完整藏文原文 · 德格版页 当前仅加载第 48 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། སེམས་བསྐྱེད་པ་གསུམ་པོ་དེ་དག་ནི་འདི་ལྟ་སྟེ། དང་པོ་སེམས་བསྐྱེད་པ་དང་། མི་ལྡོག་པ་དང་། སྒྲུབ་པའི་སེམས་བསྐྱེད་པའོ། །ཤ་ར་དྭ་ཏིའི་བུ། དེ་ལ་གང་དང་པོ་སེམས་བསྐྱེད་པ་དེ་ནི་དེ་ལས་བྱང་ཆུབ་སེམས་དཔའ་ལྡོག་ཅིང་ལྡོག་ནས་ཀྱང་། ཉན་
D101.048.0171b01.01ཐོས་ཀྱི་ཐེག་པར་ལྟུང་བའམ། རང་སངས་རྒྱས་ཀྱི་ཐེག་པར་ལྟུང་བ་ཡིན་ཏེ། ཤ་ར་དྭ་ཏིའི་བུ་སེམས་བསྐྱེད་པ་དེ་ལ་དེ་བཞིན་གཤེགས་པས་རངས་པར་མཛད་ཅིང་། ཡང་དག་པར་འཛིན་དུ་འཇུག་པར་མཛད་ལ། ཡང་དག་པར་གཟེངས་སྟོད་པར་མཛད་དོ། །
D101.048.0171b02.01དེ་ཅིའི་ཕྱིར་ཞེ་ན། ཅི་ནས་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་གནས་པར་འགྱུར་ཞིང་། ཉན་ཐོས་དང་རང་སངས་རྒྱས་ཀྱི་སེམས་ལས་ཀྱང་ལྡོག་པར་འགྱུར་ལ་ཐེག་པ་གཉིས་པོ་དེ་དག་ལ་དམིགས་པར་ནི་མི་འགྱུར་ཞིང་། མི་དམིགས་
D101.048.0171b03.01པས་སངས་རྒྱས་ཀྱི་ཆོས་རྣམས་ལ་གནས་པར་འགྱུར་ཞིང་། སངས་རྒྱས་ཀྱི་ཡུལ་ལ་ངེས་པར་འབྱུང་བར་འགྱུར་ཞིག་གུ་སྙམ་པའི་ཕྱིར་རོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་
D101.048.0171b04.01བསྐྱེད་པ་མངོན་པར་བསྒྲུབ་པའི་ཕྱིར་རྣལ་འབྱོར་དུ་བྱའོ། །ཤ་ར་དྭ་ཏིའི་བུ་སེམས་སྟོང་པ་ཉིད་དུ་རྣམ་པར་བལྟ་བར་བྱའོ། །ཤ་ར་དྭ་ཏིའི་བུ་སེམས་སྟོང་པ་ཉིད་ནི་གང་ཡིན། ཇི་ལྟར་ན་སེམས་སྟོང་པ་ཉིད་དུ་རྣམ་པར་བལྟ་བར་བྱ་བ་ཡིན་ཞེ་ན། ཤ་ར་དྭ་
D101.048.0171b05.01ཏིའི་བུ་སེམས་ཞེས་བྱ་བ་ནི་སེམས་དང་། ཡིད་ཀྱི་རྣམ་པར་ཤེས་པ་དང་། ཡིད་དང་། ཡིད་ཀྱི་ལུས་དང་། ཡིད་ཀྱི་དབང་པོ་དང་། ཡིད་ཀྱི་ཁམས་ཏེ། འདི་ནི་སེམས་ཞེས་བྱའོ། །དེའི་སྟོང་པ་ཉིད་གང་ཞེ་ན། ཤ་ར་དྭ་ཏིའི་བུ་སེམས་ནི་སེམས་ཀྱིས་
D101.048.0171b06.01སྟོང་སྟེ། དེ་ལ་བྱེད་པ་པོ་གང་ཡང་མེད་དོ། །གལ་ཏེ་དེའི་བྱེད་པ་པོ་འགའ་ཞིག་ཡོད་ན་ནི་དེས་བྱས་ན་གཞན་གྱིས་མྱོང་བ་དེ་ལྟ་བུར་འགྱུར་རོ། །སེམས་ཀྱིས་ཀྱང་སེམས་མངོན་པར་འདུ་མི་བྱེད་དོ། །གལ་ཏེ་སེམས་ཀྱིས་སེམས་མངོན་པར་འདུ་བྱེད་ན་ནི་དེ་ཉིད་
D101.048.0171b07.01