完整藏文原文 · 德格版页 当前仅加载第 85 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་དང་། གོས་དང་། གསེར་དང་། ནོར་རིན་པོ་ཆེའི་དབྱིག་ལ་སོགས་པ་ཐམས་ཅད་ཀྱི་ཆར་བབ་པོ། །བཅོམ་ལྡན་འདས་ཀྱི་སྐུ་ཀུན་དུ་རྒྱན་ཐམས་ཅད་ཀྱིས་བརྒྱན་ཏེ་བཞུགས་སོ། །དེ་ནས་ནམ་མཁའི་སྙིང་པོ་བྱང་ཆུབ་སེམས་དཔས་དཀྱིལ་འཁོར་ཆེན་པོ་འདི་
D482.085.0034b01.01གསུངས་སོ། །རྡོ་རྗེའི་དཀྱིལ་འཁོར་ཚུལ་བཞིན་ཏེ། །རྡོ་རྗེ་རིན་ཆེན་མཉམ་ལྡན་ཞིང་། །གྲྭ་བརྒྱད་ཤིན་ཏུ་མཉམ་པར་བྱ། །རིན་ཆེན་ཀུན་དང་ལྡན་པར་བྱ། །དེར་སློབ་དཔོན་ཞུགས་ཏེ་རྡོ་རྗེ་རིན་པོ་ཆེའི་ཕྱག་རྒྱ་དབང་བསྐུར་བའི་གནས་སུ་བཞག་ལ་ཞུགས་ནས་འདི་ཞེས་
D482.085.0034b02.01བརྗོད་དོ། །རེ་བ་ཐམས་ཅད་གྲུབ་པ་ཡི། །ནམ་མཁའ་གྲུབ་པ་མཆོག་ཡིན་ཏེ། །གྲུབ་ཤིག་གྲུབ་ཤིག་སེམས་ཆེན་པོ། །བཅོམ་ལྡན་ཐམས་ཅད་གྲུབ་པར་རོ། །དེ་ནས་བཅོམ་ལྡན་འདས་ནམ་མཁའི་སྙིང་པོ་བྱང་ཆུབ་སེམས་དཔའ་བྱིན་གྱིས་རློབ་པར་མཛད་དོ། །
D482.085.0034b03.01དེ་ནས་དཀྱིལ་འཁོར་གྱི་དབུས་སུ་ནམ་མཁའི་སྙིང་པོའི་ཆ་ལུགས་བཞག་ལ་དེའི་ཐད་འཁོར་ཀུན་དུ་ཕྱག་ན་རྡོ་རྗེ་ལ་སོགས་པ་སྐྱེས་བུ་དམ་པ་བརྒྱད་གཞག་པར་བྱའོ། །དེ་ནས་སློབ་མ་རྡོ་རྗེ་ཁུ་ཚུར་གྱིས་གཞུག་གོ། །བཅུག་ནས་འདི་སྐད་ཅེས་བརྗོད་དོ། །སེམས་ཅན་ཀུན་ལ་
D482.085.0034b04.01ཕན་ཕྱིར་དང་། །བསམ་པ་ཐམས་ཅད་རྫོགས་བྱའི་ཕྱིར། །དོན་ཞེས་བསྟན་པ་གང་ཡིན་དེ། །བྱང་ཆུབ་སེམས་ནི་བརྟན་པ་ཡིན། །དེ་ནས་སྦྱིན་པ་རྣམ་པ་བཞི་བསླབ་བོ། །དེ་ལ་དབང་བསྐུར་བ་སྦྱིན་པ་དང་། ནོར་སྦྱིན་པ་དང་ཟས་སྦྱིན་པ་དང་ཆོས་སྦྱིན་པའོ། །དེ་ལ་དབང་
D482.085.0034b05.01བསྐུར་བ་སྦྱིན་པ་ནི་དེ་བཞིན་གཤེགས་པ་རྣམས་ལའོ། །ནོར་སྦྱིན་པ་ནི་སེམས་ཅན་ཐམས་ཅད་ལའོ། །ཟས་སྦྱིན་པ་ནི་བྱོལ་སོང་ཐམས་ཅད་ལའོ། །ཆོས་སྦྱིན་པ་ནི་སེམས་ཅན་མི་སྣང་བ་ཐམས་ཅད་ལའོ། །དེ་ནས་སྙིང་པོ་བྱིན་ལ་རིན་པོ་ཆེ་ཐམས་ཅད་ཀྱིས་བྱིན་གྱིས་བརླབས་པའི་བུམ་
D482.085.0034b06.01པའི་ཆུས་དབང་བསྐུར་ཏེ་འདི་ཞེས་བརྗོད་དོ། །ཨོྃ་བཛྲ་རཏྣཱ་བྷི་ཥེ་ཀཱ་བྷི་ཥིཉྩ་སརྦཱ་དྷི་པ་ཏི་ཧཱུྃ་བཱ་བཱ་ཊ་ཊ་ཧ་ཧ། དེ་ནས་རྡོ་རྗེ་ནོར་བུའི་ཁུ་ཚུར་གྱིས་ཕྱག་རྒྱ་བསླབ་སྟེ། སྔགས་ནི་འདིའོ། །ཧཱུྃ་བཱ་ཊ་ཧ། དེ་ནས་རྡོ་རྗེ་རིན་པོ་ཆེའི་ཕྱག་རྒྱ་བཅིངས་ཏེ་སྔགས་ནི་འདིའོ། །ཨོྃ་བཱ་བཱ་ཊ་མུ་བྃ།
D482.085.0034b07.01