འགྱུར། །དེ་ལ་བཅོམ་ལྡན་འདས་ཀྱི་སྐུའི་ཕྱག་རྒྱ་བཅིང་བ་ནི་འདི་ཡིན་
D482.085.0048a05.01ནོ། །རྡོ་རྗེ་ཁུ་ཚུར་གཉིས་བཅིངས་ལ། །གཡས་པ་གཞུ་འདྲེན་སྦྱོར་བ་དང་། །མདའ་འཕེན་པ་ཡི་ཚུལ་གྱིས་སུ། །ཀུན་ལ་བསྣུན་ན་ཆགས་པར་བྱ། །དེ་ནས་བཅོམ་ལྡན་འདས་དབང་བསྐུར་བའི་ཕྲེང་བའི་ཕྱག་རྒྱ་བཅིང་བ་ནི་དེ་བཞིན་གཤེགས་པའི་སྐུའི་ཕྱག་རྒྱ་གཙུག་ཏོར་
D482.085.0048a06.01དུ་གཞག་གོ། །དེ་ནས་ཕབ་སྟེ་གུང་མོ་རྡོ་རྗེར་བྱས་ཏེ། དེ་ལས་བསྐོར་ཏེ་གུང་མོ་ནོར་བུར་བྱས་ལ། གཡས་ཕྱོགས་སུ་གཞག་གོ། །ལྟག་པར་གུང་མོའི་རྡོ་རྗེའི་པདྨོ་གཞག་གོ། །དེ་ལས་བསྐོར་ཏེ་གུང་མོ་དང་མཐེའུ་ཆུང་གྱེས་པར་བྱས་ལ་གཡོན་དུ་གཞག་གོ། །དེ་ནས་མཛུབ་
D482.085.0048a07.01