完整藏文原文 · 德格版页 当前仅加载第 85 函德格 53b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཡང་དེ་བཞིན་གཤེགས་པ་ཐམས་ཅད་ལ་མཆོད་པ་དང་། རིམ་གྲོ་ཐམས་ཅད་ཀྱིས་མཆོད་དོ། །སེམས་ཅན་ཐམས་ཅད་ལ་ཚར་གཅད་པ་དང་། ཕན་འདོགས་ནུས་པར་འགྱུར་རོ། །འཇིག་པ་མེད་པ་དང་། ཟད་པ་མེད་པ་དང་། འགོད་པ་མེད་པ་དང་། འཇིགས་
D482.085.0053b01.01པ་མེད་པར་འགྱུར་རོ། །སེམས་ཅན་ཐམས་ཅད་ཀྱི་འཇིགས་པ་ཐམས་ཅད་དང་། ནད་ཐམས་ཅད་དང་། སྡུག་བསྔལ་ཐམས་ཅད་ཀྱང་སེལ་ཏོ། །ཆོ་འཕྲུལ་ཐམས་ཅད་སྟོན་ཏོ། །བདག་ཉིད་ཀྱིས་དེ་བཞིན་གཤེགས་པ་ཐམས་ཅད་ལ་སོགས་པ་སེམས་དཔའི་
D482.085.0053b02.01གཟུགས་མན་ཅད་དང་། བདག་གི་ལུས་ཐམས་ཅད་དང་། ནམ་མཁའ་དང་། ས་དང་། ཤིང་དང་། རི་དང་། ཆུ་རྣམས་ལས་ཀྱང་དེ་བཞིན་གཤེགས་པ་ཐམས་ཅད་ལ་སོགས་པའི་གཟུགས་ཐམས་ཅད་སྟོན་པར་བྱེད་དོ། །འོད་ཟེར་སྟོན་པ་ལ་སོགས་པའི་ཆོ་འཕྲུལ་
D482.085.0053b03.01ཐམས་ཅད་སྟོན་ཏོ། །རང་ཡང་སངས་རྒྱས་ཀྱི་གཟུགས་ལ་སོགས་པ་དང་། ཐམས་ཅད་ཀྱི་གཟུགས་སུ་འགྱུར་རོ། །མིག་གིས་འདས་པ་དང་མ་འོངས་པ་དང་ད་ལྟར་གྱི་ཤེས་པ་ཐམས་ཅད་ཡི་གེ་རྣམས་ལས་མཐོང་ངོ་། །ཐམས་ཅད་ལས་ཐོས་ཤིང་རང་གི་ལྕེས་སྨྲའོ། །
D482.085.0053b04.01སྔོན་མ་བྱུང་བའི་རྟོག་པ་དང་། མདོ་སྡེ་ཐམས་ཅད་འཆད་དོ། །སྟོན་སྐྱོབ་ཐམས་ཅད་དང་། སིལ་སྙན་དང་། འཕོང་དང་། མཚོན་འདེབས་པ་དང་། ཤེས་ཉེན་དང་། བཟོ་དང་སྒྱུ་རྩལ་ཐམས་ཅད་ལྷུན་གྱིས་གྲུབ་པར་ཤེས་པར་འགྱུར་རོ། །ཉིན་གཅིག་བཞིན་དུ་གཟུགས་
D482.085.0053b05.01ཆེན་པོ་དང་། མདོག་དང་། སྟོབས་དང་། དཔའ་བ་དང་། ཚེ་དང་། ནད་མེད་པ་དང་། དངོས་གྲུབ་ཐམས་ཅད་དང་ལྡན་པར་འགྱུར་རོ། །སེམས་ཅན་ཐམས་ཅད་ཀྱི་སེམས་དང་། སྤྱོད་པ་དང་། སྒྲ་སྐད་དང་། ཚིག་ཤེས་ཤིང་མཐོང་ངོ་། །ཉིན་གཅིག་བཞིན་
D482.085.0053b06.01ཐམས་ཅད་མངོན་པར་ཤེས་པར་འགྱུར་རོ། །མདོར་ན་དེ་བཞིན་གཤེགས་པ་ཉིད་དང་། རྡོ་རྗེ་འཛིན་པ་ལ་སོགས་པ་དངོས་གྲུབ་ཐམས་ཅད་མ་བསྒྲུབས་པར་ཚེ་འདི་ཉིད་ལ་ཐོབ་པར་འགྱུར་རོ། །བྱིན་གྱིས་བརླབས་ལ་སོགས་པའི་རབ་ཏུ་བྱ་བའོ། །དེ་ལ་སྒྲུབ་པའི་རབ་ཏུ་བྱ་བ་
D482.085.0053b07.01