完整藏文原文 · 德格版页 当前仅加载第 48 函德格 5a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པའི་གནས་པ་ཡང་དག་པར་རྗེས་སུ་མ་མཐོང་ལགས་ཏེ། བདག་ནི་དེ་ལྟར་གནས་ལགས་སོ། །བཅོམ་ལྡན་འདས་དཔེར་བགྱི་ན་ནམ་མཁའ་བླ་གབ་མ་མཆིས་པ་ལ་མིང་དང་བརྡ་དང་གདགས་པ་རྣམ་པ་སྣ་ཚོགས་བགྱིས་པ་དག །བཅོམ་
D101.048.0005a01.01ལྡན་འདས་མིང་དང་བརྡ་དང་གདགས་པ་གང་དག་གིས་ནམ་མཁའ་ཞེས་ཐ་སྙད་དུ་བཏགས་པ་དང་། ནམ་མཁའ་ཞེས་བརྡར་བཏགས་པ་དང་། ནམ་མཁའ་ཞེས་རྟེན་དུ་བགྱིས་པ་དང་། བཅོམ་ལྡན་འདས་ནམ་མཁའ་ཞེའམ། བླ་གབ་མ་མཆིས་པ་ཞེའམ། སྟོང་པ་ཞེའམ།
D101.048.0005a02.01གསོག་ཅེའམ། གསོབ་ཅེའམ། ཡམ་བརླ་ཞེའམ། གཟུང་བ་མ་མཆིས་པ་ཞེའམ། ཚད་མ་མཆིས་པ་ཞེའམ། རྟེན་པ་མ་མཆིས་པ་ཞེའམ། བླང་བ་མ་མཆིས་པ་ཞེའམ། དོར་བ་མ་མཆིས་པ་ཞེའམ། ལུས་མ་མཆིས་པ་ཞེའམ། ཇི་ལྟ་བ་བཞིན་ཞེའམ། ཡོངས་
D101.048.0005a03.01སུ་དག་པ་ཞེའམ། བར་སྣང་ཞེའམ། ཐོགས་པ་མ་མཆིས་པ་ཞེའམ། དངོས་པོ་མ་མཆིས་པ་ཞེའམ། བསྟན་དུ་མ་མཆིས་པ་ཞེས་དེ་དག་དང་། གཞན་ཡང་ཐ་སྙད་ཀྱི་བརྡ་ཐ་དད་པ་རྣམ་པ་སྣ་ཚོགས་ཀྱིས་བརྗོད་པ་ནི་བཅོམ་ལྡན་འདས་འདི་ལྟ་སྟེ། ཚད་འདི་ཙམའམ།
D101.048.0005a04.01ཡོངས་སུ་བཅད་པ་འདི་ཙམ་འམ། མཉམ་པའམ། མི་མཉམ་པ་ཞེས་མིང་ངམ། བརྡའམ། རྟེན་རྣམས་ཀྱིས་འཚལ་བར་མི་ནུས་ལགས་སོ། །བཅོམ་ལྡན་འདས་གང་དག་དེའི་ཕྱོགས་ཙམ་ཞིག་འཚལ་བ་དེ་དག་ཐམས་ཅད་ཀྱིས་ཀྱང་ཁ་དོག་གམ། དབྱིབས་སམ།
D101.048.0005a05.01དམིགས་པས་ནམ་མཁའ་དེ་ཚད་འདི་ཙམ་དང་། མཆོག་འདི་ཙམ་ཞེས་བགྱི་བ་མ་འཚལ་ལགས་སོ། །བཅོམ་ལྡན་འདས་དེ་བཞིན་དུ་གང་དེ་བཞིན་གཤེགས་པ་ཞེས་བགྱི་བའམ། སངས་རྒྱས་ཞེས་བགྱི་བའམ། སྟོན་པ་ཞེའམ། སྐྱབས་ཞེའམ། དཔུང་
D101.048.0005a06.01གཉེན་ཞེའམ། གནས་ཞེའམ། འདྲེན་པ་ཞེའམ། རྣམ་པར་འདྲེན་པ་ཞེའམ། ཡོངས་སུ་འདྲེན་པ་ཞེའམ། སྨན་པ་ཞེའམ། གསོ་བ་པ་ཞེའམ། ལམ་སྟོན་པ་ཞེའམ། ལམ་བརྗོད་པ་ཞེའམ། གཞན་ཡང་ཐ་སྙད་ཐ་དད་པའི་ཚིག་རྣམ་པ་སྣ་ཚོགས་
D101.048.0005a07.01