完整藏文原文 · 德格版页 当前仅加载第 85 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
མི་ནུས་སོ། །དེ་ནས་སྙིང་པོ་འདིས་བདག་གི་སྙིང་གར་དགྲོལ་ལོ། །ཨོྃ་བཛྲ་མུཥྚི་མུ། དེ་ནས་སློབ་མ་གཞུག་པ་སྟེ་རྡོ་རྗེ་ཁུ་ཚུར་གྱི་དམ་ཚིག་གི་ཕྱག་རྒྱ་རྡོ་རྗེ་དང་བཅས་པ་ཕྲེང་བ་དང་བཅས་པར་བྱ་སྟེ། དེ་བཞིན་དུ་རས་དམར་པོས་མིག་གཉིས་བཀབ་སྟེ། དེ་ནས་འདི་ཞེས་བརྗོད་དོ། །
D482.085.0036b01.01དེང་ཁྱེད་དེ་བཞིན་གཤེགས་པ་ཐམས་ཅད་ཀྱིས་ཕྱག་རྒྱས་བཏབ་པ་ནི་ཆོས་ཀྱི་ཕྱག་རྒྱ་དང་། རྡོ་རྗེ་འཛིན་གྱི་རྡོ་རྗེའི་ཕྱག་རྒྱས་ཀྱང་བཏབ་བོ། །ཁྱོད་ཆོས་དང་རྡོ་རྗེ་ལས་གང་འདོད། དེས་སྨྲས་པ་གཉིས་ཀའོ་ཞེ་ན། དེ་ནས་རྡོ་རྗེ་སློབ་དཔོན་གྱིས་རྡོ་རྗེ་དང་། དེ་བཞིན་གཤེགས་པའི་
D482.085.0036b02.01ཆ་ལུགས་བླངས་ནས་ཕྲེང་བ་དེའི་མགོ་ལ་བཞག་སྟེ། དགྲོལ་བའི་སྙིང་པོ་དེ་ཉིད་ཀྱིས་ཕྱག་རྒྱ་སྙིང་གར་དགྲོལ་ལོ། །དེ་ནས་ལག་ཏུ་སྦྱིན་པ་ནི་ལག་པ་གཡོན་པར་རྡོ་རྗེའོ། །གཡས་པར་དེ་བཞིན་གཤེགས་པའོ། །དེ་སྟེ་དེ་བཞིན་གཤེགས་པའོ་ཞེས་ཟེར་ན་དེ་ནས་དེ་བཞིན་གཤེགས་པ་
D482.085.0036b03.01ཉིད་སྦྱིན་ནོ། །དེ་སྟེ་རྡོ་རྗེའི་ཞེས་ཟེར་ན་དེའི་ལག་པ་གཡོན་པར་རྡོ་རྗེ་བྱིན་ལ་འདི་སྐད་བསྒོ་ཤིག །འདི་གཉིས་ནི་ཁྱོད་ཀྱི་གྲུབ་པར་དམིགས་ལ་རྟག་ཏུ་མཆོད་པ་གྱིས་ཤིག །དེ་ནས་གདོང་གཡོགས་པ་བཀྲོལ་ལ་དཀྱིལ་འཁོར་སྟོན་ལ་འདི་ཞེས་སྨྲོས་ཤིག །དེ་བཞིན་གཤེགས་
D482.085.0036b04.01པ་ཐམས་ཅད་ཀྱི། །ལུས་དང་ངག་སེམས་རྡོ་རྗེ་རྣམས། །བསྡུས་པ་ཁུ་ཚུར་ཞེས་བྱ་སྟེ། །བཅིངས་ན་རྡོ་རྗེ་ཁུ་ཚུར་བཤད། །དེ་ནས་སྙིང་པོ་བྱིན་ལ་ཕྱག་རྒྱ་བཅིངས་པ་སློབས་ཤིག །དམ་ཚིག་གི་ཁུ་ཚུར་ཞེས་བྱ་བའི་དཀྱིལ་འཁོར་རོ། །དེ་ནས་ཕྱག་རྒྱའི་དཀྱིལ་འཁོར་འབྱུང་སྟེ། །
D482.085.0036b05.01དཀྱིལ་འཁོར་ཆེན་པོའི་ཚུལ་བཞིན་དུ། །དཀྱིལ་འཁོར་ཐམས་ཅད་ཡང་དག་བྲི། །དེ་ཡི་དབུས་སུ་ཅི་རིགས་པར། །སངས་རྒྱས་སྐུ་ལུས་གཞག་པར་བྱ། །ཐམས་ཅད་རྒྱན་གྱིས་བརྒྱན་པ་ཡི། །རྡོ་རྗེ་ཁུ་ཚུར་ཀུན་འཛིན་པའོ། །དེ་ཡི་ངོས་ནི་ཐམས་ཅད་དུ། །ཕྱག་རྒྱ་བཞི་
D482.085.0036b06.01ནི་བྲི་བར་བྱ། །ཟླ་བའི་དཀྱིལ་འཁོར་དབུས་རྣམས་སུ། །རྡོ་རྗེ་རིན་ཆེན་ཡང་དེ་བཞིན། །དེ་བཞིན་རྡོ་རྗེ་པད་མོའི་དབུས། །རྡོ་རྗེ་རྒྱ་གྲམ་བྲི་བར་བྱ། །གྲྭ་ཡི་ཕྱོགས་རྣམས་ཐམས་ཅད་དུ། །མཆོད་པ་རྣམ་བཞི་བྲི་བར་བྱ། །དེ་ནས་བཙུད་ནས་ཕྱག་རྒྱ་ཀུན། །བཅིང་བ་ཡང་ནི་
D482.085.0036b07.01