完整藏文原文 · 德格版页 当前仅加载第 85 函德格 50b 版页；藏文 NFD、目录标记与异常页序保留在来源切片中，重复版页行以稳定序号区分。
སྩོལ་བ་ཕྱག་རྒྱའི་དཀྱིལ་འཁོར་དུ་བྲིའོ། །དེ་ནས་འཇམ་དཔལ་གྱི་ཕྱག་རྒྱ་བཅིང་བ་ནི་རྡོ་རྗེ་ཁུ་ཚུར་མཛུབ་མོའི་རྩེ་མོ་བཀུག་པ་འདི་ནི་རལ་གྲིའོ། །སྙིང་པོ་ནི་གླེགས་བམ་མོ། །དམ་ཚིག་གི་ཕྱག་རྒྱའོ། །གཡོན་པའི་གླེགས་བམ་བཅངས་པའི་མཐེའུ་ཆུང་ནི་གཡས་པའི་རལ་གྲི་
D482.085.0050b01.01འཛིན་པས་གཟུང་ངོ་། །ཨཱ། ཆོས་ཀྱི་ཕྱག་རྒྱའོ། །ཆོས་ཐམས་ཅད་ལ་ཡི་གེ་མེད་ཅེས་བྱ་བ་ནི་ཡེ་ཤེས་ཀྱི་ཕྱག་རྒྱའོ། །དེ་ནས་རྡོ་རྗེ་འཁོར་ལོའི་ཕྱག་རྒྱ་བཅིང་བ་ནི། རྡོ་རྗེའི་ཁུ་ཚུར་གཉིས་བཅངས་ཏེ། །མཐེའུ་ཆུང་མཛུབ་མོའི་རྡོ་རྗེའི་བཅིང་། །རྡོ་རྗེ་འཁོར་ལོ་ཞེས་བཤད་
D482.085.0050b02.01དེ། །དཀྱིལ་འཁོར་ཐམས་ཅད་སྒྲུབ་པའོ། །འདི་མཐོང་བས་དཀྱིལ་འཁོར་ཐམས་ཅད་མཐོང་བར་འགྱུར་རོ། །དེ་བཞིན་དུ་དབུས་སུ་ཁ་བཞག་སྟེ་བཟླས་ན། དཀྱིལ་འཁོར་ཐམས་ཅད་དུ་ཞུགས་པར་འགྱུར་ཞིང་དེ་བཞིན་དུ་སྒྲུབ་པར་འགྱུར་རོ། །ཧཱུྃ། ཆོས་ཀྱི་ཕྱག་རྒྱའོ། །
D482.085.0050b03.01དེ་ནས་ནམ་མཁའ་མཛོད་ཀྱི་ཕྱག་རྒྱ་བཅིང་བ་ནི་རྡོ་རྗེ་ནོར་བུའི་ཕྱག་རྒྱ་ལས་མཐེའུ་ཆུང་དང་སྲིན་ལག་མཉམ་པའི་རྒྱལ་མཚན་བསྒྲེང་བའི་ཚུལ་དུ་བྱའོ། །ཆོས་ཀྱི་ཕྱག་རྒྱ་ནི་ཏྲཱྃ། འཕགས་པ་བྱམས་པ་བྱང་ཆུབ་སེམས་དཔའ་ཆེན་པོའི་ཕྱག་རྒྱ་བཅིང་བ་ནི་རྡོ་རྗེ་གོ་ཆའི་ཕྱག་རྒྱའོ། །
D482.085.0050b04.01ངག་གི་ཕྱག་རྒྱ་ནི་ཨོྃ། དེ་ནས་རྟོག་པ་ཐམས་ཅད་སྤྱིའི་ཕྱག་རྒྱ་ཤེས་པ་འབྱུང་སྟེ། དེ་ལ་ལུས་ཀྱི་ཕྱག་རྒྱར་འགྱུར་བ་ནི་འདི་ལྟ་སྟེ། འགྲེང་ཡང་རུང་། འདུག་ཀྱང་རུང་། རྐང་པ་བསྙམས་ཏེ་བརྐྱང་བ་དང་། ལག་པ་བསྒྲེང་བ་ནི་རྡོ་རྗེའི་ཕྱག་རྒྱའོ། །མཆོག་བསྒྲུབ་པ་ལ་རྡོ་རྗེ་
D482.085.0050b05.01དང་མཚུངས་པར་འགྱུར་རོ། །ལངས་ནས་གཡོན་པས་རྡོ་རྗེ་ཁུ་ཚུར་བཅངས་ནས་གཡས་པ་བཀུག་པས་དྲངས་པ་ནི་རྡོ་རྗེ་ལྕགས་ཀྱུའི་ཕྱག་རྒྱ་སྟེ། ཐམས་ཅད་འདྲེན་པའི་ཕྱག་རྒྱ་ཡིན་ནོ། །ལངས་ལ་པུས་མོ་བསྐྱེད་དེ་བཀུག་ནས་ལག་པ་གཉིས་བསྡམས་ཏེ་གྱེན་དུ་བརྐྱང་བ་ནི་ཐམས་
D482.085.0050b06.01ཅད་གཏན་འཕོ་བའི་རལ་གྲིའོ། །དཔུང་པ་གཉིས་ཀྱིས་རང་གི་སྙིང་གར་འཁྱུད་པ་ནི་གོ་ཆ་སྟེ་མི་ཕྱེད་པའོ། །དེ་ནས་རང་གི་ཕྱག་རྒྱ་བཅིང་བ་ནི་ཨ་ཧོ་ཧྃ་ཧཱུྃ། དབབ་པ་དང་། དབང་དུ་བྱ་བ་དང་། བསྲུང་བ་དང་། གཏན་འཕོ་བའི་ཕྱག་རྒྱའོ། །དེ་ནས་ལྟ་བའི་ཕྱག་རྒྱ་འབྱུང་བ་
D482.085.0050b07.01