完整藏文原文 · 德格版页 当前仅加载第 48 函德格 190a 版页；藏文 NFD、目录标记与异常页序保留在来源切片中，重复版页行以稳定序号区分。
ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་དགྲ་བཅོམ་པ་ཟག་པ་ཟད་པ་ནི་ཆོས་སྤོང་བ་མ་ལགས་པར་འཚལ་བར་བགྱི་བ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་དེ་དག་ནི་བྱིས་པའི་ལས་ལགས་ཀྱི་དེ་དག་ནི་དགྲ་བཅོམ་པའི་ལས་མ་
D101.048.0190a01.01ལགས་ཏེ། འདི་ལྟ་སྟེ། ཆོས་སྤོང་བ་ལགས་པའི་སླད་དུའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤ་ར་དྭ་ཏིའི་བུ་དེ་དེ་བཞིན་ནོ། །དེ་དེ་བཞིན་ཏེ། ཤ་ར་དྭ་ཏིའི་བུ་དེ་དག་ནི་བྱིས་པའི་ལས་ཡིན་གྱི་དགྲ་
D101.048.0190a02.01བཅོམ་པའི་ལས་མ་ཡིན་མོད་ཀྱི་འོན་ཀྱང་། ཤ་ར་དྭ་ཏིའི་བུ་ཕྱི་མའི་ཚེ་ཕྱི་མའི་དུས་ན་མི་འཇིགས་པས་ཟིལ་གྱིས་ནོན་པའི་དགེ་སློང་དག་འབྱུང་བར་འགྱུར་ཏེ། དེ་དག་ནི་བསམ་གཏན་ཙམ་དང་། ངེས་པར་གནས་པ་ཙམ་དང་། དགོན་པ་ན་གནས་པ་ཙམ་གྱིས་བདག་ཉིད་ཉོན་མོངས་པ་མེད་
D101.048.0190a03.01པའོ། །སྙམ་དུ་ཀུན་ཏུ་ཤེས་པར་འགྱུར་ཞིང་བདག་ཉིད་ལ་རློམ་སེམས་སྐྱེད་པར་བྱེད་པར་འགྱུར་ཏེ། དེའི་ཕྱིར་དེའི་ཚེ་བྲམ་ཟེ་དང་། ཁྱིམ་བདག་དད་པ་ཅན་མོས་པ་མང་བ་དང་། ངེས་པར་རྟོག་པ་མང་བ་དག་གིས་དགྲ་བཅོམ་པ་འདི་ནི་སྦྱིན་པའི་གནས་སོ། །ཟག་པ་ཟད་པའོ་སྙམ་དུ་ཀུན་
D101.048.0190a04.01ཏུ་ཤེས་པར་འགྱུར་ལ། དེ་ལ་ཡང་ལྷག་པར་བྱེད་པ་བྱ་བར་སེམས་པར་འགྱུར་ཞིང་། མི་བླུན་པོ་དེ་དག་ཀྱང་བསྙེན་བཀུར་གྱིས་ཟིལ་གྱིས་གནོན་ཅིང་། རྙེད་པས་ཟིལ་གྱིས་ནོན་ལ། བསྔགས་པ་དང་། གྲགས་པ་དང་། སྙན་པས་ཟིལ་གྱིས་ནོན་ནས། བདག་ཅག་ནི་ཆོས་དེ་དག་ལ་གནས་
D101.048.0190a05.01སོ། །བདག་ཅག་ནི་ཆོས་དེ་དག་དང་ལྡན་ནོ། །བདག་ཅག་ནི་འདི་ན་ཟག་པ་ཟད་པའོ། །བདག་ཅག་ནི་འདི་ན་ཉོན་མོངས་པ་མེད་པའོ་སྙམ་ནས། བདག་ཉིད་ལ་ཡེ་ཤེས་ཅན་དུ་ཀུན་ཏུ་ཤེས་པར་འགྱུར་བ་ཡིན་ཞིང་། དེ་དག་ནི་བྱིས་པར་འགྱུར་བ་ཡིན། བརྟགས་པའི་སྤྱོད་ལམ་ཅན་དུ་འགྱུར་བ་
D101.048.0190a06.01ཡིན། གྲོང་ན་འཁོད་པ་དེ་དག་གི་སྤྱོད་ལམ་ཡང་གཞན་དུ་འགྱུར་བ་ཡིན། གཙུག་ལག་ཁང་ན་འཁོད་པའི་སྤྱོད་ལམ་ཡང་གཞན་དུ་འགྱུར་བ་ཡིན། དགོན་པ་ན་འཁོད་པ་རྣམས་ཀྱི་ཡང་གཞན་དུ་ལ། འཁོར་གྱི་ནང་ན་འཁོད་པ་རྣམས་ཀྱི་ཡང་གཞན་དུ་ཡིན། ལུས་ཀྱི་ལས་དང་ངག་གི་ལས་ཀུན་ཏུ་སྤྱོད་པ་
D101.048.0190a07.01