完整藏文原文 · 德格版页 当前仅加载第 85 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
བསླབ་པར་བྱ། །སྒྲུབ་པ་གསང་བ་དག་དང་ནི། །བསྐུལ་བ་གསང་བ་བསླབ་པར་བྱ། །འདི་རྣམས་ཐམས་ཅད་ཀུན་བྲིས་ནས། །སྒྲུབས་ཤིག་ཅེས་ནི་བརྗོད་པར་བྱ། །ཕྱག་རྒྱའི་དཀྱིལ་འཁོར་རོ། །དེ་ནས་དམ་ཚིག་གི་དཀྱིལ་འཁོར་འབྱུང་སྟེ། དེ་
D482.085.0037a01.01བཞིན་དུ་མཚན་མ་བཞག་ནས་འདི་ཞེས་བརྗོད་དོ། །ཅི་སྟེ་དཀྱིལ་འཁོར་མ་མཐོང་ན། །ཕྱག་རྒྱ་ཤེས་པར་བསྟན་ན་ནི། །རྡོ་རྗེ་རིན་ཆེན་རྒྱལ་བ་དང་། །སྣ་ཚོགས་པས་ཁྱོད་གསོད་པར་འགྱུར། །དམ་ཚིག་གི་དཀྱིལ་འཁོར་རོ། །དེ་ནས་ལས་ཀྱི་དཀྱིལ་འཁོར་འབྱུང་སྟེ།
D482.085.0037a02.01དཀྱིལ་འཁོར་དེ་བཞིན་དུ་བྲིས་ལ་བཅོམ་ལྡན་འདས་རྡོ་རྗེ་ཁུ་ཚུར་གྱི་སྤྱན་སྔར་ཕྱག་རྒྱའི་ལས་བསླབ་བོ། །དེ་ལ་ཕྱག་རྒྱ་བཅིངས་པ་ནི་འདིའོ། །རྡོ་རྗེ་བཅིང་བ་ཀུན་བྱས་ལ། །སོར་མོ་ཐམས་ཅད་དགུག་བྱ་སྟེ། །རྡོ་རྗེ་འབེབས་པའི་ཕྱག་རྒྱ་དང་། །རྡོ་རྗེ་ཁུ་ཚུར་ཕྱག་རྒྱ་བཅིང་། །
D482.085.0037a03.01དེ་ནས་ལག་པའི་ཕྱག་རྒྱ་བཅིང་ངོ་། །དེ་ལྟ་བུར་མི་ལྡན་ན་འདོད་པ་ཐམས་ཅད་ཀྱི་མཆོག་བསྒྲུབ་པས་ནི་དམ་ཚིག་ཆེན་པོ་ཡང་དག་པའི་ཡེ་ཤེས་ཀྱི་སྙིང་པོ་ཐང་ཅིག་བཟླས་པས་ཕྱག་རྒྱ་ཐམས་ཅད་བཅིང་བར་བྱ་སྟེ། ཐམས་ཅད་ཀྱི་ནི་མ་ཡིན་ནོ། །ལས་ཀྱི་དཀྱིལ་འཁོར་རོ། །
D482.085.0037a04.01དེ་ནས་བཅོམ་ལྡན་འདས་རྡོ་རྗེ་ཁུ་ཚུར་གྱི་སྒྲུབ་པ་འབྱུང་སྟེ། འོ་མ་འཐུང་ཞིང་རྡོ་རྗེ་ཁུ་ཚུར་གྱི་དམ་ཚིག་གི་ཕྱག་རྒྱ་བཅིངས་ནས་འབུམ་བཟླས་ན། སྔར་བསྙེན་པ་བྱས་པར་འགྱུར་རོ། །དེ་ནས་རས་ལ་བྲི་བར་བྱ་སྟེ། རས་ལ་བཅོམ་ལྡན་འདས་འཕགས་པ་རྡོ་རྗེ་ཁུ་ཚུར་རྒྱན་
D482.085.0037a05.01ཐམས་ཅད་ཀྱིས་བརྒྱན་པ་བྲིས་ལ་ཕྱག་གཉིས་ཀྱིས་རྡོ་རྗེ་དང་བཅས་པའི་རྡོ་རྗེ་ཁུ་ཚུར་བཅིངས་པ་རྡོ་རྗེ་དབང་བསྐུར་བའི་དར་གྱིས་བཅིངས་ལ། དེའི་ཐད་འཁོར་ཐམས་ཅད་དུ་དེ་བཞིན་གཤེགས་པའི་འཁོར་གྱི་དཀྱིལ་འཁོར་རྣམས་བྱའོ། །དེ་བཞིན་གཤེགས་པ་དེ་དག་ཀྱང་
D482.085.0037a06.01ཕྱག་གཉིས་ཀ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཁུ་ཚུར་དུ་བཅིང་བར་བྱའོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་ཏིང་ངེ་འཛིན་དུ་སྙོམས་པར་ཞུགས་པར་བྱའོ། །དེ་ནས་དེའི་སྤྱན་སྔར་དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་བཅིངས་ལ་སྟོང་ཕྲག་བརྒྱ་བཟླས་པའི་
D482.085.0037a07.01