完整藏文原文 · 德格版页 当前仅加载第 48 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
གསུངས། །གལ་ཏེ་བདག་གིས་ནུས་ན་ཁྱོད་ཀྱིས་གསུངས། །བདེན་པ་སྨྲ་བ་སེམས་ཅན་དམྱལ་མི་མཆི། །དེ་དག་ངན་འགྲོའང་ཀུན་ཏུ་སྟེན་མི་འགྱུར། །མི་བདེན་སྨྲ་བ་ངན་འགྲོར་མཆི་བར་འགྱུར། །མནར་མེད་ཕྱིན་ཅིང་སྡུག་བསྔལ་མྱོང་བར་འགྱུར། །དེ་ཕྱིར་མི་བདེན་པ་
D101.048.0202a01.01དག་སྤངས་ནས་སུ། །བདེན་ཚིག་བདེན་པ་བདག་ལ་གསུང་དུ་གསོལ། །ཀུན་དགའ་བོ་དེ་ནས་རྒྱལ་པོ་ཕྱོགས་རབ་སྒྲོགས་ཀྱིས་རྒྱལ་པོའི་གཞོན་ནུ་དེ་ལ་ཚིགས་སུ་བཅད་པ་དག་གིས་སྨྲས་པ། རྒྱལ་སྲིད་འཛམ་གླིང་དེ་ནི་རབ་སྟོན་པ། །ཆོས་རྣམས་མཐའ་དག་བསྟེན་པར་ནུས་མ་ཡིན། །
D101.048.0202a02.01དབྱུག་པ་མཚོན་གྱིས་ས་ནི་རབ་བསྟན་ན། །གཞོན་ནུ་གང་དུ་དེ་ལ་ཆོས་འབྱུང་འགྱུར། །སྲོག་ཆགས་རྣམས་ལ་ང་ཡིས་གནོད་སྤྱོ་བྱ། །ང་ཡིས་བསྒོ་བ་མྱུར་དུ་མི་བྱེད་པ། །དེ་ནི་ལོངས་སྤྱོད་ཕྲོགས་ཤིང་ཆད་པས་བཅད། །ཕྱིས་ཀྱང་བཙོན་རར་རབ་ཏུ་གཞུག་པར་བྱ། །ས་བཟང་བལྟ་བའི་ཕྱིར་
D101.048.0202a03.01ནི་མངོན་པར་འབྱུང་། །དེ་ཚེ་གྲོང་རྡལ་པ་དག་སྐྲག་པར་འགྱུར། །རྒྱལ་པོ་འོང་ཞེས་སྐྲག་པ་འབྱུང་འགྱུར་ཞིང་། །དེ་དག་ཕྱོགས་ཕྱོགས་སུ་ནི་འགྲོ་བར་འགྱུར། །གང་ཚེ་ང་ནི་ཆོས་ལ་འདུག་གྱུར་ཚེ། །ལྷ་འདི་ནོངས་པ་འབྱུང་བའི་མི་ལགས་ན། །ཇི་ལྟར་ལྷས་མཁྱེན་ཆད་པས་ཆོད་ཅིག་
D101.048.0202a04.01ཅེས། །ང་ལ་འབུལ་ཞིང་ངེས་པར་འབུལ་བར་བྱེད། །ང་ཡིས་ཉེས་པ་བྱུང་བ་དེ་མ་ཤེས། །གཞན་གྱི་དོན་གྱི་ཕྱིར་ནི་སྡིག་པ་བྱས། །ཅི་ནས་ཕྱིན་ཅད་ང་ཡི་བསྟན་པ་ལ། །དེ་དག་སྡིག་མི་བྱེད་པར་རྡེགས་ཆིངས་སོད། །དེ་ལ་བསླབས་ནས་གཞན་དག་བྱེད་གྱུར་ན། །དེ་ལྟར་ང་ཡི་
D101.048.0202a05.01ཡུལ་འཁོར་སྡུག་བསྔལ་འགྱུར། །ཚར་བཅད་ནས་ནི་དེ་ལ་ཆད་པས་བཅད། །དེ་ལས་གྲོང་རྡལ་བ་དག་འཇིགས་པར་འགྱུར། །རྒྱལ་པོ་གཏུམ་ཞིང་མི་རྣམས་དྲག་པོ་ཡིན། །དེ་ཡིས་འཕྲལ་དུ་སྲོག་ཆགས་འཇིགས་པར་བྱེད། །གནོད་པ་བྱེད་ཚེ་དེ་ལ་སྙིང་རྗེ་སྐྱེ། །རྣམ་པར་རྒྱལ་ལ་མ་
D101.048.0202a06.01ཆགས་སྟོན་པར་འགྱུར། །དེ་ཚེ་གཞོན་ནུས་ཚིག་ནི་ཐོས་ནས་སུ། །ཕྱོགས་རབ་སྒྲོགས་ལ་ཚིགས་བཅད་འདི་དག་སྨྲས། །སྐྱོ་བ་ཐོབ་ཅིང་སྡུག་བསྔལ་གྱུར་པ་ལགས། །ཡབ་ཅིག་བདག་ནི་ཆོས་ལ་སྟེན་པར་འཚལ། །ཡབ་ཅིག་བདག་འདིར་རྒྱལ་སྲིད་དོན་མི་གཉེར། །གཞན་གྱི་དོན་གྱི་
D101.048.0202a07.01