完整藏文原文 · 德格版页 当前仅加载第 85 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
མཇུག་ཏུ་ཞག་བདུན་སྨྱུངས་ནས་བདག་དེ་བཞིན་གཤེགས་པ་ཐམས་ཅད་ཀྱི་སྐུར་བསྒོམས་ལ། མཚན་ཐལ་བྱུང་དུ་བཟླས་སོ། །དེ་ནས་ནམ་ཕྱེད་ནས་བདུད་ཀྱི་ལས་སྣ་ཚོགས་སྣང་བར་འགྱུར་རོ། །དེ་ནས་འདི་བརྗོད་ཅིག །ཨོྃ་བཛྲ་མུཥྚི་ཧ་ན་ཧ་ན་སརྦ་མཱ་ར་ཎ་ཕཊ། དེ་ནས་
D482.085.0037b01.01ནང་པར་གྱི་དུས་ན་བཅོམ་ལྡན་འདས་ཐམས་ཅད་བྱོན་ཏེ་ལུས་ཀུན་ཏུ་འཇུག་གོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ། །ཡང་རས་ཀྱི་ཆོ་ག་འབྱུང་སྟེ། རས་ལ་བཅོམ་ལྡན་འདས་དེ་བཞིན་གཤེགས་པ་རྒྱན་ཐམས་ཅད་ཀྱིས་བརྒྱན་
D482.085.0037b02.01པ་བྲིས་ཏེ། དེའི་གཡས་སུ་བཅོམ་ལྡན་འདས་རྡོ་རྗེ་ཁུ་ཚུར་རྒྱན་ཐམས་ཅད་ཀྱིས་བརྒྱན་པ། །སྐུ་མདོག་སྡོ་བསངས་ཨུཏྤལ་སྔོན་པོ་ལྟ་བུ་རྡོ་རྗེ་ཁུ་ཚུར་གྱི་ཕྱག་རྒྱ་གཡོན་པའི་ཁུ་ཚུར་གྱིས་རྡོ་རྗེ་བསྣམས་པ། གཡས་པ་མཆོག་སྦྱིན་པ་སྟེ། དེའི་གཡས་སུ་བཅོམ་ལྡན་འདས་མ་རྡོ་རྗེའི་
D482.085.0037b03.01དམ་ཚིག་གི་ཁུ་ཚུར་ཅན་རྒྱན་ཐམས་ཅད་ཀྱིས་བརྒྱན་པ་གཞོན་ནུ་མ་དམ་ཚིག་གི་ཁུ་ཚུར་གྱིས་རྡོ་རྗེ་དམ་དུ་འཚིར་བ་མདོག་དམར་པོར་བྱའོ། །དེའི་ཐད་དུ་རྡོ་རྗེའི་གསལ་ཕུར་མ་རྒྱན་ཐམས་ཅད་ཀྱིས་བརྒྱན་པ། སྤྱན་གསུམ་པ་ལག་པ་གཉིས་ཀྱིས་རྡོ་རྗེ་གསལ་ཕུར་ཐོགས་པའོ། །
D482.085.0037b04.01བཅོམ་ལྡན་འདས་ཀྱི་གཡོན་ཕྱོགས་སུ་སྤྱན་རས་གཟིགས་ཀྱི་དབང་པོ་ཐོར་ཚུགས་ཀྱི་དབུ་རྒྱན་ཅན་རྒྱན་ཐམས་ཅད་ཀྱིས་བརྒྱན་པ། པདྨ་དང་མཆོག་སྦྱིན་གྱི་ཕྱག་ཏུ་བྱས་ལ། དེའི་གཡོན་དུ་པད་མོ་ཆེན་པོའི་རྡོ་རྗེ་བྱང་ཆུབ་སེམས་དཔའ་རྡོ་རྗེའི་སྡེ་ཞེས་བྱ་བའོ། །དེའི་གཡོན་དུ་རྡོ་རྗེའི་དཔལ་མོ་
D482.085.0037b05.01དང་རྡོ་རྗེ་ཕོ་ཉ་མའོ། །རྡོ་རྗེ་དཔལ་མོ་ནི་གསེར་གྱི་སྐུ་མདོག་གོ། །དཔལ་གྱི་གཟུགས་འཆང་བ་ཕྱག་ན་རྡོ་རྗེ་འཛིན་པའོ། །རྡོ་རྗེ་ཕོ་ཉ་མོ་ནི་མདོག་སྔོན་མོ་ལ་རྡོ་རྗེ་འཁར་བ་འཆང་བའོ། །དེ་ནས་ཟླ་བ་ཡར་གྱི་ངོ་ཚེས་གཅིག་ནས་བརྩམས་ཏེ། རྡོ་རྗེ་ཁུ་ཚུར་གྱི་དམ་ཚིག་གི་ཕྱག་རྒྱ་བཅིངས་ནས་
D482.085.0037b06.01སྟོང་ཕྲག་བརྒྱ་བཟླས་ན། གཟུགས་ཀྱི་རས་དེ་ལས་ཕཊ་ཅེས་བྱ་བ་ཐོས་ན། དེ་ནས་བཅོམ་ལྡན་འདས་ཕྱག་ན་རྡོ་རྗེ་འགྲུབ་པར་འགྱུར་ཏེ། དེ་ཕྱིན་ཅད་ནམ་མཁའི་དཀྱིལ་ན་སྤྱོད་ཅིང་འདོད་ན་མི་སྣང་བར་ཡང་འགྱུར། དཔག་ཚད་སྟོང་དུ་ཕར་ཡང་འགྲོ་ཞིང་གྱེན་དུ་ཡང་འགྲོའོ། །ཅི་འདོད་པའི་
D482.085.0037b07.01