完整藏文原文 · 德格版页 当前仅加载第 85 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བསྒོམ་པའི་སྙིང་པོ་འདིས་རང་གི་སྙིང་གར་རྡོ་རྗེ་བསམ་མོ། །ཨོྃ་བཛྲ་ཨཱཏྨ་ཀཿ། རྡོ་རྗེའི་བཟླས་པས་ཅི་འདོད་པར་བཟླས་སོ། །དེ་ནས་རྡོ་རྗེའི་མཆོད་པའི་རབ་ཏུ་བྱ་བ་ནི། རྡོ་རྗེའི་ཁུ་ཚུར་གཉིས་བཅངས་ནས། །རྡོ་རྗེ་འགྱིང་བ་ལེགས་པར་བྱ། །རྡོ་རྗེ་ཕྲེང་བ་དེ་བཞིན་གླུ། །
D482.085.0052b01.01རྡོ་རྗེ་གར་ཀྱང་སྤྱི་བོ་ནས། །དེར་བསྟོད་པའི་རྡོ་རྗེའི་གླུ་བླང་ཞིང་མཆོད་པར་བྱའོ། །རྡོ་རྗེ་སེམས་དཔའ་བསྡུས་པའོ། །རྡོ་རྗེ་རིན་ཆེན་བླ་མེད་དེ། །རྡོ་རྗེ་ཆོས་ནི་གླུར་བླངས་པས། །རྡོ་རྗེ་ལས་ནི་མཛད་པར་གསོལ། །དགའ་བ་དང་། དབང་བསྐུར་བ་དང་། གླུ་དང་
D482.085.0052b02.01མཆོད་པ་འདིས་དེ་བཞིན་གཤེགས་པ་ཉིད་ཀྱང་རྙེད་པར་མི་དཀའ་ན་གྲུབ་པ་གཞན་ལྟ་ཅི་སྨོས། དེ་ཅིའི་ཕྱིར་ཞེ་ན། དེ་ལྟར་སེམས་དཔའི་བདེ་བ་འདི་དང་མཚུངས་པ་མེད་དོ། །དེ་ནས་ཕྱག་ན་རྡོ་རྗེ་སའི་བྱིན་གྱིས་བརླབ་པ་ལ་སོགས་པ་འབྱུང་སྟེ། ཉིན་རེ་དང་པོར་དུས་བཞིན་དུ།
D482.085.0052b03.01རྡོ་རྗེའི་བྱིན་གྱིས་བརླབ་ཚུལ་གྱིས། །བདག་གིས་བདག་ཉིད་བྱིན་བརླབས་ནས། །སེམས་དཔར་བྱིན་རླབས་རྣལ་འབྱོར་ལྡན། །རྡོ་རྗེ་དང་བཅས་རྡོ་རྗེ་བཅིང་། །རྡོ་རྗེ་འབེབས་ལ་སོགས་ཚུལ་གྱིས། །རྡོ་རྗེ་ཁུ་ཚུར་རྡོ་རྗེ་བཅས། །གཉིས་བྱས་ཕྱག་རྒྱའི་མཆོག་གིས་སུ། །
D482.085.0052b04.01བདག་ཉིད་བྱིན་གྱིས་བརླབ་པར་བྱ། །འདོད་པ་བདག་ཉིད་ཅེས་ཀྱང་བསྒོམ། །དེ་ནས་རྡོ་རྗེ་སེམས་དཔའི་གསང་བའི་སྙིང་པོ་བཟླས་པར་བྱའོ། །དེ་ལ་གསང་བའི་སྙིང་པོ་འདི་རྡོ་རྗེའི་གླུས་ཅི་འདོད་པར་བཟླས་སོ། །ཊཀྐི་ཛཿཧོ། དེ་ནས་བསྒྲུབ་པ་གཞན་ཡང་རྡོ་རྗེ་བཅིང་བས་
D482.085.0052b05.01རྟགས་བཟུང་སྟེ་འབུམ་བཟླས་ན། འདོད་པ་ཐམས་ཅད་ཀྱི་དབང་ཕྱུག་དང་། འདོད་པའི་གཟུགས་དང་འདོད་པའི་ཚེ་དང་། འདོད་པའི་བདག་པོ་དང་། ཀུན་དུ་འགྲོ་བ་ཐམས་ཅད་གྲུབ་པར་འགྱུར་རོ། །དེ་ནས་ཕྱག་ན་རྡོ་རྗེའི་དབང་བསྐུར་བའི་རབ་ཏུ་བྱ་བ་འབྱུང་བ་ནི་དེ་བཞིན་
D482.085.0052b06.01གཤེགས་པ་ཐམས་ཅད་ཀྱི་ཕྲེང་བའི་དབང་བསྐུར་བ་ཇི་ལྟ་བ་བཞིན་དུ་སྙིང་པོ་འདིས་སྦྱིན་ནོ། །ཨོྃ་སརྦ་ཏ་ཐཱ་ག་ཏ་རཏྣ་བྷི་ཥེ་ཀ་ཨ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་བསྐྱེད་པའི་ཏིང་ངེ་འཛིན་ལ་དམིགས་པ་ནི་ཇི་ལྟར་བཅོམ་ལྡན་འདས་སེམས་ཅན་ཐམས་ཅད་ཉིད་
D482.085.0052b07.01