完整藏文原文 · 德格版页 当前仅加载第 85 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
དྲན་པ་དང་ལྡན་པར་འགྱུར་རོ། །ལྔ་བཟླས་པས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱའོ། །སྐུ་གདུང་དང་བཅས་པའི་མཆོད་རྟེན་ལ། ཡི་གེ་ཕྲེང་བ་གཡས་ཕྱོགས་ནས་ཨ་ཞེས་བྱ་བའི་དྲུང་དུ་ན་ཞེས་བྱ་བ་ཕྱིན་གྱི་བར་དུ་བྲིའོ། །དེ་ནས་
D482.085.0040b01.01བསྐོར་ཞིང་ཡི་གེ་འབུམ་བཟླས་ཏེ། ཡི་གེ་རེ་རེ་འབུམ་རྫོགས་ན། བཅོམ་ལྡན་འདས་དེ་བཞིན་གཤེགས་པ་དང་། འཇམ་དཔལ་དང་། ཕྱག་ན་རྡོ་རྗེ་ཅིག་ཆར་འགྲུབ་སྟེ། ཉིན་རེ་ཞིང་མཐོང་བར་བསྟན་ནས། ཆོས་བཤད་དེ་སླར་གཤེགས་སོ། །ཚེ་འདི་ཉིད་
D482.085.0040b02.01ལས་སངས་རྒྱས་པ་མན་ཆད་ཀྱང་སྩོལ་ཏོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས་འཇམ་དཔལ་གཞོན་ནུའི་རྟོག་པའོ།། །།དེ་ནས་བཅོམ་ལྡན་འདས་ལ་རྡོ་རྗེ་འཁོར་ལོ་བྱང་ཆུབ་སེམས་དཔས་འདི་སྐད་ཅེས་གསོལ་ཏོ། །
D482.085.0040b03.01བཅོམ་ལྡན་འདས་བདག་གིས་ཀྱང་འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་འདིར་སྙིང་པོ་འདི་སྩལ་བར་བགྱི་སྟེ། གང་བརྗོད་པ་ཙམ་གྱིས་དཀྱིལ་འཁོར་ཐམས་ཅད་དུ་ཞུགས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་རྡོ་རྗེ་འཁོར་ལོ་
D482.085.0040b04.01བྱང་ཆུབ་སེམས་དཔའ་ལ་བསྐུལ་ལོ། །དེ་ནས་རྡོ་རྗེ་འཁོར་ལོ་བྱང་ཆུབ་སེམས་དཔས་བཅོམ་ལྡན་འདས་ལ་རང་གི་སྙིང་པོ་ཕུལ་བ། །ཨོྃ་བཛྲ་ཙཀྲ་ཧཱུྃ། དེ་ནས་འདི་བརྗོད་པ་ཙམ་གྱིས་དེ་བཞིན་གཤེགས་པ་ཐམས་ཅད་ལ་སོགས་པ་དང་། སེམས་ཅན་ཐམས་ཅད་
D482.085.0040b05.01ཀྱིས་དཀྱིལ་འཁོར་དེ་ཉིད་དུ་ཞུགས་སོ། །དེ་ནས་རྡོ་རྗེ་འཁོར་ལོ་བྱང་ཆུབ་སེམས་དཔས་དཀྱིལ་འཁོར་འདི་བཤད་དོ། །རྡོ་རྗེ་འཁོར་ལོ་བཞིན་བྲིས་ལ། །རྡོ་རྗེ་འཁོར་ལོ་བདག་ཆེ་བ། །རང་གི་ལག་ན་ཕྱག་རྒྱ་ཐོགས། །དེ་ཡི་དབུས་སུ་གཞག་པར་
D482.085.0040b06.01བྱ། །དེ་ཡི་ཐད་འཁོར་ཐམས་ཅད་དུ། །རིགས་ཀྱི་དཀྱིལ་འཁོར་ཚོགས་རྣམས་བྲི། །དེ་ཡང་སེམས་ཅན་ཆེན་པོ་རྣམས། །དེ་དག་ཉིད་ནི་ལེགས་པར་བྲི། །དེ་ནས་བློ་ལྡན་ཐོག་མ་རུ། །རྡོ་རྗེ་འཁོར་ལོས་འཇུག་པར་བྱ། །
D482.085.0040b07.01