完整藏文原文 · 德格版页 当前仅加载第 85 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་ཕྲག་བརྒྱ་བཟླས་ན་བུད་མེད་ཐམས་ཅད་མགུ་བར་འགྱུར་རོ། །ཕྱག་ན་རྡོ་རྗེའི་སྤྱན་སྔར་སྤྱན་རས་གཟིགས་དབང་པོའི་དམ་ཚིག་གི་ཕྱག་རྒྱ་བཅིངས་ལ་སྟོང་ཕྲག་བརྒྱ་བཟླས་ན་བུད་མེད་ཐམས་ཅད་མགུ་བར་འགྱུར་རོ། །སེམས་ཅན་ཐམས་ཅད་དབང་དུ་བྱ་བར་འདོད་ན་རྡོ་རྗེ་
D482.085.0022b01.01ཁུ་ཚུར་གྱི་བཅིངས་པས་རྡོ་རྗེ་བཟུང་ལ་ནམ་འགུལ་གྱི་བར་དུ་བཟླས་སོ། །སྣང་བ་ལ་དབང་དུ་བྱ་བར་འདོད་ན་རྡོ་རྗེ་བླངས་ཏེ་རང་གི་སྤྱི་བོར་བཞག་ལ་རྡོ་རྗེ་སྤྱི་བོར་བརྟན་པར་གྱུར་གྱི་བར་དུ་བཟླས་སོ། །དེ་ནས་སྣང་བའི་མདུན་དུ་འདུག་ན་དེས་སྣང་བར་རང་གི་དབང་བསྐུར་བ་ཡང་སྩོལ་ཏོ། །
D482.085.0022b02.01ནོར་དགུག་པ་ནི་རིན་པོ་ཆེའི་གཙོ་བོའི་ཕྱེ་མས་སྦྱིན་སྲེག་བྱས་པས་སོ། །ཆར་དབབ་པ་ནི་རྡོ་རྗེ་ཧཱུྃ་ཞེས་པ་སྟོང་བཟླས་པས་སོ། །ཆར་གཅད་པ་ནི་རྡོ་རྗེ་ཧཱུྃ་ཞེས་པས་སོ། །སེར་བ་གཅད་པ་ནི་རྡོ་རྗེ་གསོར་བའི་ཕྱག་རྒྱས་སོ། །གདོན་དགག་པ་ཡང་ཕྱག་རྒྱ་དེ་ཉིད་ཀྱིས་སོ། །
D482.085.0022b03.01སྤྲིན་དགག་པ་ནི་རྡོ་རྗེ་ཧཱུྃ་ཞེས་བྱ་བ་བརྒྱར་བཟླས་པས་སོ། །བསལ་བ་ལ་ནི་རྡོ་རྗེ་ཧཱུྃ་ཞེས་པ་ལན་བརྒྱར་བཟླས་སོ། །རྡོ་རྗེ་དཀྱིལ་འཁོར་གྱི་སྟེང་དུ་བཞག་ནས་མེ་ཏོག་དང་བདུག་པས་མཆོད་དེ། རྡོ་རྗེ་འཛིན་མའི་ཕྱག་རྒྱས་མནན་ཏེ། རྡོ་རྗེ་ལངས་ཀྱི་བར་དུ་བཟླས་སོ། །དེ་ཐོགས་
D482.085.0022b04.01ནས་ས་བསྐོར་ན་ཅི་འདོད་པ་བཞིན་དུ་སྒྱུ་མའི་ལས་རྣམས་སྟོན་ཏེ། རྡོ་རྗེ་བསྐོར་བས་དུས་མ་ཡིན་པར་ཤིང་ལ་འབྲས་བུ་དང་མེ་ཏོག་མཐོང་ངོ་། །ནམ་མཁའ་ལ་མེ་ཏོག་གི་ཕྲེང་བ་ཆགས་པར་བྱ་བ་ནི་དབུགས་བསྡམས་ལ་རྡོ་རྗེ་ཁུ་ཚུར་བཅིངས་ཏེ་གཏོར་ན་ཆགས་སོ། །ཆ་ལུགས་
D482.085.0022b05.01བཞད་པར་བྱ་བ་ནི་རྡོ་རྗེའི་ཕྱག་རྒྱས་སོ། །གར་བྱེད་པར་བྱ་ན་རྡོ་རྗེ་འཛིན་མས་སོ། །སྨྲ་བར་བྱ་ན་ཧཱུྃ་ཞེས་པས་སོ། །རྒྱུག་པར་བྱ་ན་རྡོ་རྗེ་དགུག་པའི་ཕྱག་རྒྱས་སོ། །སྨིན་མ་འགུལ་བར་བྱ་ན་རྡོ་རྗེའི་ཕྱག་རྒྱ་འཛིན་པས་རྡོ་རྗེ་ཐོགས་ལ་རང་གི་སྨིན་མཚམས་སུ་བསྒུལ་བས་
D482.085.0022b06.01སོ། །ས་གཡོ་བར་བྱ་ན་རྐང་པ་གཡོན་པ་བརྡབས་པས་སོ། །ཁྱིམ་བསྒུལ་བ་ནི་རྡོ་རྗེ་དབབ་པའི་ཕྱག་རྒྱས་སོ། །ཁང་པ་དགུག་ན་རྡོ་རྗེ་ཁྲོས་པའི་ཀྱོ་བ་ཏང་གི་ཕྱག་རྒྱ་བཅིངས་པས་སོ། །སྤྲིན་མེད་པར་ཆར་པ་དབབ་པ་ནི་རྡོ་རྗེ་ཧཱུྃ་ཞེས་བཟླས་པས་སོ། །སྐད་ཅིག་ཏུ་སྤྲིན་འདུ་ཞིང་
D482.085.0022b07.01