完整藏文原文 · 德格版页 当前仅加载第 85 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་བྱ་བའོ། །དེ་ལ་བསོད་ནམས་མེད་པའི་སེམས་ཅན་གྱི་སྒྲུབ་པའི་རབ་ཏུ་བྱ་བ་འབྱུང་སྟེ། དཀྱིལ་འཁོར་གང་ཡང་རུང་བ་ཅིག་ཉིན་རེ་ཞིང་ཅི་ཙམ་འདོད་པའི་ཚད་དུ་ཉི་མ་བཞིར་བྲིས་ནས་ཇི་ལྟ་བ་བཞིན་དུ་དེར་ཞུགས་ལ་ཕྱག་རྒྱ་ཆེན་པོ་བཅིངས་ནས་རང་གི་ལྷག་པའི་ལྷ་ལན་
D482.085.0055b01.01བརྒྱ་བཟླས་སོ། །བསོད་ནམས་མེད་པའི་སེམས་ཅན་གྱི་སྒྲུབ་པའི་རབ་ཏུ་བྱ་བའོ། །དེ་ལ་མྱུར་དུ་འགྲུབ་པར་འགྱུར་བའི་རབ་ཏུ་བྱ་བ་སྟེ། དེ་ལ་དེ་བཞིན་གཤེགས་པའི་མྱུར་དུ་འགྲུབ་པར་འགྱུར་བ་ནི། ཏིང་འཛིན་ཆོས་སྦྱིན་ལ་སོགས་དང་། །རྒྱ་ཆེན་ཚུལ་རྣམས་
D482.085.0055b02.01ཀློག་པ་དང་། །དད་ལ་གནས་ཏེ་དེ་བཞིན་མཆོད། །དངོས་གྲུབ་མྱུར་སྦྱིན་ཆེན་པོ་ཡིན། །དེ་ལ་ཕྱག་ན་རྡོ་རྗེའི་མྱུར་དུ་འགྲུབ་པར་འགྱུར་བ་ནི། འདོད་ལ་ཆགས་དང་བྲལ་མིན་དང་། །འདོད་ལ་ཆགས་པའི་དམ་པས་མཆོད། །འདོད་ལ་ཅི་ནུས་ཆགས་བྱ་
D482.085.0055b03.01བ། །མྱུར་དུ་དངོས་གྲུབ་སྦྱིན་པ་ཡིན། །དེ་ལ་འདི་ནི་སེམས་དཔའ་ཆེན་པོ་རྣམས་ཀྱི་མྱུར་དུ་འགྲུབ་པ་ནི། སྦྱིན་དང་ཚུལ་ཁྲིམས་དེ་བཞིན་བཟོད། །བརྩོན་འགྲུས་བསམ་གཏན་དེ་བཞིན་བློ། །ཅི་ནུས་ཀྱིས་ཀྱང་བྱ་བ་ནི། །ཉིན་གཅིག་བཞིན་དུ་ཅི་འདོད་
D482.085.0055b04.01པར། །ཕྱིའི་རྡོ་རྗེའི་རིགས་ཀྱི་གྲུབ་པ་མྱུར་བ་ནི། སངས་རྒྱས་མཆོད་ཅིང་དེ་བཞིན་དང་། ཕྱག་ན་རྡོ་རྗེའི་བརྟུལ་ཞུགས་བརྟན། །རྡོ་རྗེ་རྟག་ཏུ་ལག་ན་བཟུང་། །མི་བགྲུངས་ཐམས་ཅད་ཚར་གཅོད་མཆོག །དེ་ནས་རྡོ་རྗེ་མ་རྣམས་ཀྱི་གྲུབ་པ་མྱུར་དུ་སྒྲུབ་པའི་
D482.085.0055b05.01རབ་ཏུ་བྱ་བ་སྟེ། སེམས་ཅན་དགེ་ལ་དང་བ་དང་། །མཆོད་ཅིང་དམ་ཚིག་སྲུང་བ་སྟེ། །ཕྱག་རྒྱའི་གར་གྱི་མཆོད་པ་དང་། །སེམས་ཅན་མ་རུངས་དྲག་ཤུལ་བྱ། །གྲུབ་པ་མྱུར་བའི་རབ་ཏུ་བྱ་བའོ། །དེ་ལ་སློབ་དཔོན་གྱི་རབ་ཏུ་བྱ་བ་འབྱུང་སྟེ། དེ་ལ་འདི་
D482.085.0055b06.01ནི་དེ་བཞིན་གཤེགས་པའི་དཀྱིལ་འཁོར་གྱི་སློབ་དཔོན་དུ་སྒྲུབ་པ་སྟེ། དཀྱིལ་འཁོར་དུ་དེ་བཞིན་གཤེགས་པའི་སྤྱན་སྔར་བཛྲ་བིད་ཅེས་བྱ་བའི་སྙིང་པོ་སྟོང་རྩ་བརྒྱད་བཟླས་ནས་སློབ་དཔོན་རང་གིས་དམ་ཚིག་གི་ཕྱག་རྒྱ་སྟོང་བཟླས་ཏེ། སློབ་མ་དབང་བསྐུར་བའི་སྙིང་པོ་ནི་
D482.085.0055b07.01