完整藏文原文 · 德格版页 当前仅加载第 85 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ། །རྒྱལ་བ་ཀུན་གྱིས་བསྐོར་བའོ། །དང་པོར་སློབ་དཔོན་འཇུག་པ་ནི། །མཆོད་པ་ཀུན་མཆོག་ཕྱག་རྒྱས་སོ། །དཀྱིལ་འཁོར་དེ་རུ་ཞུགས་ནས་ནི། །རྡོ་རྗེ་ཐམས་ཅད་བརྗོད་པར་བྱ། །དེ་ནས་བཅོམ་ལྡན་འདས་འགྲུབ་སྟེ། དེ་བཞིན་དུ་སློབ་མ་ཡང་
D482.085.0041b01.01བཅུག་ནས་རྡོ་རྗེ་ཐམས་ཅད་ཀྱི་དམ་ཚིག་གི་སྙིང་པོ་འདི་བརྗོད་ལ་ཕྱག་རྒྱ་ཡང་སློབས་ཤིག །མཆོད་པ་ཐམས་ཅད་ཅེས་བྱ་བའི་དཀྱིལ་འཁོར་རོ། །དེ་ནས་ནམ་མཁའི་དཀྱིལ་འཁོར་ཏེ། ཡིད་ཀྱིས་དཀྱིལ་འཁོར་བྲིས་ལ་དེར་ཞུགས་ཤིག །ཞུགས་ནས་འདི་སྐད་
D482.085.0041b02.01རྗོད་ཅིག །འདི་དག་ཐམས་ཅད་ནི་ནམ་མཁའ་ཉིད་དེ་བདེན་པ་གང་གིས་ནམ་མཁའ་གཟུགས་མེད་པ་ལས་གཟུགས་འབྱུང་བ་དེས་ན་དེ་བཞིན་གཤེགས་པ་ཐམས་ཅད་ལ་མཆོད་པ་དང་། ཡིད་ལ་འདོད་པའི་གྲུབ་པ་ཐམས་ཅད་ནམ་མཁའ་ལས་འབྱུང་བར་གྱུར་ཅིག་ཅེས་བྱས་
D482.085.0041b03.01ནས་འདུག་སྟེ། རྡོ་རྗེ་ཀུན་གྱི་ཕྱག་རྒྱ་བཅིངས་ནས་འབུམ་བཟླས་ན། དེ་ནས་ནམ་མཁའ་ལས་མཆོད་པའི་རྣམ་པ་ཐམས་ཅད་དང་། དོན་ཐམས་ཅད་དང་། ཕུན་སུམ་ཚོགས་པ་ཐམས་ཅད་ཀྱང་འབྱུང་བར་འགྱུར་རོ། །རྡོ་རྗེའི་དཀྱིལ་འཁོར་རོ། །དཀྱིལ་འཁོར་བྲིས་ནས་
D482.085.0041b04.01བཙུད་དེ་འདི་ནི་ཁྱོད་ཀྱི་དམ་ཚིག་གོ་ཞེས་རྗོད་ཅིག །འབྱུང་བ་ཀུན་ལས་ནམ་མཁའ་ནི། །འབྱུང་བ་ཆེན་པོ་ལྔ་པའོ། །ནམ་མཁའ་ནི་འདོད་པ་འབྱུང་། །འདོད་པའི་མཆོད་པ་གྲུབ་གྱུར་ཅིག །ཅེས་སྨྲས་ནས། འདིས་ཁྱོད་ཀྱིས་དེ་བཞིན་གཤེགས་པ་ཐམས་ཅད་
D482.085.0041b05.01མཆོད་ཅིག་ཅེས་བསྒོ་ཤིག །དམ་ཚིག་གི་དཀྱིལ་འཁོར་རོ། །སློབ་མ་ནམ་མཁའ་ལ་ཡིད་ཀྱིས་དཀྱིལ་འཁོར་འདྲིར་བཅུག་ལ། དེར་སློབ་མ་ཡིད་ཀྱིས་མཆོད་པ་ཡང་སློབས་ཤིག །ཡིད་ཀྱིས་འདི་སྐད་རྗོད་ཅིག །ནམ་མཁའི་མཆོད་པས་དེ་བཞིན་གཤེགས་པ་
D482.085.0041b06.01ཐམས་ཅད་ལ་མཆོད་དོ་ཞེས་ཉིན་རེ་ཞིང་བྱས་ན་འགྲུབ་བོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས་ནམ་མཁའ་མཛོད་ཀྱི་རྟོག་པའོ།། །།དེ་ནས་བཅོམ་ལྡན་འདས་ལ་འཕགས་པ་བྱམས་པ་བྱང་ཆུབ་སེམས་དཔས་འདི་སྐད་ཅེས་
D482.085.0041b07.01