完整藏文原文 · 德格版页 当前仅加载第 48 函德格 215b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་མངོན་དུ་འཕགས་པའི་འོད་ཟེར་དེ་སྔ་དྲོའི་དུས་ཀྱི་ཚེ་ཤམ་ཐབས་དང་ཆོས་གོས་མནབས། ལྷུང་བཟེད་བསྣམས་ཏེ་དགེ་སློང་གི་དགེ་འདུན་གྱིས་མདུན་དུ་བདར་ནས་རྒྱལ་པོ་མ་སྨད་པའི་བསོད་ནམས་དབང་ཕྱུག་གི་ཁྱིམ་ག་ལ་བ་དེར་
D101.048.0215b01.01གཤེགས་ཏེ་བྱོན་ནས་གདན་བཤམས་པ་ལ་བཞུགས་སོ། །དགེ་སློང་དེ་དག་ཀྱང་སྟན་ཇི་ལྟར་བཤམས་པ་ལ་འཁོད་དོ། །བརྟན་པའི་བློ་གྲོས་དེ་ནས་རྒྱལ་པོ་མ་སྨད་པའི་བསོད་ནམས་དབང་ཕྱུག་གིས་བཅོམ་ལྡན་འདས་དེ་བཞུགས་པ་དང་། དགེ་སློང་གི་དགེ་འདུན་འཁོད་པར་རིག་ནས་རང་གི་ལག་
D101.048.0215b02.01གིས་གུས་པར་བྱས་ཏེ། མང་ཞིང་བསོད་པའི་ཟས་ཇི་ལྟར་བསྡོགས་པས་ཚིམ་པར་བྱེད་ཅིང་བསྟབས་སོ། །དེས་བཅོམ་ལྡན་འདས་དེ་ལ་རང་གི་ལག་གིས་གུས་པར་བྱས་ཏེ་ཚིམ་པར་བྱས་ཤིང་བསྟབས་ནས། གསོལ་ཟིན་ཅིང་སྡེར་གྱུ་ཕྱག་བཅབས་པར་རིག་ནས། བཅོམ་ལྡན་འདས་དང་དགེ་སློང་
D101.048.0215b03.01གི་དགེ་འདུན་ལ་སོ་སོར་ཆོས་གོས་གསུམ་གསུམ་སྐུ་ལུས་ལ་གསོལ་ཏོ། །བཅོམ་ལྡན་འདས་དང་དགེ་སློང་གི་དགེ་འདུན་དེ་ལ་སྐུ་ལུས་ལ་གསོལ་ཏེ། གསེར་གྱི་རིལ་བ་བྷྲིང་གར་ཐོགས་ནས་བཅོམ་ལྡན་འདས་དེ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཕྱག་དུ་ཆུ་ཕུལ་ཏེ་གསོལ་པ།
D101.048.0215b04.01བཅོམ་ལྡན་འདས་བཅོམ་ལྡན་འདས་ལ་སྐྱེད་མོས་ཚལ་འདི་དང་གཙུག་ལག་ཁང་འདི་དག་དང་། འཆག་ས་འདི་དག་དང་། གཟིམས་ཆ་འདི་དག་དང་། ཁྲིའུ་འདི་དག་དང་། ཀུན་དགའ་ར་བ་འདི་དག་འབུལ་ལགས་སོ། །རིམ་གྲོ་དང་བསྙེན་བཀུར་བགྱི་བའི་སླད་དུ་བདག་ཉིད་ཀྱང་འབུལ་ལགས་
D101.048.0215b05.01སོ། །བརྟན་པའི་བློ་གྲོས་དེ་ནས་རྒྱལ་པོ་དེས་དེའི་རྗེས་ལ་དེ་བཞིན་གཤེགས་པ་དེ་ལ་རིམ་གྲོ་དང་བསྙེན་བཀུར་བྱས་ཤིང་ཆོས་མཉན་པའི་ཕྱིར་ཡང་ཉིན་གཅིག་བཞིན་དུ་གུས་པར་བྱས་ནས་སོང་ངོ་། །བརྟན་པའི་བློ་གྲོས་དེ་ནས་རྒྱལ་པོ་མ་སྨད་པའི་བསོད་ནམས་དབང་ཕྱུག་དེས་བཅོམ་ལྡན་འདས་དེ་ལ་
D101.048.0215b06.01བསྐལ་པ་ཕྱེད་དུ་རིམ་གྲོ་བྱས་ཤིང་། དེ་བཞིན་གཤེགས་པ་དེ་ལ་གནས་དང་གནས་མ་ཡིན་པ་དག་ཀྱང་ཡོངས་སུ་དྲིས་སོ། །དེ་ཡང་ཡོངས་སུ་འདྲི་ཞིང་། བཅོམ་ལྡན་འདས་དེ་ཡང་ལན་ལྡོན་པ་ན་སེམས་ཅན་གྲངས་མེད་དཔག་ཏུ་མེད་པའི་དོན་བྱས་སོ། །བརྟན་པའི་བློ་གྲོས་དེའི་ཚེ་དེའི་དུས་ན་རྒྱལ་
D101.048.0215b07.01