完整藏文原文 · 德格版页 当前仅加载第 85 函德格 45a 版页；藏文 NFD、目录标记与异常页序保留在来源切片中，重复版页行以稳定序号区分。
མཁའ་སྐྱེ་བའི་མཚན་ཉིད་དོ། །ཀུན་དུ་བཟང་པོ་ཐམས་ཅད་བདག །འདོད་པ་འགྲོ་བ་བདག་པོ་ཡིན། སེམས་ཅན་ཀུན་སེམས་གང་ཡིན་པ། །བརྟན་པས་སེམས་དཔའ་ཞེས་བྱའོ། །མཉམ་པར་གཞག་པས་ཏིང་ངེས་འཛིན། །ངེས་པར་རྡོ་རྗེ་ཉིད་དུ་
D482.085.0045a01.01འགྱུར། །དེ་ལ་སྨྲས་པ་སེམས་གཟུགས་མེད་པ་ལ་ཇི་ལྟར་ན་སྲ་བའི་རྡོ་རྗེར་འགྱུར། སྨྲས་པ། ཇི་ལྟར་རྣམ་པར་ཤེས་པ་ལ་སེམས་ཅན་སྐྱེ་བ་ན་ཤ་དང་། རུས་པ་འབྱུང་བར་འགྱུར་བ་བཞིན་ཏེ། སྡུག་པ་དང་། ཆགས་པ་དང་། བདེ་བ་དང་། རྣམ་པར་ཤེས་པ་གཟུགས་མེད་
D482.085.0045a02.01པ་རྣམས་འདུས་པ་ལས་སེམས་ཅན་སྐྱེ་བ་དང་། ཇི་ལྟར་ཀླུ་རྣམས་ཁྲོས་པས་སེམས་ཀྱི་ཏིང་ངེ་འཛིན་ངེས་པས་ནམ་མཁའ་ལ་གནམ་ལྕགས་འབྱུང་བའམ། གློག་དང་བཅས་ཏེ་འབྱུང་བ་དེ་བཞིན་དུ་ངེས་པ་དག་ལས་རྡོ་རྗེ་ཉིད་དུ་འགྱུར་ཏེ། སེམས་དཔར་བྱིན་རླབས་སྦྱོར་བ་ཡིན། །
D482.085.0045a03.01རྡོ་རྗེ་སེམས་དཔར་ཡང་འགྱུར་རོ། །བཅོམ་ལྡན་རྡོ་རྗེ་དེ་ཉིད་ནི། །བསྒོམས་པས་སེམས་དཔའ་ཉིད་དུ་འགྱུར། །དེ་ལ་སེམས་དཔར་བྱིན་གྱིས་རློབ་པའི་སྦྱོར་བ་གང་ཞེ་ན། སེམས་དཔའ་ཀུན་གྱི་བདག་ཆེ་ན། །བདག་ཉིད་ལ་ཡང་གནས་སོ་ཞེས། །བྱིན་གྱིས་བརླབས་ནས་
D482.085.0045a04.01སེམས་དཔའ་བདག །ཡིན་ཞེས་ང་རྒྱལ་བསྒོམ་པར་བྱ། །དེ་ཉིད་བཅོམ་ལྡན་སེམས་དཔའ་སྟེ། །རྡོ་རྗེ་སེམས་དཔའ་འམ་རྒྱལ་བ་ཡིན། །རང་སེམས་སོ་སོར་བརྟགས་པ་ནི། །སངས་རྒྱས་བྱང་ཆུབ་དེ་ཉིད་ཡིན། །དེ་ཉིད་ཕྱག་ན་རྡོ་རྗེ་སྟེ། །རྡོ་རྗེ་འཛིན་པའི་ཚུལ་གྱིས་
D482.085.0045a05.01སོ། །འཇིག་རྟེན་དབང་པོ་ནམ་མཁའ་སྙིང་། །དེ་ལྟར་གཞན་ཡང་དེ་ཉིད་དོ། །སངས་རྒྱས་རིགས་ཀྱང་དེ་ཉིད་དེ། །དེ་ནི་རྡོ་རྗེ་འཆང་བའི་རིགས། །དེ་ཉིད་སྤྱན་རས་གཟིགས་ཀྱི་རིགས། །དེ་ཉིད་ནོར་བུའི་རིགས་ཡིན་ཏེ། །ཁམས་གསུམ་དེ་ཉིད་ཡིན་ཞེས་གསུངས། །
D482.085.0045a06.01འཇིག་རྟེན་གསུམ་པོའང་དེ་ཉིད་དོ། །དེ་ཉིད་བྱེད་དང་འབྱིན་པ་པོ། །སེམས་ཅན་ཀུན་གྱི་མེས་པོ་སྟེ། །དེ་ཉིད་སེམས་ཅན་གནས་ཡིན་ཏེ། །འབྱུང་བ་ཆེ་རྣམས་དེ་ཉིད་དོ། །དེ་ཉིད་འགྲོ་བའི་མགོན་པོ་སྟེ། །གནས་པ་དང་ནི་འགྲོ་བ་ཡིན། །ཞེས་བཅོམ་ལྡན་འདས་
D482.085.0045a07.01