完整藏文原文 · 德格版页 当前仅加载第 85 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
རྒོད་དུ་གཞུག་པ་དང་མྱོས་པར་བྱ་བ་ཐམས་ཅད་ལ་ཕཊ་ཅེས་བྱ་བས་སོ། །ཐམས་ཅད་གཉིད་ལོག་ཏུ་གཞུག་པ་ནི་བསྐུམས་ལ་མིག་བཙུམས་ཏེ་བརྒྱ་བཟླས་པས་ཐམས་ཅད་གཉིད་ལོག་པར་བྱས་པ་ཡིན་ནོ། །སེམས་ཅན་ཐམས་ཅད་རྒྱས་གདབ་པ་ནི་རྡོ་རྗེ་ཁྲོ་བོའི་ལྟ་བས་བལྟས་ན་
D482.085.0021b01.01རྒྱས་བཏབ་པར་འགྱུར་ཏེ། ཉིན་བདུན་ལས་ལྷག་པར་མི་གསོན་ནོ། །ངག་འཕྲོག་པ་ནི་རང་གི་ལྕེ་སོས་བཟུང་ནས་ཧཱུྃ་ཞེས་བྱ་བའི་བར་དུ་སྦྱོར་བ་བྱའོ། །སྙིང་དྲང་བ་ནི་རྡོ་རྗེ་སོར་མོའི་ཕྱག་རྒྱས་དཔུང་པ་བསྣོལ་ཏེ། རང་གི་མཆན་ཁུང་དུ་གློང་ཞིང་སྙིང་པོ་བཟླས་ན་ནུབ་བདུན་ཚུན་ཆད་
D482.085.0021b02.01འཕོ་བར་འགྱུར་རོ། །སྙིང་བཅད་པ་ནི་རྡོ་རྗེ་བླངས་ཏེ་གཅད་པར་བྱའོ། །སྙིང་དབྱེ་བ་ནི་རྡོ་རྗེ་ལྕགས་ཕུར་གྱིས་གདབ་སྟེ་མིང་ནས་སྨོས་ཤིང་གཟུགས་སོ། །སྙིང་སྦོ་བ་ནི་ལག་པ་གཉིས་ཀྱིས་རྡོ་རྗེ་བླངས་ཏེ་མཚན་བདུན་དུ་རབ་ཏུ་སྦྱོར་བ་བྱས་པས་འཕོ་བར་འགྱུར་རོ། །དེ་ནས་ཕྱག་རྒྱ་འདི་
D482.085.0021b03.01རྣམས་ལས་ཐར་བར་བྱ་བ་བཤད་དེ། དེས་རྒྱས་འདེབས་པ་ལ་ནི་ཁུ་ཚུར་དམ་པོས་སོ། །ངག་འཕྲོག་པ་ལ་ནི་རྡོ་རྗེ་ངག་གི་བཟླས་པས་སོ། །སྙིང་འདྲེན་པ་ལ་ནི་རྡོ་རྗེ་ཁུ་ཚུར་གྱི་ཕྱག་རྒྱ་སྙིང་གར་དགྲོལ་ལོ། །བཅད་པ་ལ་ནི་རྡོ་རྗེ་ཧཱུྃ་ཞེས་པ་བཟླས་ནས་འོ་མས་ཁྲུས་ཤིག །ཕྱེ་བ་
D482.085.0021b04.01ལ་ནི་ཕུར་བུ་ཕྱུང་ནས་རྡོ་རྗེ་དྲིས་སྐུས་ཤིག །སྙིང་སྤོབ་ལ་ནི་རྡོ་རྗེ་སྙིང་པོས་ཐར་བར་བྱའོ། །དེ་བཞིན་དུ་བྱད་མའི་ཕྱག་རྒྱ་ཡང་སྤོ་བར་བྱའོ། །སྙིང་བསྒྲུབ་པར་འདོད་ན་བུད་མེད་ཀྱི་སྙིང་གར་ལྟ་ཞིང་ལན་ཅིག་བཟླས་ན་དེའི་སྙིང་ག་ནས་སྒྲ་ཐོས་པར་འགྱུར་རོ། །སྐྱེས་པའི་སྙིང་གར་
D482.085.0021b05.01ཡང་དེ་བཞིན་དུ་བྱས་ཏེ་སྙིང་ག་ཐམས་ཅད་དུ་ཡང་དེ་ལྟར་རོ། །དེ་ནས་ཕ་རོལ་གྱི་སེམས་ཤེས་པ་བསྒྲུབ་པར་འདོད་པས་ནི་རྡོ་རྗེ་ཧཱུྃ་ཞེས་པ་བརྒྱར་བཟླས་ན་ཕ་རོལ་གྱི་སེམས་ཤེས་སོ། །སྔོན་གྱི་གནས་ཤེས་པར་བྱ་བ་ནི་རྡོ་རྗེ་ཧཱུྃ་ཞེས་པ་བཟླས་པས་སོ། །རྨི་ལམ་མཐོང་བར་འདོད་
D482.085.0021b06.01པས་ནི་རྡོ་རྗེ་ཧཱུྃ་ཞེས་པ་ལན་ཉི་ཤུ་རྩ་གཅིག་བཟླས་ཤིང་བདུག་པས་ཀ་པི་ཙས་བདུགས་ཏེ་གཉིད་ལོག་ན། དེ་ནས་བཅོམ་ལྡན་འདས་ཀྱིས་འདས་པ་དང་མ་འོངས་པ་དང་ད་ལྟར་གྱི་ཤེས་པ་སྟོན་ཏོ། །ཚིག་བསྒྲུབ་པར་འདོད་པས་རྡོ་རྗེ་ཚིག་གིས་སྟོང་ཕྲག་བརྒྱ་བཟླས་ན། རྡོ་རྗེ་ཚིག་
D482.085.0021b07.01