完整藏文原文 · 德格版页 当前仅加载第 48 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ལ་ཀུན་བགེད་པ་ཡིན། ཆོས་བསྟན་པའི་ཕྱིར་སྙོམ་ལས་མེད་པ་ཡིན་ཞིང་། ཆོས་ཐམས་ཅད་རྣམ་པར་འཇིག་པའི་བློས་མི་གནས་པའི་བསམ་གཏན་པ་ཡང་ཡིན་ལ། སེམས་ཅན་ཐམས་ཅད་ལས་བླ་ན་མེད་པའི་སེམས་ཀྱིས་བྱང་ཆུབ་ཀྱི་ཕྱིར་སངས་རྒྱས་རྗེས་སུ་དྲན་པ་
D101.048.0183a01.01ཡང་སྒོམ་པར་བྱེད་པ་ཡིན། ཆོས་གང་ལ་ཡང་ལུས་ཀྱི་དམིགས་པས་མཚན་མར་མི་འཛིན་པ་ཡིན་ཏེ། ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན་ཆོས་ཐམས་ཅད་སྤོབས་པ་ཆགས་པ་མེད་པ་ཡིན་ཞིང་། ཕྱི་མའི་དུས་ཕྱི་མའི་ཚེ་ན་དེ་དེ་བཞིན་གཤེགས་
D101.048.0183a02.01པས་ཆོས་ཀྱི་གྲོང་ཁྱེར་སྲུང་བར་བྱིན་གྱིས་རློབ་པར་མཛད་དོ། །ཤ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། ཚེ་རྗེས་ཀྱང་དྲན་པ་བརྗེད་པར་མི་འགྱུར་རོ། །བཞི་གང་ཞེ་ན། ཆོས་ཡོངས་སུ་ཚོལ་བ་དང་། ཆོས་ཀྱི་སྦྱིན་པས་ཆོག་མི་ཤེས་པ་
D101.048.0183a03.01ཡིན་ཏེ། ཤ་ར་དྭ་ཏིའི་བུ་རིགས་ཀྱི་བུའམ། རིགས་ཀྱི་བུ་མོ་ཆོས་དང་པོ་དེ་དང་ལྡན་པ་ནི་ཚེ་རྗེས་ན་ཡང་དྲན་པ་བརྗེད་པར་མི་འགྱུར་རོ། །ཤ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་ཅན་མང་པོ་གཞན་དག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་འཇུག་
D101.048.0183a04.01ཅིང་། ཡང་དང་ཡང་དུ་དེ་བཞིན་གཤེགས་པའི་ཡོན་ཏན་ཡོངས་སུ་སྒྲོགས་པར་ཡང་བྱེད་པ་ཡིན་ཏེ། ཤ་ར་དྭ་ཏིའི་བུ་བྱང་ཆུབ་སེམས་དཔའ་ཆོས་གཉིས་པ་དེ་དང་ལྡན་པ་ནི་ཚེ་རྗེས་ན་ཡང་དྲན་པ་བརྗེད་པར་མི་འགྱུར་རོ། །ཤ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་ཟབ་མོ་ལ་བཟོད་པ་ཡིན་ཏེ།
D101.048.0183a05.01ཤ་ར་དྭ་ཏིའི་བུ་བྱང་ཆུབ་སེམས་དཔའ་ཆོས་གསུམ་པ་དེ་དང་ལྡན་པ་ནི་ཚེ་རྗེས་ན་ཡང་དྲན་པ་བརྗེད་པར་མི་འགྱུར་རོ། །ཤ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པ་མཉེས་པར་བྱ་བའི་ཕྱིར་ཡིད་རྣམ་པར་མི་གཡེང་བ་ཡིན་ཞིང་། དེ་བཞིན་གཤེགས་པའི་ཆོས་
D101.048.0183a06.01ཡིད་ལ་བྱ་བའི་ཕྱིར་ཤེས་བཞིན་དང་དྲན་པ་ཅན་ཡིན་ལ། ཟབ་མོ་ལ་བཟོད་ཅིང་འཆི་བའི་དུས་བྱེད་པ་ཡིན་ཏེ། ཤ་ར་དྭ་ཏིའི་བུ་བྱང་ཆུབ་སེམས་དཔའ་ཆོས་བཞི་པ་དེ་དང་ལྡན་པ་ནི་ཚེ་རྗེས་ན་ཡང་དྲན་པ་བརྗེད་པར་མི་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། དེ་སྐད་གསུངས་ནས་སྟོན་
D101.048.0183a07.01