德格《甘珠尔》D8

ཏུ་{མྱེད་,མེད་}ཚད་{མྱེད་,མེད་}པའོ། །རྣམ་པར་ཤེས་པ་ཡང་སྟོང་པ་སྟེ། གྲངས་{མྱེད་,མེད་}དཔག་ཏུ་{མྱེད་,མེད་}ཚད་{མྱེད་,མེད་}པའོ། །གསོལ་བ། བཅོམ་ལྡན་འདས་གཟུགས་འབའ་ཤིག་སྟོང་། ཚོར་བ་འབའ་ཤིག་སྟོང་། འདུ་ཤེས་འབའ་ཤིག་སྟོང་།

འདུ་བྱེད་འབའ་ཤིག་སྟོང་། རྣམ་པར་ཤེས་པ་འབའ་ཤིག་སྟོང་དུ་བས་ཀྱི། ཅི་ཆོས་ཐམས་ཅད་སྟོང་པ་མ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཇི་སྙམ་དུ་སེམས། ངས་ཆོས་ཐམས་ཅད་སྟོང་པའོ་ཞེས་མ་

བཤད་དམ། གསོལ་པ། བཅོམ་ལྡན་འདས་དེ་བཞིན་གཤེགས་པས་ཆོས་ཐམས་ཅད་སྟོང་པ་ཞེས་གསུངས་ཏེ། སྟོང་པ་ཉིད་གང་ལགས་པ་དེ་ནི་{མྱི་,མི་}ཟད་པ་སྟེ། གྲངས་མ་མཆིས་པ་ཡང་དེ་ལགས། དཔག་ཏུ་མ་མཆིས་པ་ཡང་དེ་ལགས།

ཚད་མ་མཆིས་པ་ཡང་དེ་ལགས་ཏེ། བཅོམ་ལྡན་འདས་སྟོང་པ་ཉིད་ལ་ནི་གྲངས་ཀྱང་{མྱི་,མི་}{དམྱིགས,དམིགས}། དཔག་པ་ཡང་{མྱི་,མི་}{དམྱིགས,དམིགས}། ཚད་ཀྱང་{མྱི་,མི་}{དམྱིགས་,དམིགས་}ཏེ། བཅོམ་ལྡན་འདས་དེ་བས་ན་ཆོས་དེ་དག་ལ་དོན་ཏམ་ཡི་གེས་ཐ་དད་དུ་བགྱི་བ་{མྱི་,མི་}

{དམྱིགས་,དམིགས་}སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་དེ་བཞིན་ནོ། །དེ་དེ་བཞིན་ཏེ། ཆོས་དེ་དག་ལ་དོན་ཏམ་ཡི་གེས་ཐ་དད་དུ་བྱ་བ་{མྱི་,མི་}{དམྱིགས་,དམིགས་}སོ། །རབ་འབྱོར་{མྱི་,མི་}ཟད་པ་ཞེས་བྱ་བ་འམ། ཚད་{མྱེད་,མེད་}པ་ཞེས་བྱ་བ་འམ།

སྟོང་པ་ཞེས་བྱ་བ་འམ། མཚན་མ་{མྱེད་,མེད་}པ་ཞེས་བྱ་བ་འམ། སྨོན་པ་{མྱེད་,མེད་}པ་ཞེས་བྱ་བ་འམ། མངོན་པར་འདུ་བྱ་བ་{མྱེད་,མེད་}པ་ཞེས་བྱ་བ་འམ། སྐྱེ་བ་{མྱེད་,མེད་}པ་ཞེས་བྱ་བ་འམ། འདོད་ཆགས་དང་བྲལ་བ་ཞེས་བྱ་བ་འམ། འགག་པ་{མྱེད་,མེད་}པ་ཞེས་བྱ་

བ་འམ། །མྱ་ངན་ལས་འདས་པ་ཞེས་བྱ་བ་འདི་ནི་བརྗོད་དུ་{མྱེད་,མེད་}པ་ལས་དེ་བཞིན་གཤེགས་པས་བརྗོད་དེ། {མྱི་,མི་}ཟད་པ་ཞེས་བྱ་བ་འམ། ཚད་{མྱེད་,མེད་}པ་ཞེས་བྱ་བ་འམ། སྟོང་པ་ཞེས་བྱ་བ་འམ། མཚན་མ་{མྱེད་,མེད་}པ་ཞེས་བྱ་བ་འམ། སྨོན་པ་{མྱེད་,མེད་}པ་ཞེས་