完整藏文原文 · 德格版页 当前仅加载第 85 函德格 32b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་འཕགས་པ་སྤྱན་རས་གཟིགས་ཀྱི་དབང་པོ་བྱང་ཆུབ་སེམས་དཔའ་སེམས་དཔའ་ཆེན་པོས་རང་གི་སྙིང་པོ་འདི་གསུངས་སོ། །ཨཱ་རོ་ལིཀ །དེ་ནས་འདི་བརྗོད་པ་ཙམ་གྱིས་དེ་བཞིན་གཤེགས་པ་ཐམས་ཅད་ལྷན་ཅིག་ཏུ་འདུས་ཏེ། རི་རབ་རིའི་རྩེ་མོར་བཅོམ་ལྡན་འདས་
D482.085.0032b01.01རྣམ་པར་སྣང་མཛད་དེ་བཞིན་གཤེགས་པ་ག་ལ་བ་དེར་དོང་ནས། བཅོམ་ལྡན་འདས་འཕགས་པ་སྤྱན་རས་གཟིགས་ཀྱི་དབང་པོའི་དཀྱིལ་འཁོར་དུ་གྱུར་ཏེ་ཞུགས་སོ། །དེ་ནས་འཕགས་པ་སྤྱན་རས་གཟིགས་ཀྱི་དབང་པོ་བྱང་ཆུབ་སེམས་དཔའ་སེམས་དཔའ་ཆེན་པོས་
D482.085.0032b02.01རང་གི་སྙིང་པོའི་དཀྱིལ་འཁོར་འདི་གསུངས་སོ། །དེ་ནས་ཡང་དག་རབ་བཤད་པ། །དཀྱིལ་འཁོར་ཆེན་པོ་དམ་པ་སྟེ། །འཇིག་རྟེན་གསུམ་རྒྱལ་ཚུལ་བཞིན་དུ། །ཕྱི་ཡི་དཀྱིལ་འཁོར་བྲི་བར་བྱ། །དེ་དབུས་སྲད་བུ་མཉམ་པ་རུ། །གྲྭ་བཞི་པར་ནི་གདབ་པ་
D482.085.0032b03.01རུ། །གཉིས་པའི་གྲྭ་ནི་སྒོར་བསྟན་ཏེ། །དཀྱིལ་འཁོར་མཆོག་ནི་བྲི་བར་བྱ། །དཀྱིལ་འཁོར་བརྒྱད་ཀྱི་ཚུལ་དུ་སྟེ། །དབུས་སུ་ཐིག་ནི་བཞི་ཡང་བྲི། །ཚོན་རྩི་དམར་པོ་དག་གིས་ནི། །པདྨ་འདབ་བརྒྱད་བྲི་བར་བྱ། །དེ་ཡི་སྙིང་པོའི་དབུས་སུ་ནི། །འཇིག་
D482.085.0032b04.01རྟེན་མགོན་པོ་གཞུག་པར་བྱ། །འདབ་མ་ཀུན་གྱི་སྟེང་རྣམས་སུ། །སངས་རྒྱས་ཆ་ལུགས་བྲི་བར་བྱ། །པདྨ་ཆེ་མཆོག་ཕྱག་རྒྱ་ཡིས། །དེར་ནི་སློབ་དཔོན་བཞུགས་ནས་ཀྱང་། །དཀྱིལ་འཁོར་གནས་སུ་འཇུག་ནས་ནི། །རྣལ་འབྱོར་སྙོམས་པར་འཇུག་པར་བྱ། །
D482.085.0032b05.01ཇི་ལྟར་པདྨ་ཆུ་རྣམས་དང་། །ཉེས་པའི་བག་ཆགས་མང་པོ་ཡིས། །ཆགས་པར་མི་འགྱུར་དེ་བཞིན་འདིར། །འགྲོ་བ་ཆགས་པས་དག་པར་གྱུར་པ་ཡིན། །འདི་ལན་ཅིག་བརྗོད་ནས་བསྒོམ་སྟེ། དེ་ནས་མཛུབ་མོ་གཉིས་ཀྱི་ཀྱོ་བ་ཏང་གིས་ཀུན་དྲངས་ལ་པདྨོ་ཆེན་པོ་དེ་སྤྱན་རས་
D482.085.0032b06.01གཟིགས་ཀྱི་དབང་པོའི་སྤྱན་སྔར་དགྲོལ་ལོ། །དེ་ལ་པད་མོ་ཆེན་པོའི་ཀྱོ་བ་ཏང་ནི་འདིའོ། །ཨོྃ་མ་ཧཱ་པདྨ་ཧཱུྃ་ཛ་ཧྲཱིཿ། །དེ་ནས་བཅོམ་ལྡན་འདས་འཕགས་པ་སྤྱན་རས་གཟིགས་ཀྱི་དབང་པོ་ཉིད་བྱོན་ཏེ། སློབ་དཔོན་ལ་ཞལ་སྟོན་པར་མཛད་ནས་ཡང་ན་འོད་ཟེར་ཡང་འགྱེད་དོ། །དེ་
D482.085.0032b07.01