完整藏文原文 · 德格版页 当前仅加载第 48 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་དེ་བཞིན་གཤེགས་པ་རྣམས་ཀྱི་སྤྱོད་ཡུལ་ཡིན་ཏེ། དེ་བཞིན་གཤེགས་པ་དག་དེ་ལ་གནས་ནས་ཆོས་རྣམ་པར་འགྲེལ་པར་མཛད་ཅིང་ཟད་པར་ཡང་མི་འགྱུར་ལ་ངོམས་པར་ཡང་དག་པར་རྗེས་སུ་མ་མཐོང་ངོ་། །རྫུ་འཕྲུལ་མངོན་པར་འདུ་མཛད་པའི་ཆེ་བའི་བདག་ཉིད་ཀྱི་
D101.048.0042b01.01བསྔགས་པ་བརྗོད་པའི་ལེའུ་ཞེས་བྱ་སྟེ་གཉིས་པའོ།། །།དེའི་ཚེ་འཁོར་དེ་ཉིད་དུ་བརྟན་པའི་བློ་གྲོས་གཞོན་ནུར་གྱུར་པ་ཞེས་བྱ་བ་འདུས་པར་གྱུར་ཏེ་འདུག་གོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བརྟན་པའི་བློ་གྲོས་གཞོན་ནུར་གྱུར་པ་སྟན་
D101.048.0042b02.01ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཆོས་ཀྱི་སྒོ་འདི་དག་ལས་བདག་གིས་རྙེད་པ་རྙེད་ལགས་ཏེ། བཅོམ་ལྡན་འདས་དེའི་སླད་དུ་
D101.048.0042b03.01ཅི་ཙམ་དུ་ཆོས་དེ་ཉིད་ཡོངས་སུ་གྲུབ་པར་བགྱི་བའི་དོན་དུ་ཆོས་ཀྱི་སྒོ་འདི་ལ་སྤྱད་པར་བགྱིའོ། །དེ་ཅིའི་སླད་དུ་ཞེ་ན། བཅོམ་ལྡན་འདས་བདག་གིས་དེང་སླན་ཆད་འདི་ལྟ་སྟེ། ཆོས་དེ་དག་ཡོངས་སུ་བཙལ་བ་དང་། ཡོངས་སུ་གྲུབ་པར་བགྱི་བའི་སླད་དུ་དེ་ལྟ་བུའི་གོ་ཆ་
D101.048.0042b04.01བགོས་པའི་སླད་དུ་སྟེ། སླད་ཀྱིས་ཀྱང་སླད་མའི་ཚེ་སླད་མའི་དུས་ན་དེ་བཞིན་གཤེགས་པའི་སྤྱོད་ཡུལ་ཆོས་ཀྱི་གཏེར་དེ་ཐོས་ཀྱི་བར་དུ་བརྩོན་འགྲུས་དོར་བར་ཡང་མི་བགྱིའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་
D101.048.0042b05.01པོ་བརྟན་པའི་བློ་གྲོས་ལ་འདི་སྐད་ཅེས་བཀའ་སྩལ་ཏོ། །བརྟན་པའི་བློ་གྲོས་ཁྱོད་ངའི་ཡེ་ཤེས་ཆེན་པོ་བསྐལ་པ་བྱེ་བ་གྲངས་མེད་པས་ཡང་དག་པར་བསྒྲུབ་པ་ཡོངས་སུ་ཚོལ་བ་ལ་མངོན་པར་བརྩོན་ཞིང་མངོན་པར་བརྩོན་པར་བྱེད་པ་ནི་ལེགས་སོ་ལེགས་སོ། །བརྟན་པའི་བློ་
D101.048.0042b06.01གྲོས་ཁྱོད་ཡང་ལེགས་སོ། །བརྟན་པའི་བློ་གྲོས་ཡོངས་སུ་བརྟག་པ་བཟུང་སྟེ། གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་གཟུགས་ཅན་ནམ། གཟུགས་ཅན་མ་ཡིན་པའམ། འདུ་ཤེས་ཅན་ནམ། འདུ་ཤེས་ཅན་མ་ཡིན་པའམ།
D101.048.0042b07.01