完整藏文原文 · 德格版页 当前仅加载第 48 函德格 180b 版页；藏文 NFD、目录标记与异常页序保留在来源切片中，重复版页行以稳定序号区分。
བདེན་པ་ཡང་དག་པར་རབ་ཏུ་བསྟན་ཅིང་། དེ་བཞིན་དུ་ཀུན་འབྱུང་བ་དང་། འགོག་པ་དང་། ལམ་འཕགས་པའི་བདེན་པ་ཡང་དག་པར་རབ་ཏུ་བསྟན་ཏོ། །དེ་ནས་དགེ་སློང་དེ་དེ་ཉིད་ཀྱི་ཚེ་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །དེ་ནས་དེ་བྱ་བ་ཐོབ་སྟེ།
D101.048.0180b01.01དེའི་མཚན་མོ་འདས་ནས་སྔ་དྲོའི་ཚེ་ཆོས་གོས་བགོས། ལྷུང་བཟེད་ཐོགས་ནས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་བསོད་སྙོམས་ཀྱི་ཕྱིར་ཞུགས་སོ། །དེ་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་བསོད་སྙོམས་ཀྱི་ཕྱིར་མཐར་ཆགས་སུ་རྒྱུ་བས་རང་གི་ཁྱིམ་ག་ལ་བ་དེར་སོང་སྟེ་ཕྱིན་ནས། ཕྱོགས་
D101.048.0180b02.01གཅིག་ཏུ་ཅང་མི་སྨྲ་བར་བསོད་སྙོམས་ཀྱི་ཕྱིར་འདུག་གོ། །བུད་མེད་གཟུགས་ལྡན་མས་ཁྱིམ་བདག་རྒྱལ་བ་སྲུང་བ་རབ་ཏུ་བྱུང་སྟེ། ཆོས་གོས་བགོས། ལྷུང་བཟེད་ཐོགས་ཤིང་བསོད་སྙོམས་ཀྱི་ཕྱིར་འོངས་པ་མཐོང་སྟེ། མཐོང་ནས་ཀྱང་སྨྲས་པ། ཁྱིམ་བདག་ཁྱོད་ཀྱིས་ནི་མི་འཚམ་པར་
D101.048.0180b03.01བྱས་སོ། །དེ་ནས་དགེ་སློང་རྣམ་པར་རྒྱལ་བ་སྲུང་བས་དེ་ལ་སྨྲས་པ། སྲུ་ཁྱོད་ཀྱིས་ཁོ་བོའི་གོས་ཀྱི་གྲྭར་བཤང་གཅི་བྱས་ཤིང་དེས་ཀྱང་ཁོ་བོའི་ལུས་ཐམས་ཅད་དྲི་མི་ཞིམ་པར་བྱས་ན་ཁྱོད་ཁོང་དུ་ཆུད་དམ། དེས་སྨྲས་པ། ཁྱིམ་བདག་ཁྱོད་ཁོ་མོ་ལ་སྐུར་པ་གདབ་པར་སེམས་པ་འདི་ནི་ཁྱོད་ཀྱི་ཆ་མ་
D101.048.0180b04.01ཡིན་ཏེ། ཁྱིམ་བདག་འདི་ལྟར་ཁོ་མོ་ཕས་རང་གི་ཁྱིམ་ནས་རང་གི་ཁྱིམ་དུ་རྗེས་སུ་འཇུག་ཏུ་བཅུག་ནས། སྒོ་གང་གི་ཕྱི་རོལ་ཏུ་བཞིན་ཉེ་བར་བསྟན་པར་ཡང་མི་དྲན་ན། འོད་མའི་ཚལ་བྱ་ཀ་ལན་ད་ཀ་གནས་པར་བཅོམ་ལྡན་འདས་ཀྱི་ཐད་དུ་སོང་བ་ལྟ་ཅི་སྨོས། རྣམ་པར་རྒྱལ་བ་སྲུང་བས་སྨྲས་པ།
D101.048.0180b05.01སྲུ་ཁོ་བོ་ལ་དཔང་པོ་བཅོམ་ལྡན་འདས་དང་ཤཱཀྱའི་བུ་ནགས་སྦྱིན་དང་། འཁོར་བཞི་པོ་ཡོད་དེ། འདི་ལྟར་ཁོ་བོ་དང་ཁྱོད་ཤཱཀྱའི་བུ་ནགས་སྦྱིན་གྱིས་བཟུང་ནས་འཁོར་དེ་ནས་བསྐྲད་པའང་ཁྱོད་མི་དྲན་ནམ། དེ་ནས་བདུད་སྡིག་ཅན་ཁྱིམ་བདག་རྣམ་པར་རྒྱལ་བ་སྲུང་བའི་རྒྱབ་ཏུ་འདུག་ནས་སྨྲས་པ།
D101.048.0180b06.01ཁྱིམ་བདག་གང་གི་ཕྱིར་འཁྱམ་དུ་བཅུག་ཅིང་བསྐྲད་པ་དེ་ནི་འདི་མ་ཡིན་ཏེ། དེ་ནི་སྤྲུལ་པ་ཡིན་པར་གྱུར་ཏོ། །དགེ་སློང་ཁྱོད་འདོད་པའི་ཡོན་ཏན་ལྔ་པོ་དག་གིས་མངོན་པར་དགའ་བར་གྱིས་ཤིག །ཁྱིམ་བདག་ཁྱོད་ནི་དགེ་སྦྱོང་གཽ་ཏ་མས་བསླུས་ཏེ། དེས་ནི་དགེ་སློང་མང་དུ་དེ་ལྟ་བུར་འཁྱམ་དུ་བཅུག་
D101.048.0180b07.01