完整藏文原文 · 德格版页 当前仅加载第 85 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་སྟེ། དེ་བཞིན་གཤེགས་པ་སྒྲུབ་པ་ནི་མདུན་དུ་བདག་ཉིད་སངས་རྒྱས་ཀྱི་སྐུ་རྗེས་སུ་དྲན་པ་བསྒོམ་ཞིང་སྙིང་པོ་དང་། ཕྱག་རྒྱ་དང་སྔགས་དང་རིག་པ་རྣམས་བསྒྲུབ་བོ། །ཕྱག་ན་རྡོ་རྗེ་སྒྲུབ་པ་ནི་སེམས་དཔར་བྱིན་གྱིས་བརླབ་པའི་
D482.085.0054a01.01རྣལ་འབྱོར་རམ། འདོད་པར་སྒོམས་བའམ། །རྡོ་རྗེ་སེམས་དཔའ་རྗེས་སུ་དྲན་པའམ། བདག་གི་སྙིང་གར་རྡོ་རྗེ་བསྒོམ་པའམ། བདག་གི་མདུན་དུ་སངས་རྒྱས་རྗེས་སུ་དྲན་པར་བྱེད་བཞིན་དུ་སྙིང་པོ་དང་ཕྱག་རྒྱ་དང་སྔགས་དང་རིག་པ་རྣམས་བསྒྲུབ་བོ། །
D482.085.0054a02.01སེམས་དཔའ་ཆེན་པོ་ཐམས་ཅད་ནི་བདག་ཉིད་ཀྱིས་རང་གི་སེམས་དཔའ་རྗེས་སུ་དྲན་པའམ། སྙིང་གར་རྡོ་རྗེ་ཆེན་པོ་བསྒོམ་ཞིང་སྙིང་པོ་དང་། ཕྱག་རྒྱ་དང་སྔགས་དང་རིག་པ་རྣམས་བསྒྲུབ་པར་བྱའོ། །ཕྱིའི་རྡོ་རྗེའི་རིགས་བསྒྲུབ་པ་ནི་ཁྲོ་བོའི་ཚུལ་གྱིས་སྙིང་པོ་
D482.085.0054a03.01དང་ཕྱག་རྒྱ་དང་སྔགས་དང་རིག་པ་རྣམས་བསྒྲུབ་བོ། །རྡོ་རྗེ་མ་རྣམས་སྒྲུབ་པ་ནི་སེམས་ཅན་ཐམས་ཅད་ཟ་བའི་རྗེས་སུ་དྲན་པའམ་བདག་ཉིད་རྡོ་རྗེ་སྲིན་པོར་གྱུར་ཏེ། དེའི་ཕྱིར་བདག་ཉིད་ཀྱང་སེམས་ཅན་ཐམས་ཅད་བཟའོ་ཞེས་ཁྲོས་ཏེ། སྙིང་པོ་དང་། ཕྱག་རྒྱ་
D482.085.0054a04.01དང་སྔགས་དང་། རིག་པ་རྣམས་བསྒྲུབ་པར་བྱའོ། །སྒྲུབ་པའི་རབ་ཏུ་བྱ་བའོ། །དེ་ནས་སྒྲུབ་པའི་ཐབས་ཀྱི་རབ་ཏུ་བྱ་བ་འབྱུང་སྟེ། ཇི་ལྟར་འཇིག་རྟེན་འདུལ་འགྱུར་བ། །དེ་ལྟར་སྒྲུབ་པར་གསུངས་པ་སྟེ། །གྲུབ་པ་ཐམས་ཅད་བྱེད་པའི་མཆོག །སྒྲུབ་
D482.085.0054a05.01པའི་ཐབས་ཀྱི་རབ་ཏུ་བྱ་བའོ། །དེ་ནས་རས་ཀྱི་རབ་ཏུ་བྱ་བ་འབྱུང་སྟེ། དེ་ལ་དེ་བཞིན་གཤེགས་པའི་རས་ནི་སྐྲ་མེད་པར་བྱས་ལ་དཀྱིལ་འཁོར་ཟླུམ་པོར་ཐིག་གདབ་བོ། །ཕྱག་ན་རྡོ་རྗེའི་རས་ནི་ངོས་ཐམས་ཅད་པར་གྲུ་བཞི་པོ་དར་རམ་རས་ལ་བྲིའོ། །སེམས་
D482.085.0054a06.01དཔའ་ཆེན་པོ་རྣམས་ཀྱི་ནི་ཇི་ལྟ་བུར་འདུས་པའི་འཁོར་བཞིན་དུའོ། །ཕྱིའི་རྡོ་རྗེའི་རིགས་རྣམས་ཀྱིས་མ་བསྡུས་པ་ལ་འདུས་པའི་འཁོར་ཇི་ལྟ་བ་བཞིན་དུ་དགོད་དོ། །རྡོ་རྗེ་མ་རྣམས་ཀྱི་མཉམས་པ་ལ་ཁ་ཚར་མ་བཅད་པ་སྟེ། རི་མོ་མཁན་གསོ་སྦྱོང་ཅན་གྱིས་སྦྱིན་
D482.085.0054a07.01