完整藏文原文 · 德格版页 当前仅加载第 85 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་པ་དེ་བཞིན་དུ་བདག་ཀྱང་ཐམས་ཅད་ཉིད་དོ་ཞེས་ནས་སྙིང་པོ་འདིས་ཐམས་ཅད་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱས་ཏེ་བསྒོམ་མོ། །དེ་ལ་སྙིང་པོ་ནི་འདིའོ། །ཨོྃ་སཏྭ་ཛཿཧཱུྃ་བྃ་ཧོཿ། དེ་ནས་བཅོམ་ལྡན་འདས་ཀྱི་སྤྱན་སྔར་
D482.085.0053a01.01གསང་བའི་མཆོད་པ་བྱ་བ་ནི་བྱིན་གྱིས་བརླབ་པ་ལ་སོགས་པ་ཐམས་ཅད་བྱེད་དེ། རྡོ་རྗེ་ཁུ་ཚུར་གཉིས་བཅངས་ལ། །རྡོ་རྗེ་གར་དང་སྦྱར་ནས་སུ། །མེ་ཏོག་ལ་སོགས་དབུལ་བ་ནི། །གསང་བའི་མཆོད་པ་ཕྱག་རྒྱས་དབུལ། །གཞུ་འདྲེན་པ་ཡི་ཚུལ་གྱིས་སུ། །རྡོ་རྗེ་
D482.085.0053a02.01མདའ་ནི་འཕེན་པར་བྱ། །ཀུན་ནས་འཁྱུད་དང་རྒྱལ་མཚན་བསྒྲེང་། །གཉིས་སྙེམས་འཛིན་པས་འདུད་པའོ། །རྡོ་རྗེའི་བསྟོད་པ་འདིས་རྡོ་རྗེའི་གླུ་བླང་ཞིང་མཆོད་དོ། །གཟུགས་ལ་སོགས་པ་འདོད་པ་དག་གི་བདེ་བ་དང་། །ཤིན་ཏུ་ཡིད་བདེ་བཅོམ་ལྡན་རབ་དགའ་ཁྱོད་ལ་
D482.085.0053a03.01འདུད། །ཁྱོད་ཀྱིས་བདག་ལ་དེང་དུ་དགའ་བདེ་ཀུན་མཆོད་ལ། །མཆོག་གི་བདག་ཉིད་གྲུབ་པའང་མྱུར་དུ་ཚུལ་བཞིན་སྩོལ། །བསྟོད་པའི་སྙིང་པོ་འདིས་ཐམས་ཅད་གྲུབ་པར་འགྱུར་རོ། །བཅོམ་ལྡན་འདས་ཕྱག་ན་རྡོ་རྗེ་ལ་ཉིན་རེར་ལན་རེ་བསྟོད་ན་བཅོམ་ལྡན་འདས་
D482.085.0053a04.01ལས་ཐམས་ཅད་ཐོབ་པར་འགྱུར་རོ། །སློབ་དཔོན་དེ་རང་གི་ལྕེ་ལས་ཀྱང་འདས་པ་དང་། མ་འོངས་པ་དང་། ད་ལྟར་གྱི་ཐམས་ཅད་དང་། བཅོམ་ལྡན་འདས་ཀྱི་བཀའ་དང་། རྟོག་པ་ཐམས་ཅད་དང་། ཚིག་གི་རྒྱུད་ཐམས་ཅད་ཀྱང་སྨྲ་བར་འགྱུར་རོ། །ལྷའི་གླུ་སྔོན་མ་བྱུང་
D482.085.0053a05.01བ་ཡང་ལེན་ཏོ། །རྡོ་རྗེའི་གླུས་འབུམ་བཟླས་ན་རྡོ་རྗེ་འཛིན་པར་འགྱུར་རོ། །དེ་ལྟར་ལན་ཅིག་བྱིན་གྱིས་བརླབས་ལ་དེ་ནས་ཕྱིས་སྒྲུབས་ཤིག །དེ་ནས་ཉིན་གཅིག་བཞིན་བྱིན་གྱིས་བརླབ་པ་ལ་སོགས་པ་ཉིན་རེར་ལན་རེ་བྱས་ན་གྲུབ་པ་ཐམས་ཅད་དང་། ཕུན་སུམ་ཚོགས་པ་ཐམས་ཅད་
D482.085.0053a06.01དང་དབང་བསྐུར་བ་ལ་སོགས་པ་དང་། ཤེས་པ་ཐམས་ཅད་དང་། ལས་ཐམས་ཅད་འགྲུབ་བོ། །དེ་བཞིན་གཤེགས་པ་ཐམས་ཅད་ལ་སོགས་པ་དང་། སེམས་དཔའ་རྣམས་དེར་ལྷགས་ནས་ཕྲ་མོ་ལ་སོགས་པ་སྟོན་ཏེ་ཚིག་སྨྲའོ། །བྱམས་པར་བྱེད་དོ། །མཆོད་དོ། །
D482.085.0053a07.01