完整藏文原文 · 德格版页 当前仅加载第 85 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
གནོན་པ་ནི་རྨ་བྱའི་ཆང་བུས་སོ། །རྨི་ལམ་མཐོང་བར་བྱ་བ་ནི་དུས་གསུམ་དུ་བཟླས་པས་སོ། །རྨི་ལམ་ངན་པ་གཞིལ་བ་ནི་ཏིལ་གྱི་སྦྱིན་སྲེག་གིས་སོ། །སེམས་ཅན་ཐམས་ཅད་དབང་དུ་བྱ་བ་ནི་ཁྱིམ་བྱའི་སྒྲོའི་སྦྱིན་སྲེག་གིས་སོ། །བུ་མོ་ཐོར་བུ་དབང་དུ་བྱ་བ་ནི་
D482.085.0034a01.01བུ་མོའི་སྐྲའི་སྦྱིན་སྲེག་གིས་སོ། །ཡུགས་ས་མོ་དབང་དུ་བྱ་བ་ནི་བུད་མེད་ཀྱི་མེ་ཏོག་གི་སྦྱིན་སྲེག་གིས་སོ། །བུད་མེད་ཐམས་ཅད་དབང་དུ་བྱ་བ་ནི་བུད་མེད་ཀྱི་དབང་པོའི་སྦྱིན་སྲེག་གིས་སོ། །འདོད་པ་ཐམས་ཅད་དབང་དུ་བྱ་བ་ནི་བཅོམ་ལྡན་འདས་སྤྱན་རས་གཟིགས་དབང་པོ་ལ་
D482.085.0034a02.01མཆོད་པ་བྱས་ནས། ནུབ་གསུམ་རངས་པར་བཟླས་ན། དེ་ནས་འདོད་པ་ཐམས་ཅད་རྟག་ཏུ་འཐོབ་པར་འགྱུར་རོ། །སྤྱན་རས་གཟིགས་དབང་པོའི་སྤྱན་སྔར་ཉིན་རེ་ཞིང་དུས་གསུམ་དུ་ལན་གསུམ་བཟླས་ན། དེ་ནས་བཅོམ་ལྡན་འདས་ཀྱིས་ཟླ་བ་གསུམ་གྱིས་རེ་བ་ཅི་འདོད་པའི་
D482.085.0034a03.01མཆོག་སྩོལ་བར་འགྱུར་རོ། །སངས་རྒྱས་ཀྱི་སྤྱན་སྔར་ཟླ་བ་གསུམ་གྱི་བར་དུ་ཉིན་མཚན་གསུམ་བཟླས་ན། དེ་བཞིན་གཤེགས་པས་མཆོག་སྩོལ་བར་འགྱུར་རོ། །འཇིག་རྟེན་གསུམ་ལས་རྣམ་པར་རྒྱལ་བ་རྟོག་པ་ཆེན་པོའི་རྒྱལ་པོ་ལས་སྤྱན་རས་གཟིགས་ཀྱི་དབང་པོའི་རྟོག་
D482.085.0034a04.01པའོ།། །།དེ་ནས་བཅོམ་ལྡན་འདས་ལ་འཕགས་པ་ནམ་མཁའི་སྙིང་པོ་བྱང་ཆུབ་སེམས་དཔའ་སེམས་དཔའ་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་འཇིག་རྟེན་གསུམ་ལས་རྣམ་པར་རྒྱལ་བ་རྟོག་པ་ཆེན་པོའི་རྒྱལ་པོར་རང་གི་སྙིང་པོ་
D482.085.0034a05.01འབུལ་གྱིས། བཅོམ་ལྡན་འདས་ཀྱིས་བཞེས་སུ་གསོལ། འདིས་སེམས་ཅན་ཐམས་ཅད་དབང་བསྐུར་བ་ཐོབ་པ་ལ་སོགས་པ་བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་འཕགས་པ་ནམ་མཁའི་སྙིང་པོ་བྱང་ཆུབ་སེམས་དཔའ་
D482.085.0034a06.01ལ་སྐྱེས་བུ་ཆེན་པོ་སྨྲོས་ཤིག་ཅེས་བཀའ་སྩལ་ཏོ། །དེ་ནས་འཕགས་པ་ནམ་མཁའི་སྙིང་པོ་བྱང་ཆུབ་སེམས་དཔའ་ཆེན་པོས་རང་གི་སྙིང་པོ་འདི་གསུངས་སོ། །ཏྲྃ་བཱ་བཱ་ཊ་ཊ་ཧ་ཧ། དེ་ནས་འདི་བརྗོད་པས་ནམ་མཁའ་ལ་དབང་བསྐུར་བ་ཐམས་ཅད་ལ་སོགས་པ་རིན་པོ་ཆེའི་རྒྱན་
D482.085.0034a07.01