完整藏文原文 · 德格版页 当前仅加载第 48 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
ན་འདམ་དུ་སྩལ་བའི་ནོར་བུ་རིན་པོ་ཆེ་དེའི་འོད་དེ་མི་འདོར་བ་དེ་བཞིན་དུ། བཅོམ་ལྡན་འདས་ཕྱོགས་བཅུ་དག་ན་དེ་བཞིན་གཤེགས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གྱིས་མི་ཁྱབ་པའི་གོ་ཆ་བགོས་པ་དེ་དག་གི་འོད་དེ་མི་འདོར་ལགས་ཏེ།
D101.048.0017b01.01འདིར་ནི་སེམས་ཅན་རྣམས་ཀྱི་བསམ་པ་དང་མོས་པ་ཆུང་བའི་སླད་དུ། བཅོམ་ལྡན་འདས་ཀྱིས་འོད་འདོམ་གང་ཙམ་དུ་བྱིན་གྱིས་རླབ་པར་མཛད་ལགས་སོ། །བཅོམ་ལྡན་འདས་དཔེར་བགྱིད་ན་མི་དེ་ནོར་བུ་རིན་པོ་ཆེ་དེའི་ཡོན་ཏན་དག་སྒྲོགས་པ་ན་མི་དབུལ་བའི་རང་
D101.048.0017b02.01བཞིན་ཅན་དེ་དག་མངོན་པར་ཡིད་མི་ཆེས་པ་དེ་བཞིན་དུ། བཅོམ་ལྡན་འདས་སེམས་ཅན་དེ་དག་ནི་དེ་བཞིན་གཤེགས་པའི་འོད་ཤིན་ཏུ་རྒྱས་པའམ། སྨོན་ལམ་ཆེན་པོའམ། རྣམ་པར་འཕྲུལ་པ་ཆེན་པོའམ། སངས་རྒྱས་ཀྱི་ཡོན་ཏན་དག་ལའང་ཡིད་ཆེས་
D101.048.0017b03.01པར་མི་བགྱིད་ན། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གི་ལ་ལྟ་སྨོས་ཀྱང་ཅི་འཚལ། བཅོམ་ལྡན་འདས་དཔེར་བགྱི་ན་མི་དེས་མི་གཙང་བའི་སྣོད་དེ་ནས་ནོར་བུ་རིན་པོ་ཆེ་དེ་བླངས་ནས་མཆིས་ལ། དེ་མཆིས་མ་ཐག་ཏུ་ཡང་སེམས་ཅན་དེ་དག་གནོད་
D101.048.0017b04.01པ་རྣམ་པ་དུ་མས་ཤས་ཆེར་ཡོངས་སུ་བསྐོར་བ་དེ་བཞིན་དུ། བཅོམ་ལྡན་འདས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ཤིང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་འཇིག་རྟེན་གྱི་ཁམས་གཞན་དུ་མཆིས་ནས། འདི་ལྟ་བུའི་
D101.048.0017b05.01མདོ་སྡེ་འཛིན་པ། བྱང་ཆུབ་སེམས་དཔའ་ཡང་དག་པར་འཛིན་དུ་སྩོལ་བ་རྣམས་གཅིག་ལ་གཅིག་རབ་ཏུ་རྣམ་པར་འཁྲུག་པར་འགྱུར་ཞིང་། ཆོས་ཀྱི་སྒྲ་ཡང་འབྱུང་བར་མི་འགྱུར་ལ། ཆོས་མ་ལགས་པ་ཉིད་ཀྱི་སྒྲ་འབྱུང་བ་ཁོ་ནར་བས་སོ་ཞེས་དེ་སྐད་ཅེས་གསོལ་པ་
D101.048.0017b06.01ལགས་སོ། །དེ་ཅིའི་སླད་དུ་ཞེ་ན། འདི་ལྟར་སེམས་ཅན་དེ་དག་ནི་ཆོས་མ་ལགས་པ་ལ་གནས་པར་འགྱུར་ཞིང་ཆོས་མ་ལགས་པས་འཚོ་བ་ཉིད་ཡང་དག་པར་བླངས་ནས་གནས་པར་འགྱུར་ལ། གཅིག་ལ་གཅིག་འཐབ་མོ་དང་། སུན་འབྱིན་པ་དང་། མཚང་འདྲུ་
D101.048.0017b07.01