完整藏文原文 · 德格版页 当前仅加载第 85 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
བྲེ་བའི་ཆོ་ག་ནི་འདི་ལྟ་སྟེ། །གསར་ཞིང་ལེགས་པར་བྱས་པ་དང་། །ཚད་མ་བཟང་པོ་སྲད་བུ་ཡིས། །ཤེས་རབ་ཅན་གྱིས་སྲད་བྲེ་བ། །འཇིག་རྟེན་གསུམ་རྒྱལ་དྲན་ཞིང་ངོ་། །དེ་ཡི་དབུང་དུ་གདབ་པ་ནི། །སེང་ལྡེང་ཕུར་པ་བརྟེན་པར་རོ། །དེ་ལས་སྲད་བུ་བྲེ་གསུངས་པའི། །སྲད་
D482.085.0014b01.01བུ་ཉིས་ལྡབ་ཀྱིས་བྱས་ཏེ། །བཅུ་དྲུག་ཆ་རུ་བགོ་བར་བྱ། །ཐམས་ཅད་དུ་ནི་རིམ་གསུམ་མཆོག །ཁོ་ར་ཁོར་ཡུག་རིགས་དག་ཀྱང་། །ཕུར་བུ་ཡིས་ནི་དེ་བཞིན་ནོ། །དེ་ཡི་ནང་དུ་བྱ་བ་ནི། །སྲད་བུ་རིམ་བདུན་ལྡན་བར་ཏེ། །ཚོན་སེར་དྲི་ཞིམ་ལྡན་པ་ཡིས། །ཐིག་རྣམས་
D482.085.0014b02.01ཀྱང་ནི་གདབ་པར་བྱ། །དེ་ཡི་དབུས་སུ་གཞག་པ་ནི། །ཤིན་ཏུ་བཀྲབས་པའི་ནས་ཕུལ་བཞིའོ། །དེ་ཡི་སྟེང་དུ་མགོན་པོ་སྟེ། །སངས་རྒྱས་གཟུགས་བརྙན་གཞག་པར་བྱ། །སངས་རྒྱས་ཐད་འཁོར་ཐམས་ཅད་དུ། །བྱང་ཆུབ་བརྒྱད་ནི་རིམ་བཞིན་པར། །བྲིའམ་ཡང་
D482.085.0014b03.01ན་གཞག་པར་བྱ། །ཚོན་སྣ་ལྔ་མཆོག་རྣམས་ཀྱིས་སོ། །སངས་རྒྱས་སྤྱན་སྔ་དེ་རུ་ནི། །ཕྱག་ན་རྡོ་རྗེ་དེ་བཞིན་ནོ། །བྲིའམ་གཞག་པར་བྱ་བ་ནི། །རྡོ་རྗེ་ཧཱུྃ་ཞེས་པར་འདུས་སོ། །དེ་ཡི་ཞབས་ནི་གཡོན་པ་ཡིས། །དབང་ཕྱུག་ཆེན་པོ་མནན་པར་བྱའོ། །གཡས་པའི་
D482.085.0014b04.01ཞབས་ཀྱིས་བཙིར་བ་ནི། །ཉོན་མོངས་མ་ཡིན་ལྷ་མོའོ། །འདོད་དྲུག་སྤྱོད་པའི་ལྷ་རྣམས་དག །སྲད་བུ་རིམ་བདུན་བར་དག་ཏུ། །བྲི་འམ་ཡང་ན་གཞག་པར་བྱ། །རྡོ་རྗེ་ཤུགས་ཀྱིས་འགོངས་ནས་སུ། །ཕྱི་རོལ་བྱུང་ནས་དེ་རུ་ཡང་། །གླིང་རྣམས་བཞི་ཡང་བྲི་བར་བྱ། །
D482.085.0014b05.01དབྱིབས་དང་ཆོ་ག་ཇི་བཞིན་དུ། །གྲྭ་ཡི་རི་མོ་ལེགས་པར་དགོད། །གླིང་རྣམས་དབུས་ནི་ཐམས་ཅད་དུ། །འཇིག་རྟེན་ཇི་བཞིན་བ་སོགས་པར་བྱའོ། །ཚངས་པ་ལ་སོགས་བཞི་ཡི་རྣམས། །དེ་རུ་འཇིག་རྟེན་དབང་པོ་བྲི། །ཁོ་ར་ཁོར་ཡུག་རི་དང་ནི། །གླིང་རྣམས་ཀྱི་ཡང་
D482.085.0014b06.01བར་དག་ཏུ། །ཕྱི་ཡི་རྡོ་རྗེའི་རིགས་རྣམས་ཀྱི། །དཀྱིལ་འཁོར་ཡང་དག་བྲི་བར་བྱ། །སྒོ་སྲུང་བྲི་བར་བྱ་བ་ཡང་། །རྡོ་རྗེ་སྒོ་བཞི་དེ་དག་ཏུ། །རྡོ་རྗེ་ཀྱོ་བ་ཞགས་པ་དང་། །སྒྲོག་དང་དྲིལ་བུ་དེ་བཞིན་ནོ། །ཁོ་ར་ཁོར་ཡུག་རི་ཡི་ནི། །ཕྱི་རོལ་དམྱལ་བ་བརྒྱད་རྣམས་སོ། །
D482.085.0014b07.01