完整藏文原文 · 德格版页 当前仅加载第 85 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་ཏོ། །བཅོམ་ལྡན་འདས་བདག་གིས་ཀྱང་འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་འདིར་རང་གི་སྙིང་པོ་སྩལ་བར་བགྱི་སྟེ། གང་བརྗོད་པ་ཙམ་གྱིས་སེམས་ཅན་ཐམས་ཅད་བྱམས་པའི་སེམས་སྐྱེ་བར་འགྱུར་བའོ། །
D482.085.0042a01.01བཅོམ་ལྡན་འདས་ཀྱིས་རིགས་ཀྱི་བུ་སྨྲོས་ཤིག་ཅེས་གསུངས་སོ། །དེ་ནས་བཅོམ་ལྡན་འདས་བྱམས་པ་བྱང་ཆུབ་སེམས་དཔས་རང་གི་སྙིང་པོ་འདི་གསུངས་སོ། །ཨོྃ་མཻ་ཏྲི་དྲྀ་ཌྷ་ཙི་ཏེ་ཏིཥྛ་ཧོ། །དེ་ནས་འདི་བརྗོད་པ་ཙམ་གྱིས་དེ་བཞིན་གཤེགས་པ་ཐམས་ཅད་བྱམས་པའི་
D482.085.0042a02.01ཏིང་ངེ་འཛིན་ལ་སྙོམས་པར་ཞུགས་ཏེ་བཞུགས་སོ། །དེ་ནས་དཀྱིལ་འཁོར་འབྱུང་སྟེ། འཁོར་ལོའི་དཀྱིལ་འཁོར་བྲིས་པ་དེར་བྱམས་པ་བཞག་སྟེ། དེ་བཞིན་གཤེགས་པ་བཞི་དང་བྱང་ཆུབ་སེམས་དཔའ་བཞི་བྱ་སྟེ། གོ་ཆ་བརྟན་པའི་ཕྱག་རྒྱས་ཞུགས་ལ་འདི་ཞེས་བརྗོད་
D482.085.0042a03.01དོ། །བཛྲ་དྲྀ་ཌྷ་ཏིཥྛ། དེ་ནས་བྱམས་པའི་ཏིང་ངེ་འཛིན་ལ་སྙོམས་པར་ཞུགས་ནས་སློབ་མ་དེ་བཞིན་དུ་དཀྱིལ་འཁོར་ཆེན་པོ་ཐམས་ཅད་དུ་འཇུག་པའི་ཚུལ་གྱིས་བཙུད་དོ། །བཙུད་ནས་བྱམས་པ་ཆེན་པོའི་ཕྱག་རྒྱ་བསླབ་སྟེ། དེ་ནས་གོ་ཆས་བསྐོན་ནོ། །བརྟན་
D482.085.0042a04.01པ་ཆེན་པོ་ཞེས་བྱ་བའི་དཀྱིལ་འཁོར་རོ། །དེ་ནས་བྱམས་པའི་དཀྱིལ་འཁོར་འབྱུང་སྟེ། བྱམས་པས་ཞུགས་ལ་བྱམས་པའི་ཏིང་ངེ་འཛིན་སྒྲུབས་ཤིག །བྱམས་པའི་དཀྱིལ་འཁོར་རོ། །དཀྱིལ་འཁོར་དུ་བཅུག་ལ་འདི་ཞེས་བརྗོད་དོ། །རངས་སམ་ཡང་ན་ཁྲོས་ཀྱང་རུང་། །
D482.085.0042a05.01མཛའ་དང་སྡང་བ་དེ་བཞིན་ཏེ། །འགྲོ་ལས་གལ་ཏེ་རྒྱལ་འདོད་ན། །བྱམས་པ་ཆེན་པོ་བསྒོམ་པར་གྱིས། །དམ་ཚིག་གི་དཀྱིལ་འཁོར་རོ། །དེ་ནས་དཀྱིལ་འཁོར་དུ་བཙུད་ལ་འདི་བསླབ་བོ། །སངས་རྒྱས་ཐམས་ཅད་ལ་ཕྱག་འཚལ་ལོ། །སེམས་ཅན་ཐམས་ཅད་དགེ་
D482.085.0042a06.01བར་གྱུར་ཅིག །འབྱུང་པོ་ཐམས་ཅད་ལ་བྱམས་པ་དང་། བྱོལ་སོང་ཐམས་ཅད་ལ་མི་འཇིགས་པ་སྦྱིན་ནོ། །ལས་ཀྱི་དཀྱིལ་འཁོར་རོ། །བྱམས་པ་བསྒོམས་པས་གྲུབ་པ་ཐམས་ཅད་ཅི་འདོད་པའི་སྒྲུབ་པས་བསྒྲུབ་བོ། །ལས་རྣམས་ཀྱང་ཡིད་ཀྱིས་ཅི་དད་པའི་ཆོ་ག་དང་བྱམས་
D482.085.0042a07.01