完整藏文原文 · 德格版页 当前仅加载第 48 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དེ་ལྟར་བལྟ་བར་བྱའོ། །ཤ་ར་དྭ་ཏིའི་བུ་སྔོན་བྱུང་བ་འདས་པའི་དུས་ན་བསྐལ་པ་ཡངས་པ་ཚད་མེད་པ། བསམ་གྱིས་མི་ཁྱབ་པ། གྲངས་མེད་པར་གྱུར་པ་དེའི་ཚེ་དེའི་དུས་ན་ཡེ་ཤེས་མཆོག་ཅེས་བྱ་བའི་བསྐལ་པ་ལ་རིག་པ་དང་ཞབས་སུ་ལྡན་པ། བདེ་བར་
D101.048.0135a01.01གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། དེ་བཞིན་གཤེགས་པ་ཀུན་ཏུ་སྲུང་བའི་བདག་པོ་སྤྲིན་གྱི་དབང་ཕྱུག་མར་མེ་ཞེས་བྱ་བ་འཇིག་རྟེན་དུ་བྱུང་ངོ་། །ཤ་ར་དྭ་ཏིའི་བུ་དེ་བཞིན་གཤེགས་པ་
D101.048.0135a02.01དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་སྲུང་བའི་བདག་པོ་སྤྲིན་གྱི་དབང་ཕྱུག་མར་མེ་དེའི་ཚེ་ཚད་ནི་བསྐལ་པ་ཕྱེད་ཚང་བར་ཐུབ་པར་འགྱུར་རོ། །ཤ་ར་དྭ་ཏིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་སྲུང་བའི་བདག་པོ་
D101.048.0135a03.01སྤྲིན་གྱི་དབང་ཕྱུག་མར་མེ་དེའི་ཉན་ཐོས་འདུས་པ་ནི་གང་གཱའི་ཀླུང་གི་བྱེ་མ་སྙེད་བྱུང་བར་གྱུར་ཏེ། ཉན་ཐོས་འདུས་པ་རེ་རེ་ཡང་གཉི་གའི་ཆ་ལས་རྣམ་པར་གྲོལ་བ། ཤེས་རབ་ཕུན་སུམ་ཚོགས་པ། ལྟ་བ་ཕུན་སུམ་ཚོགས་པ། ལུས་ཀྱིས་མངོན་དུ་བྱེད་པ་དག་གོ། །ཤ་ར་
D101.048.0135a04.01དྭ་ཏིའི་བུ་དེ་བཞིན་གཤེགས་པ་ཀུན་དུ་སྲུང་བའི་བདག་པོ་སྤྲིན་གྱི་དབང་ཕྱུག་མར་མེ་དེའི་ཉན་ཐོས་འདུས་པ་དེ་དག་ཇི་སྙེད་བྱུང་བ་དེ་སྙེད་དུ། བྱང་ཆུབ་སེམས་དཔའ་སེམས་དཔའ་ཆེན་པོ་འདུས་པ་དག་ཀྱང་དེ་སྙེད་ཁོ་ན་བྱུང་བར་གྱུར་ཏེ། ཕྱིར་མི་ལྡོག་པ་དག་ཀྱང་གང་གཱའི་ཀླུང་གི་བྱེ་མ་
D101.048.0135a05.01སྙེད་བྱུང་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ལ་གསར་དུ་ཞུགས་པ་དག་ལྟ་ཅི་སྨོས། ཤ་ར་དྭ་ཏིའི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་སྲུང་བའི་བདག་པོ་སྤྲིན་གྱི་དབང་ཕྱུག་མར་མེ་ཡོངས་སུ་མྱ་ངན་ལས་འདའ་
D101.048.0135a06.01བར་མཛད་པ་ན། འཛམ་བུའི་གླིང་བྱེ་བ་ཕྲག་བརྒྱ་ཐམས་ཅད་དུ་ཆོས་སྨྲ་བ་བྱེ་བ་ཕྲག་བརྒྱ་བྱིན་གྱིས་བརླབས་སོ། །ཤ་ར་དྭ་ཏིའི་བུ་དེ་བཞིན་གཤེགས་པ་ཀུན་ཏུ་སྲུང་བའི་བདག་པོ་སྤྲིན་གྱི་དབང་ཕྱུག་མར་མེ་དེའི་དམ་པའི་ཆོས་ནི་ལོ་བྱེ་བ་ཁྲག་ཁྲིག་འབུམ་ཕྲག་བརྒྱད་ཅུར་གནས་སོ། །
D101.048.0135a07.01