完整藏文原文 · 德格版页 当前仅加载第 85 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཀྱི་ཕྱག་རྒྱ་ཐམས་ཅད་ཀྱི་སྙིང་པོ་དོན་ཡོད་པ་འདའ་བར་བྱ་བ་མ་ཡིན་པ་སྟེ། སྟོང་བཟླས་པས་ཕྱག་རྒྱ་བཅིང་བ་ཐམས་ཅད་འགྲུབ་པར་འགྱུར་རོ། །དམ་ཚིག་ཆེན་པོའི་ཕྱག་རྒྱ་ལན་ཅིག་བཟླས་ན། གྲུབ་པ་ཐམས་ཅད་ལ་གཅེས་པར་འགྱུར་རོ། །དེ་ནས་ཕྱག་རྒྱ་
D482.085.0046b01.01བཅིང་བ་འབྱུང་སྟེ། ཐལ་མོ་སྦྱར་ལ་སོར་མོ་ཕན་ཚུན་བསྣོལ་བ་ནི་རྡོ་རྗེའི་ཐལ་མོའོ། །དེ་ཉིད་སོར་མོའི་བར་རྣམས་སུ་ཤིན་ཏུ་བསྡམས་པ་ནི་རྡོ་རྗེ་བཅིང་བའོ། །དེ་ཉིད་ལས་མཐེ་བོ་གཉིས་ནང་དུ་བཅུག་སྟེ། མཐེའུ་ཆུང་དང་སྲིན་ལག་གི་བར་དུ་རབ་ཏུ་བཅུག་ལ་བཙུམ་པ་འདི་
D482.085.0046b02.01ནི་རྡོ་རྗེ་དབབ་པའི་དམ་ཚིག་གི་ཕྱག་རྒྱའོ། །དེ་ཉིད་ལས་མཐེ་བོ་གཉིས་གཤིབས་ལ་ནང་དུ་བཅུག་ལ་དེ་བཞིན་དུ་མཐེའུ་ཆུང་དང་སྲིན་ལག་གི་བར་དུ་བཙུགས་ཏེ། །མཛུབ་མོ་ཤིན་ཏུ་བཀུག་པ་ནི་རྡོ་རྗེ་ཁུ་ཚུར་དམ་ཚིག་གི་ཕྱག་རྒྱའོ། །དེ་ཉིད་ལས་གཉིས་སུ་བྱས་པ་ནི་ལས་ཀྱི་ཕྱག་རྒྱ་གཞན་
D482.085.0046b03.01དུ་འགྱུར་ཏེ། དམ་ཚིག་ཆེན་པོ་དེ་ཁོ་ན་ཉིད་ལན་ཅིག་བརྗོད་ལ་སྙིང་གའམ། ནམ་མཁའ་ལ་སོ་སོར་བཅིང་ངོ་། །ངག་གི་ཕྱག་རྒྱ་ཡང་བཛྲ་ཛི་ཧཱ་ཞེས་བརྗོད་ལ་ཕྱག་རྒྱ་བཅིང་ངོ་། །ལྟ་བའི་ཕྱག་རྒྱ་ནི་སྙིང་པོའི་དོན་གྱིས་བཅིང་ངོ་། །སོའི་ཕྱག་རྒྱ་དང་མཆུའི་ཕྱག་རྒྱ་དང་མིག་
D482.085.0046b04.01བསྒུལ་བའི་ཕྱག་རྒྱ་དང་། སྙིང་དང་ལུས་གཡོ་བའི་ཕྱག་རྒྱ་ནི་ས་མ་ཡ་སྟྭྃ་ཞེས་བརྗོད་ན་བཅིང་བ་གྲུབ་པར་འགྱུར་རོ། །དེ་ནས་རྡོ་རྗེ་ཧཱུྃ་ཞེས་པའི་ཕྱག་རྒྱ་བཅིང་བ་འབྱུང་སྟེ། རྡོ་རྗེ་ཁྲོ་བོའི་མཛུབ་མོ་ནི་རྡོ་རྗེ་ཁུ་ཚུར་དུ་བྱས་ལ་མཛུབ་མོ་བརྐྱང་ན་རྡོ་རྗེ་ཁྲོ་བོ་ཞེས་བྱ་བ་ཡིན་ནོ། །རྡོ་རྗེ་ཁྲོ་བོའི་
D482.085.0046b05.01མཛུབ་མོ་གཉིས། །ལག་ངར་བསྣོལ་ཏེ་བཅིངས་ནས་ཀྱང་། །མཐེའུ་ཆུང་ལྕགས་ཀྱུ་སྦྲེལ་བྱས་ལ། །ཧཱུྃ་ཞེས་པས་ནི་བསྡིགས་པར་བྱ། །དེ་ཉིད་གཡས་པ་ཀྱོ་བ་ཏང་དུ་བྱས་པ་ནི། རྡོ་རྗེ་ཁྲོ་བོའི་ཀྱོ་བ་ཏང་ངོ་། །དེ་ལ་འདི་ནི་དམ་ཚིག་གི་ཕྱག་རྒྱའོ། །ལག་མཐིལ་དག་ཏུ་རྡོ་རྗེ་བཅིང་། །
D482.085.0046b06.01མཐེ་བོ་གཤིབས་པས་བཀབ་པ་ཡི། །ཁུ་ཚུར་བྱས་པ་དམ་ཚིག་གི། །ཕྱག་རྒྱ་རྡོ་རྗེ་ཁྲོ་བོ་སྟེ། །ཏི་རིན་ཏི་རི་ཞེས་བྱའོ། །ཧཱུྃ་ནི་ངག་གི་ཕྱག་རྒྱའོ། །ཡེ་ཤེས་ཀྱི་ཕྱག་རྒྱ་ནི་ཐམས་ཅད་གསོད་པའི་ཁྲོ་བོའོ། །རྡོ་རྗེའི་ས་གཞི་བཅིང་བ་ནི་རྡོ་རྗེ་བཅིང་བ་ས་ལ་བརྐྱང་སྟེ་བཞག་པ་འདིས་
D482.085.0046b07.01