完整藏文原文 · 德格版页 当前仅加载第 85 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
པ། དེ་བཞིན་གཤེགས་པ་ཐམས་ཅད་ཀྱི་ཕྲེང་བ་ལ་སོགས་པའི་རྒྱན་གྱིས་བརྒྱན་པའི་སྐུར་བདག་ཉིད་མཐོང་བ་དེ་སྲིད་ཀྱི་བར་དུ་བཟླས་སོ། །དེ་ཕྱིན་ཅད་འདོད་པ་ཐམས་ཅད་ནུས་པར་འགྱུར་རོ། །དེ་ནས་ཁྲོ་བོའི་ལས་བསླབ་སྟེ། རྡོ་རྗེ་ཧཱུྃ་ཞེས་བྱ་བའི་ཕྱག་རྒྱ་
D482.085.0028a01.01བཅིངས་ལ་བཟླས་ན། དེ་བཞིན་གཤེགས་པ་ཐམས་ཅད་ཐང་ཅིག་བཟླས་ཏེ། ཧཱུྃ་ཞེས་པས་བསྡིགས་ན་དེ་བཞིན་གཤེགས་པ་ཡང་འགྱེལ་བར་འགྱུར་རོ། །དེ་ཕྱིན་ཅད་འགྲོ་བ་གནས་པ་ཐམས་ཅད་ཀྱང་འགྱེལ་ནུས་པར་འགྱུར་རོ། །དེ་ནས་ཕྱག་ན་རྡོ་རྗེའི་ལས་འབྱུང་སྟེ།
D482.085.0028a02.01སེམས་ཅན་ཐམས་ཅད་འདོད་པ་དང་ཁྲོ་བོ་གཉིས་ཀྱིས་འདུལ་བར་འདོད་ན། རྡོ་རྗེ་འཛིན་མའི་ཕྱག་རྒྱས་མེ་ཏོག་ལ་སོགས་པས་མཆོད་པ་བྱས་ཏེ། རྡོ་རྗེ་ཐུགས་ཀྱི་ཕྱག་རྒྱ་བདག་གི་སྙིང་གར་བཅིངས་ལ་ཕྱག་ན་རྡོ་རྗེའི་སྤྱན་སྔར་རྡོ་རྗེ་འཛིན་ཐོབ་པ་དེ་སྲིད་དུ་བཟླས་སོ། །དེ་བཞིན་
D482.085.0028a03.01གཤེགས་པ་ཐམས་ཅད་ཀྱི་ལས་བྱེད་པར་འདོད་པས་ཕྱག་ན་རྡོ་རྗེའི་སྤྱན་སྔར་བྱང་ཆུབ་ཏུ་སེམས་བསྐྱེད་ལ་སྦྱིན་པ་སྦྱིན། ཚུལ་ཁྲིམས་བསྲུང་། བཟོད་པ་བསྒོམ། བརྩོན་འགྲུས་བརྩམ། བསམ་གཏན་ལ་སྙོམས་པར་འཇུག །ཤེས་རབ་ཡོངས་སུ་རྫོགས་པར་བྱ་སྟེ། ཅི་འདོད་ཅི་
D482.085.0028a04.01ནུས་ཀྱིས་བྱ་ཞིང་རྟག་ཏུ་བཟླས་པ་ནི། ཕྱག་ན་རྡོ་རྗེའི་སྐུའམ། དེ་བཞིན་གཤེགས་པའི་སྐུར་མཐོང་གི་བར་དུ་བྱའོ། །དེ་ནས་ས་བཅུ་པོ་འཐོབ་སྟེ། དེ་བཞིན་གཤེགས་པའི་ལས་བྱེད་པའི་བྱང་ཆུབ་སེམས་དཔར་འགྱུར་རོ། །ལས་ཀྱི་དཀྱིལ་འཁོར་གྱི་ཆོ་གའོ།། །།
D482.085.0028a05.01དེ་ནས་སྒྲུབ་པ་འབྱུང་སྟེ། དཀྱིལ་འཁོར་དུ་ནི་མ་ཞུགས་པ། །དམ་ཚིག་ཤེས་པ་མ་ཡིན་དང་། །སློབ་མ་མ་ཡིན་གཞན་རྣམས་ལ། །མི་ཟད་སྙིང་པོ་འདི་མི་སྦྱིན། །དཀྱིལ་འཁོར་མཐོང་བས་སྒྲུབ་པ་ནི་ཕྱག་ན་རྡོ་རྗེའི་སྤྱན་སྔར་སྟོང་ཕྲག་བརྒྱ་བཟླས་ན་སྔར་བསྙེན་པ་བྱས་པར་འགྱུར་རོ། །
D482.085.0028a06.01དེ་ནས་རས་ལ་བྲིས་ཏེ། རས་ཀྱི་དབུས་སུ་ནི་བཅོམ་ལྡན་འདས་དེ་བཞིན་གཤེགས་པ་བྲི། དེའི་གཡས་སུ་ཕྱག་ན་རྡོ་རྗེ་ཕྱག་བཞི་པའི་ཐུགས་ཀ་ནས་ཐུགས་འབྱུང་བ་དེ་བཞིན་དུ་བྲི། གཡོན་དུ་སྤྱན་རས་གཟིགས་ཀྱི་དབང་པོ་ཕྱག་བཞི་པ་སྟེ། གཉིས་ན་ནི་པདྨོའི་ཏིང་ངེ་འཛིན་འཆང་།
D482.085.0028a07.01