完整藏文原文 · 德格版页 当前仅加载第 23 函德格 378b 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས་དཔའ་སེམས་དཔའ་ཆེན་པོ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་པ་ནི། ལུས་སམ། ངག་གམ། སེམས་ཀྱི་སྡོམ་པ་གང་ཡང་རུང་སྟེ། སྡོམ་པ་དེས་ཉན་ཐོས་ཀྱི་ས་འམ། རང་སངས་རྒྱས་ཀྱི་ས་ལ་རེག་པར་{མྱི་,མི་}བྱེད་དེ།
D8.023.0378b01.01དེ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་ཤིང་སེམས་ཅན་རྣམས་ཀྱི་སྲོག་{མྱི་,མི་}གཅོད་དོ། །མ་བྱིན་པར་{མྱི་,མི་}ལེན་ཏོ། །འདོད་པས་ལོག་པར་{མྱི་,མི་}གཡེམ་མོ། །{བརྫུན་,རྫུན་}གྱི་ཚིག་{མྱི་,མི་}སྨྲའོ། །ཕྲ་མའི་ཚིག་{མྱི་,མི་}སྨྲའོ། །ཞེ་གཅོད་པའི་ཚིག་རྩུབ་པོ་{མྱི་,མི་}སྨྲའོ། །
D8.023.0378b02.01ཚིག་ཀྱལ་པ་{མྱི་,མི་}སྨྲའོ། །ཆགས་སེམས་སུ་{མྱི་,མི་}བྱེད་དོ། །གནོད་སེམས་སུ་{མྱི་,མི་}བྱེད་དོ། །ལོག་པར་{མྱི་,མི་}ལྟའོ། །དེ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དེ་ལ་གནས་ཤིང་། ཟས་འདོད་པ་ལ་ཟས། སྐོམ་འདོད་པ་ལ་སྐོམ། བཞོན་པ་འདོད་པ་ལ་
D8.023.0378b03.01བཞོན་པ། གོས་འདོད་པ་ལ་གོས། མེ་ཏོག་འདོད་པ་ལ་མེ་ཏོག །ཕྲེང་བ་འདོད་པ་ལ་ཕྲེང་བ། སྤོས་འདོད་པ་ལ་སྤོས། བྱུག་པ་འདོད་པ་ལ་བྱུག་པ། མལ་སྟན་འདོད་པ་ལ་མལ་སྟན། གནས་འདོད་པ་ལ་གནས། འཚོ་བ་འདོད་པ་ལ་འཚོ་བ།
D8.023.0378b04.01ཡོ་བྱད་འདོད་པ་ལ་ཡོ་བྱད། ཡོངས་སུ་གཏོང་བ་ནས་{མྱིའི་,མིའི་}ཡོ་བྱད། གང་ཅི་ཡང་རུང་བའི་བར་དུ་འདོད་པ་རྣམས་ལ་{མྱིའི་,མིའི་}ཡོ་བྱད་གང་ཅི་ཡང་རུང་བ་དག་ཡོངས་སུ་གཏོང་ཞིང་། སྦྱིན་པ་དེ་ལྟར་གཏོང་བའི་ཚེ། སྦྱིན་པ་དེ་སེམས་ཅན་ཐམས་ཅད་དང་
D8.023.0378b05.01ཐུན་མོང་དུ་བྱས་ཏེ། བླ་ན་{མྱེད་,མེད་}པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོའོ། །དེ་ཡང་ཅི་ནས་ཀྱང་བསྔོ་བ་དེས་ཉན་ཐོས་ཀྱི་ས་འམ། རང་སངས་རྒྱས་ཀྱི་སར་{མྱི་,མི་}འགྱུར་བར་ཡོངས་སུ་སྔོ་སྟེ། རབ་འབྱོར་དེ་ལྟར་ན། བྱང་ཆུབ་སེམས་
D8.023.0378b06.01དཔའ་སེམས་དཔའ་ཆེན་པོ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་ཤིང་། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་འཛིན་ཏོ། །གསོལ་པ་བཅོམ་ལྡན་འདས་ཇི་ལྟར་ན། བྱང་ཆུབ་སེམས་དཔའ་སེམས་དཔའ་ཆེན་པོ། ཚུལ་ཁྲིམས་ཀྱི་ཕ་
D8.023.0378b07.01