完整藏文原文 · 德格版页 当前仅加载第 85 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་མཆོད་པ་རྣམ་བཞི་བྱ་སྟེ་འབྱུང་ངོ་། །དབང་ཐམས་ཅད་བསྐུར་བའི་དཀྱིལ་འཁོར་རོ། །དེ་ནས་རྡོ་རྗེ་རིན་པོ་ཆེའི་དཀྱིལ་འཁོར་འབྱུང་སྟེ། རྡོ་རྗེ་རིན་པོ་ཆེ་དབུས་སུ་བྲིས་ལ། ལག་ཏུ་ནོར་བུ་ཐོགས་ནས་རྡོ་རྗེ་རིན་པོ་ཆེ་ལངས་ཀྱི་བར་དུ་བཟླས་སོ། །
D482.085.0035a01.01དེ་ནས་དེ་བཞིན་གཤེགས་པ་བྱོན་ཏེ་དབང་བསྐུར་བར་མཛད་དོ། །དབང་བསྐུར་བ་དེས་ན་ཐམས་ཅད་ཀྱི་དབང་པོར་འགྱུར་རོ། །རིན་པོ་ཆེའི་དཀྱིལ་འཁོར་རོ། །དེ་ནས་དམ་ཚིག་གི་དཀྱིལ་འཁོར་ཏེ། ནམ་མཁའི་སྙིང་པོའི་ཆ་ལུགས་བྲིས་ལ། སྤྱན་སྔར་ནོར་དང་། གསེར་
D482.085.0035a02.01དང་། མུ་ཏིག་དང་། ནོར་བུ་རིན་པོ་ཆེ་ལ་སོགས་པ་གང་ཡང་རུང་བ་བཞག་ལ། དེ་ནས་དེ་བཙུད་དེ་ཐམས་ཅད་བསྟན་ནས། དམ་ཚིག་འདི་སྦྱིན་ནོ། །སངས་རྒྱས་ལ་སོགས་སེམས་དཔའ་དག །གལ་ཏེ་ཉིན་རེ་མཆོད་སྟོངས་ན། །ཁྱོད་ཀྱིས་ནོར་དང་དོན་བསགས་
D482.085.0035a03.01པ། །ཚེ་རབས་ཀུན་དུ་འཇིག་པར་འགྱུར། །དེ་ལ་འདི་ནི་མནའི་སྙིང་པོའོ། །ཨོྃ་བཱ་བཱ་ཊ་ཊ་ཡ་སྭཱ་ཧཱ། དེ་ནས་ཆུས་དབང་བསྐུར་རོ། །དམ་ཚིག་གི་དཀྱིལ་འཁོར་རོ། །ལས་ཀྱི་དཀྱིལ་འཁོར་བྲིས་ལ་དེ་བཞིན་གཤེགས་པ་རྒྱན་ཐམས་ཅད་ཀྱིས་བརྒྱན་པར་བྱ་སྟེ།
D482.085.0035a04.01དེའི་དབུས་སུ་བཞག་ནས་དེར་བཙུད་དེ། དེ་ནས་ལས་རྣམ་པ་ལྔ་བསླབ་པ་ནི་འདི་ལྟ་སྟེ། དབང་སྦྱིན་པས་དེ་བཞིན་གཤེགས་པ་ཐམས་ཅད་ལ་མཆོད་པ་བྱའོ། །དེ་ནས་ནོར་སྦྱིན་པ་ནི་དགེ་སྦྱོང་དང་བྲམ་ཟེ་ལ་སོགས་པ་ལ་ཅི་ནུས་ཀྱིས་སྦྱིན་ནོ། །དེ་ནས་ཟས་སྦྱིན་པ་ནི་བྱོལ་སོང་རྣམས་
D482.085.0035a05.01ལ་སྦྱིན་ནོ། །དེ་ནས་མི་འཇིགས་པའི་སྦྱིན་པ་ནི་གྱོད་ཁྲིད་ཐམས་ཅད་ལ་སྦྱིན་ནོ། །དེ་ནས་ཆོས་སྦྱིན་པ་ནི་མི་སྣང་བའི་སེམས་ཅན་རྣམས་ལ་སྦྱིན་ནོ། །ལས་ཀྱི་དཀྱིལ་འཁོར་རོ། །དེ་ནས་བསྒྲུབ་པ་འབྱུང་སྟེ་རས་ལ་བཅོམ་ལྡན་འདས་དེ་བཞིན་གཤེགས་པ་རྒྱན་ཐམས་ཅད་ཀྱིས་
D482.085.0035a06.01བརྒྱན་པ། རྡོ་རྗེ་རིན་པོ་ཆེའི་དབང་བསྐུར་བས་དབང་བསྐུར་བ་བྲིས་ཏེ། དེའི་གཡས་ཕྱོགས་སུ་འཕགས་པ་ནམ་མཁའི་སྙིང་པོ་བཅོམ་ལྡན་འདས་ལ་དབང་བསྐུར་བའི་ཕྲེང་བས་དབང་བསྐུར་བའོ། །གཡོན་ཕྱོགས་སུ་བཅོམ་ལྡན་འདས་ཕྱག་ན་རྡོ་རྗེ་རྒྱན་ཐམས་ཅད་
D482.085.0035a07.01