完整藏文原文 · 德格版页 当前仅加载第 85 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
སའི་སྤྱི་བོ་ནི་རྡོ་རྗེ་རྣམ་འདྲེན་ནོ། །བཱ་རུ་ཎ་ནི་རྡོ་རྗེ་ཀླུ་སྟེ། དེ་དག་ལ་སོགས་པ་ནི་རྡོ་རྗེ་བྲན་དུ་དབང་བསྐུར་རོ། །དེ་ནས་འཇིག་རྟེན་གསུམ་གྱི་བདག་པོ་རྣམས་ཀྱིས་ལྷ་མོ་ཐམས་ཅད་ཀྱི་ལག་ཏུ་རྡོ་རྗེ་བྱིན་ཏེ། རྡོ་རྗེའི་དབང་བསྐུར་ནས་རྡོ་རྗེ་མིང་གི་དབང་བསྐུར་བ་བྱིན་པ་ནི་འདི་ལྟ་སྟེ། ཉོན་
D482.085.0013b01.01མོངས་པ་ནི་རྡོ་རྗེ་ཁྲོ་བ་མའོ། །ནོར་ཅན་ནི་རྡོ་རྗེ་གསེར་མའོ། །ཚངས་མ་ནི་རྡོ་རྗེ་ཞི་མའོ། །དུག་མོ་ནི་རྡོ་རྗེ་གཞོན་ནུ་མའོ། །དབང་མོ་ནི་རྡོ་རྗེ་ཁུ་ཚུར་ཏེ། དེ་དག་ལ་སོགས་པ་ནི་རིག་སྔགས་ཀྱི་བློན་མོ་ཆེན་མོར་དབང་བསྐུར་རོ། །དེ་ནས་བར་སྣང་ལ་རྒྱུ་བའི་མ་རྣམས་དབང་བསྐུར་བ་བྱིན་
D482.085.0013b02.01པ་ནི་འདི་ལྟ་སྟེ། བདུད་རྩི་མ་ནི་རྡོ་རྗེ་བདུད་རྩི་མའོ། །འཁྲུང་མ་ནི་རྡོ་རྗེ་སྡུག་གུ་མའོ། །བེ་ཅོན་འཆང་མ་ནི་རྡོ་རྗེ་བེ་ཅོན་རྩེ་མོའོ། །སྐྱེ་འཕྲོག་མ་ནི་རྡོ་རྗེ་རྐེད་ཆིངས་ཏེ། དེ་དག་ལ་སོགས་པ་ནི་རྡོ་རྗེ་ཁྲོ་མོར་དབང་བསྐུར་རོ། །དེ་ནས་ནམ་མཁའ་ལ་རྒྱུ་བའི་མ་རྣམས་དབང་བསྐུར་བ་བྱིན་
D482.085.0013b03.01པ་ནི་འདི་ལྟ་སྟེ། གསོད་མ་ནི་རྡོ་རྗེ་གསོད་མའོ། །ཟ་བ་མོ་ནི་རྡོ་རྗེ་ཟ་བ་མོའོ། །གོས་ནི་རྡོ་རྗེ་བགོ་བ་མོའོ། །དགའ་མོ་ནི་རྡོ་རྗེ་དབང་མོ་སྟེ། དེ་དག་ལ་སོགས་པ་ནི་རྡོ་རྗེ་ཚོགས་མ་མོར་དབང་བསྐུར་རོ། །དེ་ནས་ས་ལ་རྒྱུ་བའི་མ་རྣམས་དབང་བསྐུར་བ་བྱིན་པ་ནི་འདི་ལྟ་སྟེ། ཞི་བ་མོ་
D482.085.0013b04.01ནི་རྡོ་རྗེ་ཕོ་ཉ་མོའོ། །རླུང་མ་ནི་རྡོ་རྗེ་མགྱོགས་མའོ། །མེ་ནི་རྡོ་རྗེ་འབར་མའོ། །ཀུ་བེ་ར་ནི་རྡོ་རྗེ་ཐག་ཐུག་མ་སྟེ། དེ་དག་ལ་སོགས་པ་ནི་རྡོ་རྗེ་ཕོ་ཉ་མོར་དབང་བསྐུར་རོ། །དེ་ནས་ས་འོག་ན་གནས་པའི་མ་ཐམས་ཅད་དབང་བསྐུར་བ་བྱིན་པ་ནི་འདི་ལྟ་སྟེ། ཕག་མོ་ནི་རྡོ་རྗེ་གདོང་ངོ་། །མགོ་
D482.085.0013b05.01ལྤགས་མ་ནི་རྡོ་རྗེ་ནག་མོའོ། །སྣ་ཆད་མ་ནི་རྡོ་རྗེ་མྱགས་མའོ། །ཀླུ་མོ་ནི་རྡོ་རྗེ་ཆུ་སྲིན་མ་སྟེ། དེ་དག་ལ་སོགས་པ་ནི་རྡོ་རྗེ་བྲན་མོར་དབང་བསྐུར་རོ། །དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོས་བཙུད་པ་དེ་དག་ཐམས་ཅད་ཀྱིས་སངས་རྒྱས་ཀྱི་ཡེ་ཤེས་བསྐྱེད་ནས་རྡོ་རྗེའི་
D482.085.0013b06.01དམ་ཚིག་བྱིན་པའོ། །ཨོྃ་བ་ལི་ཏོད་བ་ལི་ཏོད་བཛྲ་ཨཱ་ཀརྵ་ཡ་ཧཱུྃ་ཛ། ལྷ་རྣམས་དགུག་པའོ། །ཨོྃ་བཛྲ་ཨ་གྲི་པི་ཊཱ་ཡ་ས་མ་ཡ་ཧཱུྃ། བར་སྣང་ལ་རྒྱུ་བ་རྣམས་ཀྱིའོ། །ཨོྃ་བཛྲ་མཱ་ལཱ་གྲ་ལྃ། ཕྲེང་བ་འཆང་བ་རྣམས་ཀྱིའོ། །ཨོྃ་བཛྲ་བནྡྷ་ཧྃ། ས་ལ་རྒྱུ་བ་རྣམས་ཀྱིའོ། །
D482.085.0013b07.01