完整藏文原文 · 德格版页 当前仅加载第 48 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་ཀྱི་ཆོས་ཡོངས་སུ་སྨིན་པར་བགྱི་བའི་སླད་དུ་ཆོས་བསྟན་པར་གསོལ་བ་འདེབས་ལགས་སོ། །དེ་ནས་བཅོམ་ལྡན་འདས་ཀྱིས་མཁྱེན་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་ལ་འདི་སྐད་ཅེས་བཀའ་སྩལ་ཏོ། །བཟང་སྐྱོང་ཁྱོད་
D101.048.0029a01.01ལ་སེམས་ཅན་རྣམས་ཀྱིས་ཕན་བཏགས་སམ་ཞེ་ན་གང་གི་ཕྱིར་ཁྱོད་སེམས་ཅན་རྣམས་ཀྱི་བྱང་ཆུབ་ཀྱི་ཕྱོགས་ཀྱི་ཆོས་ཡོངས་སུ་སྨིན་པར་བྱ་བའི་ཕྱིར་སེམས་ཅན་རྣམས་ཀྱི་དོན་དུ་གོ་ཆ་བགོས་ཤིང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
D101.048.0029a02.01དེ་དག་ལ་ཡང་ཆོས་བསྟན་པར་གསོལ་བ་འདེབས། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་སེམས་ཅན་དེ་དག་གིས་སྨན་བཏགས་པས་
D101.048.0029a03.01བདག་གིས་དེ་དག་ཀྱང་སངས་རྒྱས་ཀྱི་ཞིང་དག་ཏུ་དགོད་པར་བགྱི་བའམ། དེ་དག་གིས་གནོད་པ་བགྱིས་པས་དེ་དག་སངས་རྒྱས་ཀྱི་ཞིང་དག་ཏུ་དགོད་པར་མི་བགྱིའོ་ཞེས་གནོད་པར་བགྱི་བའམ། ཕན་གདགས་པའི་སླད་དུ་སེམས་ཅན་རྣམས་ཀྱི་དོན་དུ་གོ་ཆ་དེ་བགོས་པ་མ་
D101.048.0029a04.01ལགས་ཏེ། བཅོམ་ལྡན་འདས་བྱང་ཆུབ་སེམས་དཔའ་རྣམས་དེ་ལྟ་བུའི་གོ་ཆ་མི་འཚལ་བའི་སླད་དུའོ། །བཅོམ་ལྡན་འདས་དཔེར་བགྱི་ན་ཡན་ལག་ཐམས་ཅད་ལས་མེ་ཏོག་ཀུན་དུ་རྒྱས་པའི་ཤིང་ཡོངས་འདུ་ས་བརྟོལ་གྱིས་སུམ་ཅུ་རྩ་གསུམ་པའི་ལྷ་རྣམས་དགའ་བར་འགྱུར་བ་
D101.048.0029a05.01དང་། ཡན་ལག་ཐམས་ཅད་ལས་མེ་ཏོག་ཀུན་དུ་རྒྱས་པའི་ཤིང་ཡོངས་འདུ་ས་བརྟོལ་མཐོང་ནས། དེ་ལ་ཡང་སུམ་ཅུ་རྩ་གསུམ་པའི་ལྷ་རྣམས་མིའི་མ་ལགས་པའི་འདོད་པའི་ཡོན་ཏན་ལྔ་པོ་དག་གིས་རྩེ་ཞིང་དགའ་ལ་དགའ་མགུར་སྤྱོད་པར་བགྱིད་པར་གྱུར་ན། བཅོམ་ལྡན་
D101.048.0029a06.01འདས་འོ་ན་ཅི་སུམ་ཅུ་རྩ་གསུམ་པའི་ལྷ་རྣམས་ཀྱིས་ཡན་ལག་ཐམས་ཅད་ལས་མེ་ཏོག་ཀུན་དུ་རྒྱས་པའི་ཤིང་ཡོངས་འདུ་ས་བརྟོལ་ལ་གནོད་པར་བགྱི་བའམ། སྨན་གདགས་པར་བགྱིས་ལགས་སམ། གང་གི་སླད་དུ་ཡོངས་འདུ་ས་བརྟོལ་མཐོང་ནས་སུམ་ཅུ་རྩ་གསུམ་པའི་
D101.048.0029a07.01