完整藏文原文 · 德格版页 当前仅加载第 23 函德格 220a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་ཙམ་གྱིས་ནི་ངའི་སེམས་རངས་པར་{མྱི་,མི་}འགྱུར་ཏེ། ངས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་དབེན་པ་གང་བཤད་པའི་དབེན་པ་དེ་དང་{མྱི་,མི་}ལྡན་པས་དབེན་པ་དེ་ལ་མི་གནས་སོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་
D8.023.0220a01.01དབེན་པ་དེ་དང་བྲལ་བའི་ཕྱིར་ཏེ། དེ་ལྟར་དེའི་དྲུང་དུ་བདུད་སྡིག་ཏོ་ཅན་ཉེ་བར་འོངས་ཤིང་། སྟེང་གི་བར་སྣང་ལ་གནས་ཏེ། འདི་སྐད་དུ་རིགས་ཀྱི་བུ་ལེགས་སོ་ལེགས་སོ། །འདི་ནི་དེ་བཞིན་གཤེགས་པས་བསྟན་པའི་དབེན་པ་མ་ནོར་བ་ཡིན་གྱིས་ཁྱོད་དབེན་པས་
D8.023.0220a02.01འདི་ཉིད་ཀྱིས་ནི་རྣམ་པར་སྤྱོད་ཅིག །དེས་ཁྱོད་མྱུར་དུ་བླ་ན་{མྱེད་,མེད་}པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་ཟེར་ཏེ། དེའི་རྒྱུས་དེ་དབེན་པ་དེ་བས་ཀྱང་དབེན་པ་དེ་གཅེས་པར་འཛིན་ཅིང་། ཕྱིར་གྲོང་འདབ་དུ་འོངས་
D8.023.0220a03.01ནས། དགེ་སློང་བྱང་ཆུབ་སེམས་དཔའི་ཐེག་པ་པ་སེམས་དང་ཡིད་ལ་བྱ་བ་ཡོངས་སུ་དག་པ། དེས་པ་དགེ་བའི་ཆོས་དང་ལྡན་པ། གཞན་དག་ལ་ཚེ་དང་ལྡན་པ་འདི་དག་ནི་འདུ་འཛིའི་རྣམ་པར་སྤྱོད་པས་རྣམ་པར་སྤྱོད་དོ་ཞེས་ཁྱད་དུ་གསོད་ཅིང་བྱང་ཆུབ་སེམས་
D8.023.0220a04.01དཔའ་སེམས་དཔའ་ཆེན་པོ་དབེན་པར་སྤྱོད་པ་དེ་དག་ལ་འདུ་འཛིས་རྣམ་པར་སྤྱོད་པར་སྐྱོན་དུ་གདགས་པ་དང་། འདྲེས་པར་རྣམ་པར་སྤྱོད་པར་སྐྱོན་དུ་གདགས་པས་བརྙས་པའི་སེམས་བསྐྱེད་དོ། །གང་འདུ་འཛིའི་རྣམ་པར་སྤྱོད་པས་རྣམ་པར་སྤྱོད་པ་དེ་དག་ལ་ནི་
D8.023.0220a05.01དབེན་པས་རྣམ་པར་སྤྱོད་པར་འཛིན་ཅིང་དེ་དག་ལ་རིམ་གྲོ་སྐྱེད་དོ། །གང་ལ་རིམ་གྲོ་བསྐྱེད་པར་བྱ་བ་དེ་དག་ལ་ནི་ང་རྒྱལ་སྐྱེད་དོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་བདག་ནི་{མྱི་,མི་}མ་ཡིན་པས་བསྐུལ་བའོ། །{མྱི་,མི་}མ་ཡིན་པས་དྲན་པར་བྱའོ། །རྣམ་པར་སྤྱོད་པ་གང་
D8.023.0220a06.01གིས་བདག་སྤྱོད་པ་དེ་ནི་རྣམ་པར་སྤྱོད་པ་མ་ནོར་བ་སྟེ། གྲོང་འདབ་ན་སྤྱོད་པ་ལྟ་ལ་སུ་ཞིག་བསྐུལ་བར་འགྱུར། གྲོང་འདབ་ན་སྤྱོད་པ་ལྟ་ལ་སུ་ཞིག་དྲན་པར་བྱེད་པ་འགྱུར་ཞེས་ང་རྒྱལ་སྐྱེད་དེ། དེ་ལྟར་བྱང་ཆུབ་སེམས་དཔའ་དེ་བྱང་ཆུབ་སེམས་དཔའི་
D8.023.0220a07.01