完整藏文原文 · 德格版页 当前仅加载第 48 函德格 131a 版页；藏文 NFD、目录标记与异常页序保留在来源切片中，重复版页行以稳定序号区分。
པ་འདྲེན་པ་བཤད་དུ་གསོལ། །བསྐལ་པ་བྱེ་བ་བརྒྱ་མང་དུ། །གོ་ཆ་འཚལ་བ་དེ་དག་གི། །ཇི་ལྟར་སེམས་ནི་ཉོན་མི་མོངས། །ཇི་ལྟར་དེ་དག་དགའ་བ་བསྐྱེད། །དེ་དག་ཏིང་འཛིན་ཇི་ལྟ་བུ། །དེ་དག་ཤེས་རབ་ཅི་འདྲ་ལགས། །མང་དུ་ཐོས་པའང་ཇི་
D101.048.0131a01.01ལྟ་བུ། །དེ་དག་ཐོས་པའང་ཅི་འདྲ་ཞིང་། །མཉན་པར་བགྱི་བའི་ཆོས་གང་ལགས། །སྤང་བར་བགྱི་བའི་ཆོས་གང་ལགས། །བྱང་ཆུབ་སླད་ཞུགས་གང་དག་ལགས། །དེ་དག་གི་ནི་སྤྱོད་ཡུལ་ཞུ། །ཇི་ལྟར་དམ་ཆོས་ཚོལ་བར་བགྱིད། །དེ་དག་འདུན་པ་ཅི་འདྲ་ལགས། །
D101.048.0131a02.01ཇི་ལྟར་འདོད་པ་རྣམ་པར་སྤོང་། །དེ་དག་མངོན་འབྱུང་ཇི་ལྟ་བུ། །ཇི་ལྟར་མངོན་པར་འབྱུང་རྣམས་ཀྱི། །དགའ་བ་རྒྱ་ཆེན་སྐྱེ་བར་འགྱུར། །ཇི་ལྟར་རབ་ཏུ་བྱུང་ནས་སུ། །ཡོན་ཏན་རྣམས་ཀྱིས་འཕགས་ནས་མཛེས། །ཇི་ལྟར་སེམས་ནི་ངེས་པར་གཞོལ། །དེ་དག་ཐབས་
D101.048.0131a03.01ནི་ཅི་འདྲ་ལགས། །ཇི་ལྟར་ཚེ་རབས་དྲན་པར་འགྱུར། །དེ་དག་དྲན་པ་ཇི་ལྟ་བུ། །ཇི་ལྟར་མངལ་དུ་ཞུགས་རྣམས་ཀྱི། །བྱང་ཆུབ་སེམས་ནི་འབྱུང་བར་འགྱུར། །རྫོགས་པའི་སངས་རྒྱས་དེར་མཐོང་འགྱུར། །དེ་དག་མཐོང་བ་སླུ་མི་འགྱུར། །ཇི་ལྟར་འདོད་ཆགས་ཆུང་
D101.048.0131a04.01བར་འགྱུར། །ཞེ་སྡང་ཆུང་ཞིང་མི་འཇིགས་འགྱུར། །ཇི་ལྟར་གཏི་མུག་མི་འགྱུར་ཞིང་། །མ་རྨོངས་པར་ནི་འགྱུར་བ་ལགས། །ཇི་ལྟར་རྒྱལ་པོའི་རིགས་སྐྱེས་པ། །མཁས་རྣམས་རྒྱལ་སྲིད་བགྱིད་དུ་སྩོལ། །མི་ཁོམ་ཐམས་ཅད་སྤངས་ནས་སུ། །རྟག་ཏུ་གུས་དང་
D101.048.0131a05.01བཅས་པར་འགྱུར། །ཇི་ལྟར་རྒྱལ་སྲིད་རབ་བསྔགས་ན། །བཞིན་འཛུམ་ཁྲོ་བར་མི་བགྱིད་ལགས། །དེ་དག་གི་ནི་རྣམ་རྒྱལ་དེར། །སངས་རྒྱས་མཐོང་བའང་རྙེད་པར་འགྱུར། །ཇི་ལྟར་གཟུགས་དང་ལྡན་པ་ལགས། །རྟག་ཏུ་ཚུལ་དུ་ཤིས་པར་འགྱུར། །འཁོར་དང་ལྡན་པར་
D101.048.0131a06.01འགྱུར་བ་ལགས། །བྱང་ཆུབ་མཆོག་ལ་ཞུགས་པ་ལགས། །ཇི་ལྟར་སྐྱེས་པ་ཙམ་གྱིས་ཀྱང་། །ཁྱིམ་ལ་དགའ་བར་མི་འགྱུར་ཞིང་། །མངོན་པར་འབྱུང་ལ་གཞོལ་བར་འགྱུར། །དེ་དག་སྲེད་པ་མ་མཆིས་འགྱུར། །ཇི་ལྟར་རབ་ཏུ་བྱུང་ནས་སུ། །སངས་རྒྱས་བྱང་ཆུབ་
D101.048.0131a07.01