完整藏文原文 · 德格版页 当前仅加载第 48 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན། །བསྒོམ་པ་ཡང་རབ་ཏུ་ཤེས་པ་ཡིན། གདམས་ངག་གི་སྐྱོན་ཡང་རབ་ཏུ་ཤེས་པ་ཡིན། བསྒོམ་པའི་སྐྱོན་ཡང་རབ་ཏུ་ཤེས་པ་ཡིན་ཏེ། བཞི་པོ་དེ་དག་གོ། །དེ་ལ་འདི་སྐད་ཅེས་བྱ་སྟེ། གདམས་ངག་དང་ནི་དེ་བཞིན་བསྒོམ་པའང་ཤེས། །དེ་ལ་དེ་བཞིན་བསྒོམ་པའི་སྐྱོན་དང་ནི། །གདམས་ངག་སྐྱོན་ཡང་རབ་ཏུ་
D101.048.0223b01.01ཤེས་ནས་སུ། །སྐྱོན་མེད་ཆོས་ཀྱིས་སྦྱོར་བར་བྱེད་པ་ཡིན། །བརྟན་པའི་བློ་གྲོས་ཆོས་གཞན་བཞི་དང་ལྡན་པ་ནི་དགེ་བའི་བཤེས་གཉེན་དུ་རིག་པར་བྱ་སྟེ། བཞི་གང་ཞེ་ན། འདི་ལྟ་སྟེ། ས་ཡང་རབ་ཏུ་ཤེས་པ་ཡིན། ཡུལ་ཡང་རབ་ཏུ་ཤེས་པ་ཡིན། གང་ཟག་ཀྱང་རབ་ཏུ་ཤེས་པ་ཡིན། སྤྱོད་པ་ཡང་རབ་ཏུ་ཤེས་པ་
D101.048.0223b02.01ཡིན་ནོ། །ཇི་ལྟར་ས་རབ་ཏུ་ཤེས་པ་ཡིན་ཞེ་ན། གང་ཟག་དང་འཚམ་པས་ས་ཇི་ལྟ་བ་བཞིན་དུ་རབ་ཏུ་ཤེས་པའོ། །ཇི་ལྟར་གང་ཟག་རབ་ཏུ་ཤེས་པ་ཡིན་ཞེ་ན། སྤྱད་པས་གང་ཟག་ཏུ་འགྱུར་བ་ཇི་ལྟ་བ་དེ་བཞིན་དུ་རབ་ཏུ་ཤེས་པའོ། །ཇི་ལྟར་སྤྱོད་པ་རབ་ཏུ་ཤེས་པ་ཡིན་ཞེ་ན། འདོད་ཆགས་དང་། ཞེ་སྡང་དང་། གཏི་
D101.048.0223b03.01མུག་གི་སྤྱོད་པ་དང་རྗེས་སུ་འཐུན་པའི་ཆོས་བསྟན་པ་ལ་འཇུག་པ་ངེས་པར་བསྟན་པས་ནི་ཆགས་པ་རྣམ་པར་སྤོང་བ་ཉིད་ཀྱི་ཕྱིར་ཆོས་གོས་གསུམ་ལྷུར་ལེན་པ་ཡིན། རབ་ཏུ་བྱུང་བ་དང་། ཁྱིམ་པ་དག་དང་ལྷན་ཅིག་མ་འདྲེས་པ་ཡིན་ཞིང་། རྩོད་པ་རྣམ་པར་སྤོང་བ་དང་། ཟབ་མོ་ལ་བཟོད་པ་དང་། སྟོང་པ་ཉིད་ཀྱི་སྤྱོད་ཡུལ་བ་ཡིན་
D101.048.0223b04.01ཏེ། བརྟན་པའི་བློ་གྲོས་ཆོས་བཞི་པོ་དེ་དག་དང་ལྡན་པ་ནི་ཏིང་ངེ་འཛིན་དེ་ཐོབ་པར་འགྱུར་བའི་དགེ་བའི་བཤེས་གཉེན་དུ་རིག་པར་བྱའོ། །བརྟན་པའི་བློ་གྲོས་བྱང་ཆུབ་སེམས་དཔའ་ཁྱིམ་པ་ཆོས་བཞི་དང་ལྡན་ན་ཏིང་ངེ་འཛིན་དེ་ཐོབ་པར་བྱ་བ་དང་། ཏིང་ངེ་འཛིན་དེ་ལ་མངོན་པར་བརྩོན་པར་ནུས་ཏེ། བཞི་གང་ཞེ་ན། བརྟན་པའི་
D101.048.0223b05.01བློ་གྲོས་འདི་ལ་བྱང་ཆུབ་སེམས་དཔའ་ཁྱིམ་པས་ནི་བསླབ་པའི་གཞི་ལྔ་གཟུང་བར་བྱ་བ་ཡིན། ཟ་གཅིག་པ་ལྷུར་ལེན་པས་གཙུག་ལག་ཁང་དུ་གནས་པར་ཡང་བྱ་བ་ཡིན། མང་དུ་ཐོས་པར་ཡང་བྱ་བ་ཡིན། དོན་རྣམ་པར་ངེས་པ་ལ་མཁས་པ་དང་། གང་དག་ཏིང་ངེ་འཛིན་དེ་ལ་གནས་ནས་འདོམས་པར་བྱེད་པའི་དགེ་
D101.048.0223b06.01བའི་བཤེས་གཉེན་ལ་བསྟེན་པར་བྱ་བ་ཡིན་ཏེ། བརྟན་པའི་བློ་གྲོས་བྱང་ཆུབ་སེམས་དཔའ་ཁྱིམ་པ་ཆོས་བཞི་པོ་དེ་དག་དང་ལྡན་ན་ཏིང་ངེ་འཛིན་དེ་ཐོབ་པར་བྱ་བའི་ཕྱིར་སྦྱོར་བར་བྱའོ། །བརྟན་པའི་བློ་གྲོས་ཆོས་གཞན་བཞི་དང་ལྡན་པས་སྦྱོར་བར་བྱ་སྟེ། བཞི་གང་ཞེ་ན། ཆོས་ཐམས་ཅད་ལ་མི་གནས་པས་ཏིང་ངེ་འཛིན་དེ་ཐོབ་པར་བྱ་
D101.048.0223b07.01