完整藏文原文 · 德格版页 当前仅加载第 85 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱིས་ཀྱང་མཐོང་ངོ་། །དེ་དག་ལ་ཡང་འགྲུབ་པར་བྱེད་དོ། །བསམས་པ་ཙམ་གྱིས་སྒྱུ་མ་ཐམས་ཅད་སྟོན་ཏེ། དེ་བཞིན་གཤེགས་པ་ཐམས་ཅད་ཀྱི་གཟུགས་ཀྱང་སྟོན་ཏོ། །དེ་བཞིན་གཤེགས་པ་ཐམས་ཅད་ཀྱི་ཆོ་འཕྲུལ་ཡང་སྟོན་ཏོ། །དེ་བཞིན་
D482.085.0032a01.01གཤེགས་པ་ཐམས་ཅད་ཀྱི་རྣམ་པར་འཕྲུལ་པ་ཡང་སྟོན་ཏོ། །སྐད་ཅིག་གིས་གཟུགས་སྣ་ཚོགས་སུ་སྟོན་པར་འགྱུར་ཏེ། རྡོ་རྗེ་འཛིན་གྱི་ཚེ་དང་། སྟོབས་དང་། གཟུགས་དང་། ན་ཚོད་དང་། ཤེས་པ་ཅི་ཙམ་པ་དང་མཚུངས་པར་འགྱུར་རོ་ཞེས་བཅོམ་ལྡན་འདས་ཕྱག་ན་རྡོ་རྗེས་
D482.085.0032a02.01གསུངས་སོ། །དཀྱིལ་འཁོར་ཆེན་པོར་འདུག་སྟེ། དམ་ཚིག་གི་ཕྱག་རྒྱ་བཅིངས་ནས། ཁྲོ་བོའི་ཚིག་གིས་བཅོམ་ལྡན་འདས་ལ་ལྟ་ཞིང་དོན་གྱིས་འབུམ་བཟླས་ན། དེས་རྡོ་རྗེ་ཁྲོ་བོ་ལྟ་བུར་བདག་གི་ལུས་འགྱུར་རོ། །ཧཱུྃ་ཞེས་པས་ཀྱང་དེ་བཞིན་གཤེགས་པ་ཐམས་ཅད་ཀྱང་
D482.085.0032a03.01འཛིན་པ་དང་། ཁམས་གསུམ་གྱི་དབང་པོ་དང་། སྤྱན་གསུམ་པའི་ཁྲོ་བོ་ཆེན་པོར་གྱུར་ནས་མ་ལུས་པའི་དེ་བཞིན་གཤེགས་པ་ཐམས་ཅད་མཐོང་ཞིང་མཆོད་པ་དང་སེམས་ཅན་ཐམས་ཅད་གྲུབ་པ་གསོལ་ཏེ། དེ་ལྟར་མི་ཟད་མི་ཉམས་པར་འགྱུར་རོ་ཞེས་བཅོམ་ལྡན་འདས་ཕྱག་ན་རྡོ་རྗེས་
D482.085.0032a04.01གསུངས་སོ། །འཇིག་རྟེན་གསུམ་ལས་རྣམ་པར་རྒྱལ་བ་རྟོག་པ་ཆེན་པོའི་རྒྱལ་པོ་ལས་ཕྱག་ན་རྡོ་རྗེའི་རྟོག་པའོ།། །།དེ་ནས་བཅོམ་ལྡན་འདས་ལ་འཕགས་པ་སྤྱན་རས་གཟིགས་དབང་པོ་བྱང་ཆུབ་སེམས་དཔའ་སེམས་དཔའ་ཆེན་པོས་འདི་སྐད་ཅེས་གསོལ་ཏོ། །
D482.085.0032a05.01བཅོམ་ལྡན་འདས་བདག་གིས་ཀྱང་འཇིག་རྟེན་གསུམ་ལས་རྣམ་པར་རྒྱལ་བ་རྟོག་པ་ཆེན་པོའི་རྒྱལ་པོ་འདིར་རང་གི་སྙིང་པོ་འདི་སྩལ་ཏོ། །གང་བརྗོད་པ་ཙམ་གྱིས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་མངོན་དུ་གྲུབ་པ་དང་། འཇིགས་པ་དང་། གནམ་དལ་དང་།
D482.085.0032a06.01འཚེ་བ་དང་། ནད་ཐམས་ཅད་འཇིག་པར་འགྱུར་རོ། །དེ་ནས་བཅོམ་ལྡན་འདས་ཀྱིས་འཕགས་པ་སྤྱན་རས་གཟིགས་ཀྱི་དབང་པོ་བྱང་ཆུབ་སེམས་དཔའ་ལ་ལེགས་སོ་ཞེས་བྱ་བ་བྱིན་ཏེ་ལེགས་སོ་ལེགས་སོ། །སྤྱན་རས་གཟིགས་ཀྱི་དབང་པོ་ཁྱོད་ཀྱིས་སྨྲོས་ཤིག །དེ་
D482.085.0032a07.01