完整藏文原文 · 德格版页 当前仅加载第 85 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན། །དེ་ལ་རིག་པའི་ཁྱད་པར་ནི་འདི་ལྟ་སྟེ། མ་རིག་པ་ནི་མེད་པར་བྱེད། །རིག་པ་དེ་བཞིན་ཆུད་པར་བྱེད། །དོན་རྣམས་རྟོགས་པར་གྱུར་པས་ན། །རིག་པ་ཞེས་ནི་དེ་ཕྱིར་བྱ། སྙིང་པོ་དང་ཕྱག་རྒྱ་དང་སྔགས་དང་རིག་པའི་རབ་ཏུ་བྱ་བ་གཉིས་
D482.085.0046a01.01པའོ།། །།དེ་ནས་ཕྱག་རྒྱ་བཅིང་བའི་རབ་ཏུ་བྱ་བ་བཤད་དོ་ཞེས་བཅོམ་ལྡན་འདས་བླ་ན་མེད་པའི་ཕྱག་རྒྱ་ཐམས་ཅད་ཀྱི་ཡེ་ཤེས་རྡོ་རྗེ་འཛིན་པས་གསུངས་སོ། །དེ་ལ་ཕྱག་རྒྱ་ཆེན་པོ་ནི་དེ་ཉིད་བསྐུལ་བའི་སྙིང་པོས་བཅིང་ངོ་། །དམ་ཚིག་དང་ལས་ཀྱི་ཕྱག་རྒྱ་ནི་རྡོ་རྗེ་
D482.085.0046a02.01བཅིང་བ་དང་བརྡབ་པ་ལ་སོགས་པ་བྱས་ནས་བཅིང་ངོ་། །དམ་ཚིག་ཆེན་པོའི་དེ་ཁོ་ན་ཉིད་བསྐུལ་བའི་སྙིང་པོས་ཕྱག་རྒྱ་ཆེན་པོ་ལ་སོགས་པ་ཕྱག་རྒྱ་ཐམས་ཅད་བཅིང་ངོ་། །དེ་ཡང་མ་ཆགས་པ་དང་སློབ་མ་མ་ཡིན་པ་དང་། སྣོད་མ་ཡིན་པ་དང་། དད་པ་མེད་པ་ལ་མི་སྦྱིན་
D482.085.0046a03.01ནོ། །ཡུན་དུ་སྦྱངས་ན་དེ་དག་ཀྱང་འགྲུབ་པར་འགྱུར་རོ། །དེ་ལ་དེ་ཁོ་ན་ཉིད་བསྐུལ་བའི་སྙིང་པོ་འདིའོ། །ས་མ་ཡ་སྟྭྃ། དེ་ལ་དམ་ཚིག་ཆེན་པོའི་དེ་ཁོ་ན་ཉིད་བསྐུལ་བའི་སྙིང་པོ་ནི་འདི་ཡིན་ནོ། །ས་མ་ཡ་ཧོ་སུ་ར་ཏ་སྟྭྃ། རྡོ་རྗེ་ཁྲོ་བོས་ཕྱག་རྒྱ་ཐམས་ཅད་རང་གིས་
D482.085.0046a04.01བཅིང་ངམ། གཞན་འཆིང་དུ་གཞུག་ན་ནི་ཧཱུྃ་ཞེས་བྱ་བ་ཐང་ཅིག་ཙམ་གྱིས་སོ། །དེ་ནས་རྡོ་རྗེ་བཅིང་བ་ལ་སོགས་པ་བཅིང་བ་འབྱུང་སྟེ། བཛྲ་བན་དྷ་ཞེས་བརྗོད་ལ་རྡོ་རྗེ་བཅིང་བ་སྙིང་གར་ཆིངས་ཤིག །དེ་ནས་སྙིང་པོ་འདིས་སོར་མོ་ཐམས་ཅད་བརྡབ་པར་བྱའོ། །ཨོྃ་བཛྲ་བ་ན་
D482.085.0046a05.01དྷ་ཊཱ་ཐ། འདིས་ནི་ཕྱག་རྒྱ་ཐམས་ཅད་དགུག་ཅིང་དབང་དུ་བྱེད་དོ། །དེ་ནས་རྡོ་རྗེ་ཡེ་ཤེས་དབབ་པའི་དམ་ཚིག་གི་ཕྱག་རྒྱ་བཅིང་ངོ་། །བཛྲ་ཨཱ་བེ་ཤ་ཞེས་བརྗོད་ལ། སྙིང་པོ་འདིས་རྡོ་རྗེ་དབབ་པ་བསྐྱེད་པར་བྱའོ། །ཨཿཐམས་ཅད་དབབ་པའི་སྙིང་པོ་འདི་ནི་གདོན་མི་ཟ་བའོ། །
D482.085.0046a06.01དེ་ནས་རྡོ་རྗེ་ཁུ་ཚུར་གྱི་དམ་ཚིག་གི་ཕྱག་རྒྱ་བཅིང་བ་ནི་བཛྲ་མུཥྚི་ཞེས་བརྗོད་ལ་བཅིང་ངོ་། །དེ་སྟེ་དེ་ལྟར་མ་བྱས་ན་ཡང་ས་མ་ཡ་སྟྭྃ་ཞེས་བརྗོད་ལ་ཕྱག་རྒྱ་ཆེན་པོ་ལ་སོགས་པ་རིགས་ཐམས་ཅད་ཀྱི་ཕྱག་རྒྱ་བཅིང་བར་བྱའོ། །དེ་བཞིན་གཤེགས་པ་ཐམས་ཅད་ཀྱི་ལུས་དང་ངག་དང་།
D482.085.0046a07.01