完整藏文原文 · 德格版页 当前仅加载第 85 函德格 19b 版页；藏文 NFD、目录标记与异常页序保留在来源切片中，重复版页行以稳定序号区分。
གུར་གུམ་དང་། ལྡོང་རོས་དང་། བ་བླ་རྣམས་ལ་བསྒྲུབ་པ་འབྱུང་སྟེ། ལིག་བུ་མིག་བླངས་ལ་(འཛོམ་,འཇོམ་)པའི་སྟེང་དུ་བཞག་ནས། ལག་པས་མནན་ཏེ་གྲུབ་པ་རྣམ་གསུམ་བྱུང་གི་བར་དུ་བཟླས་སོ། །གཅིག་གིས་ནི་མི་སྣང་བར་འགྱུར་རོ། །གཉིས་པས་ནི་གཟུགས་མང་
D482.085.0019b01.01པོར་འགྱུར་རོ། །གསུམ་པས་ནི་ནམ་གནས་གོང་མར་འཛེག་པ་ན་ནམ་མཁའ་ལ་འགྲོ་བར་འགྱུར་རོ། །གུར་གུམ་ལ་སོགས་པ་བཟུང་སྟེ། འཇོམ་པའི་བུ་གར་བཅུག་ལ། རྡོ་རྗེ་འཛིན་མའི་ཕྱག་རྒྱས་མནན་ནས་ནམ་འབར་གྱི་བར་དུ་བཟླས་སོ། །དེ་ནས་ཐིག་ལེ་བྱས་ནས་
D482.085.0019b02.01འདོད་པ་ཐམས་ཅད་ཀྱི་བདག་པོ་དང་རིག་འཛིན་དང་ཐམས་ཅད་དུ་འགྲོ་བ་དང་ཚེ་ལོ་སྟོང་ཐུབ་པར་འགྱུར་རོ། དེ་ནས་སཱ་ལ་བྷཉྫི་ཀ་སྒྲུབ་པ་འབྱུང་སྟེ། གནས་གང་ལ་སཱ་ལ་བྷཉྫི་ཀ་རི་མོ་བྲིས་པ་འམ། །གཟུགས་སུ་བྱས་པ་དེའི་འཇོམ་པ་ལ་སོར་མོ་བཞག་སྟེ་ཟླ་བ་གཅིག་
D482.085.0019b03.01ཏུ་ཟློས་ཤིག །དེ་ནས་ཟླ་བ་གཅིག་གི་མཐར་མཚན་ཐོག་ཐག་ཟློས་ཤིག །དེ་ནས་ནང་པར་རང་གི་གཟུགས་སུ་བསྟན་ནས་འདོད་པ་ཐམས་ཅད་སྦྱིན་པའི་ཆུང་མར་འགྱུར་རོ། །གནོད་སྦྱིན་མོ་བསྒྲུབ་པར་འདོད་པས། གནོད་སྦྱིན་མོ་གང་ན་འདུག་པའི་གནས་དེར་
D482.085.0019b04.01འདུག་ལ། རང་གི་གཟུགས་སུ་འོངས་ཀྱི་བར་དུ་བཟླས་ན། དེ་ལ་འདོད་པ་ཐམས་ཅད་སྟེར་བའི་བྲན་མོར་འགྱུར་རོ། །དེ་ནས་ཤ་ཟ་མོ་བསྒྲུབ་པར་འདོད་པས་ཕྱག་དར་ཕུང་པོ་མེས་བཏང་སྟེ། ལག་པ་གཡོན་པས་རང་གི་མཚན་མ་དེ་བཟུང་ལ། གཡས་པས་
D482.085.0019b05.01གཟེགས་མ་བསྲེགས་པ་ནི་ཕྱག་དར་གྱི་ཕུང་པོ་དེ་ལས་ཅི་ཙམ་ན་ཤ་ཟ་མོ་གདོང་མདངས་གཟུགས་མི་སྡུག་པ་འོངས་ཏེ་རང་གི་གཟུགས་སུ་གནས་སོ། །དེ་ཡང་དེ་བཞིན་དུ་བྲན་མོར་འགྱུར་རོ། །དེ་ནས་ཅི་བགྱི་བ་བསྒྲུབ་པར་འདོད་པས་ཉིན་ཞག་གཅིག་སྨྱུང་བ་
D482.085.0019b06.01བྱས་ལ། ཚེས་ཉི་ཤུ་དགུ་ལ་བརྒྱད་སྟོང་བཟླས་ཏེ། དེ་ནས་ཟླ་བ་གཅིག་སློང་མོ་ལ་ཟ་ཞིང་གྲངས་མེད་པར་བཟླས་ཏེ། ཟླ་བ་གཅིག་ལོན་པ་དང་། ནུབ་གསུམ་སྨྱུང་བ་བྱས་ནས་མཚན་ཐོག་ཐག་བཟླས་སོ། །དེ་ནས་ནང་པར་ཅི་བགྱི་འོངས་ན་དེས་མི་འཇིགས་པར་
D482.085.0019b07.01