完整藏文原文 · 德格版页 当前仅加载第 85 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་གསུངས་པ་ཙམ་གྱིས་འཇིག་རྟེན་གྱི་ཁམས་ཐམས་ཅད་རབ་ཏུ་གཡོས་སོ། །དེ་བཞིན་གཤེགས་པ་ཐམས་ཅད་གཡོས། །རབ་ཏུ་གཡོས། འཕར་རབ་ཏུ་འཕར། བྱང་ཆུབ་སེམས་དཔའ་རྣམས་རབ་ཏུ་བསྐྱོད་པར་གྱུར་ཏོ། །ཉན་ཐོས་དང་རང་
D482.085.0025a01.01སངས་རྒྱས་ཐམས་ཅད་ཀྱང་མ་རུང་བར་གྱུར་ཏོ། །བྱང་ཆུབ་སེམས་དཔའ་སའི་སྙིང་པོར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱིས་བརྟན་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔའི་གྲུབ་པ་ཡང་སྲ་བར་གྱུར་ཏོ། །བདུད་དང་མི་བགྲུངས་
D482.085.0025a02.01པའི་ཕྱོགས་ཐམས་ཅད་ཀྱང་བརླག་པར་བྱས་སོ། །གདོན་ཐམས་ཅད་བཅོས་བསད་བཅོམ་སྟེ་འདར་པད་པད་ནས། བཅོམ་ལྡན་འདས་ལ་སྐྱབས་སུ་དོང་ནས་བཅོམ་ལྡན་འདས་བདག་ཅག་སྐྱོབས། བདེ་བར་གཤེགས་པ་བདག་ཅག་སྐྱོབས་ཤིག་པ་དང་། བཅོམ་ལྡན་འདས་
D482.085.0025a03.01ཀྱིས་དེ་དག་ལ་བཀའ་སྩལ་པ། ཕྱག་ན་རྡོ་རྗེ་འདི་ཉིད་ལ་སྐྱབས་སུ་དེང་ཤིག་དང་། འདི་ཉིད་ཁྱེད་ལ་སྐྱོབ་པར་བྱེད་དོ། །ཕྱག་ན་རྡོ་རྗེའི་སྙིང་ག་ནས་ཀུན་ཏུ་འབར་བས་བསྐོར་བ། དེ་བཞིན་གཤེགས་པ་ཐམས་ཅད་ཀྱི་ཕྲེང་བ་ལ་སོགས་པའི་རྒྱན་ཐམས་ཅད་ཀྱིས་བརྒྱན་པ་འཛུམ་ཞིང་
D482.085.0025a04.01ཁྲོ་བ། ཕྱག་གཉིས་ཀྱིས་མེ་ཏོག་གི་གཞུ་འགེངས་པ། ཕྱག་གཉིས་ཀྱིས་རྡོ་རྗེ་ཧཱུྃ་ཞེས་པ་བཅོམ་ལྡན་འདས་རྡོ་རྗེ་འདོད་པའི་ཁྲོ་བོ་ཕྱུང་ནས། འཇིག་རྟེན་གྱི་ཁམས་ཐམས་ཅད་ཀྱི་སེམས་ཅན་ཀུན་འདོད་པའི་ཁྲོ་བོས་སྦྱངས་ནས། ཕྱག་ན་རྡོ་རྗེའི་སྤྱན་སྔར་འདུག་སྟེ་བཀའ་ནོད་དོ། །
D482.085.0025a05.01བཅོམ་ལྡན་འདས་ཀྱིས་བཀའ་སྩལ་པ། ང་ཇི་ལྟ་བ་དེ་བཞིན་དུ་ཁྱོད་ཀྱིས་ཀྱང་སེམས་ཅན་ཐམས་ཅད་ཀྱི་དོན་གྱིས་ཤིག་ཅེས་སོ། །དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་འདི་སྐད་གསུངས་སོ། །ལག་ན་རྡོ་རྗེ་དེ་བས་ན་ཁྱོད་སྙིང་པོ་གང་གིས་སེམས་ཅན་འདི་དག་ཐམས་ཅད་
D482.085.0025a06.01བརྒྱལ་བ་དང་། བཅོས་པ་དང་། བཅོམ་པ་ཀུན་འཚོ་བར་འགྱུར་བ་དང་། གཞན་དག་ཀྱང་རྡོ་རྗེའི་ལུས་ཐོབ་པར་འགྱུར་བ་དེ་སྨྲོས་ཤིག །ཨོྃ་ཊུྃ། རྡོ་རྗེ་གོ་ཆའི་ཕྱག་རྒྱ་འདིས་བདག་ཉིད་གོ་བགོས་ན། རྡོ་རྗེའི་ལུས་དང་། རྡོ་རྗེའི་ཚེ་ཐོབ་ཅིང་སྲུང་བར་ཡང་འགྱུར་ཏེ།
D482.085.0025a07.01