完整藏文原文 · 德格版页 当前仅加载第 85 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་ཀྱིས་ནི་མེ་ཏོག་གི་གཞུ་འགེངས་པ། ཁ་དོག་དམར་པོ་བྲི། སྤྱན་སྔར་དེ་བཞིན་དུ་རྡོ་རྗེ་འདོད་པའི་ཁྲོ་བོ་བྲིའོ། །སྟེང་དུ་ནམ་མཁའི་སྙིང་པོ་བྲི། གྲྭར་མཆོད་པའི་ལྷ་རང་གི་མཆོད་པས་བཀྲམ་པ་དང་མགོ་བོར་རོ། །དེ་ནས་རས་ལ་བྲིས་པའི་སྤྱན་སྔར་ཟླ་བ་བཞིན་དུས་བཞིར་སྟོང་
D482.085.0028b01.01བཟླས་ཤིང་བསྒྲུབས་ན་དེ་ནས་ཟླ་བ་ཚང་བ་དང་དེ་བཞིན་གཤེགས་པའང་སྩོལ་བར་འགྱུར་རོ། །རས་ལ་བཅོམ་ལྡན་འདས་དཀྱིལ་འཁོར་གྱི་ཚུལ་དུ་བྲིས་ལ་སེམས་དཔའ་ཆེན་པོ་དང་། ལྷ་མོ་ཡང་དེ་བཞིན་དུ་བྱའོ། །དེའི་སྤྱན་སྔར་ཟླ་བ་གཅིག་ཏུ་གྲངས་མེད་པར་བཟླས་ཤིང་འདོད་པ་
D482.085.0028b02.01ཐམས་ཅད་ཟོས་ལ་བསྒྲུབས་ཏེ། དེ་ནས་ཟླ་བ་གཅིག་ལོན་པ་དང་ཕྱག་ན་རྡོ་རྗེའི་ཕྱག་རྒྱ་ཆེན་པོ་བཅིངས་ལ་མཚན་ཐལ་བྱུང་བཟླས་ན་ནང་པར་རྡོ་རྗེ་འཛིན་འཐོབ་བོ། །རས་ལ་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་དུ་བྲིས་ལ། དེའི་སྤྱན་སྔར་ཟླ་བ་ཕྱེད་ཀྱི་བར་དུ་རྟག་པར་བཟླས་པ་ནི་
D482.085.0028b03.01མི་ཉལ་མི་མནལ་བར་བཟླས་ཏེ། དེ་ནས་ཟླ་བ་ཕྱེད་ལོན་པ་དང་མཚན་མོ་ཡང་ཐལ་བྱུང་དུ་བཟླས་ན་ནང་པར་ཕྱག་ན་རྡོ་རྗེ་དང་མཚུངས་པ་དང་། འདོད་པའི་ལོངས་སྤྱོད་ཆེན་པོ་དང་། བདེ་བ་དང་། ཡིད་བདེ་བ་ཐམས་ཅད་ཀྱང་འཐོབ་ཅིང་ཐམས་ཅད་དུ་འགྲོ་བར་འགྱུར་རོ། །རས་ལ་
D482.085.0028b04.01བཅོམ་ལྡན་འདས་ཁྲོ་བོ་དེ་བཞིན་དུ་བྲིས་ལ། དེའི་སྤྱན་སྔར་རྡོ་རྗེ་ཤུགས་ཀྱི་ཕྱག་རྒྱ་བཅིངས་ཏེ། སྟོང་ཕྲག་བརྒྱ་བཟླས་ན་དེས་འགྲུབ་པར་འགྱུར་ཏེ། བསྒོ་བ་བཞིན་ལས་ཐམས་ཅད་བྱེད་དོ། །སངས་རྒྱས་ཀྱི་ཞིང་ཐམས་ཅད་དུའང་ཁྱེར་ཞིང་སླར་ཡང་ཁྱེར་ཏེ་འོང་ངོ་། །སངས་
D482.085.0028b05.01རྒྱས་ཀྱི་ཞིང་ཐམས་ཅད་ཀྱི་འདོད་པའི་བདེ་བ་ཐམས་ཅད་ཁྱེར་ཏེ་འོངས་ནས་དེ་ལ་སྦྱིན་ནོ། །དེས་ཀྱང་ལོངས་སྤྱོད་པར་ནུས་ན། ལྷའི་བུ་མོ་ཐམས་ཅད་ལྟ་ཅི་སྨོས་བརྒྱ་བྱིན་ཡང་སྩོལ་ཏོ། །ཕྱག་ན་རྡོ་རྗེ་འཛིན་པ་ནས་སངས་རྒྱས་ཀྱི་བར་དུ་བསྒོ་བས་སྩོལ་བར་འགྱུར་རོ། སངས་རྒྱས་
D482.085.0028b06.01ཀྱི་སྤྱན་སྔར་འབུམ་བཟླས་ན་དེ་བཞིན་གཤེགས་པ་ཐམས་ཅད་བཀུག་སྟེ་དབང་དུ་བྱེད་དོ། །ཕྱག་ན་རྡོ་རྗེའི་སྤྱན་སྔར་རྡོ་རྗེ་ཐུགས་ཀྱི་ཕྱག་རྒྱ་བཅིངས་ནས་སྟོང་ཕྲག་བརྒྱ་བཟླས་ན། དེ་ནས་ཕྱག་ན་རྡོ་རྗེ་ཉིད་ཀྱིས་དཔལ་གྱི་ལྷ་མོ་ཁྲིད་དེ་བྱོན་ནས་སྒྲུབ་པ་པོའི་མདུན་དུ་འདོར་རོ། །དེ་ནས་
D482.085.0028b07.01