完整藏文原文 · 德格版页 当前仅加载第 48 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིད་རྣམས་ནི་སྟོང་པའོ། །ཤ་ར་དྭ་ཏིའི་བུ་དེ་ཙམ་གྱིས་ན་མིག་ལེགས་པར་ཡོངས་སུ་བཙལ་བ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །མིག་ནི་སྟོང་པ་ཉིད་དུ་གསུངས། །མིག་དེ་ཡོད་པ་མ་ཡིན་ནོ། །གལ་ཏེ་མིག་
D101.048.0121b01.01ཡོད་མ་ཡིན་ན། །མི་རྟག་ཉིད་དེ་སུ་ཡི་ཡིན། །རྣ་བ་མི་རྟག་ཉིད་དུ་གསུངས། །དེ་ནི་དམིགས་པ་མ་ཡིན་ནོ། །གལ་ཏེ་རྣ་བ་ཡོད་མིན་ན། །མི་རྟག་ཉིད་དེ་སུ་ཡི་ཡིན། །སྣ་ནི་མི་རྟག་ཉིད་དུ་གསུངས། །དེ་ནི་དམིགས་པ་མ་ཡིན་ནོ། །གལ་ཏེ་དེ་དམིགས་
D101.048.0121b02.01མ་ཡིན་ན། །མི་རྟག་ཉིད་དེ་སུ་ཡིས་གསུངས། །ལྕེ་ནི་མི་རྟག་ཉིད་དུ་གསུངས། །ལྕེ་དེ་ཡོད་པ་མ་ཡིན་ནོ། །གལ་ཏེ་དེ་དམིགས་མ་ཡིན་ན། །མི་རྟག་ཉིད་དེ་སུ་ཡི་ཡིན། །ལུས་ནི་མི་རྟག་ཉིད་དུ་གསུངས། །དེ་ནི་དམིགས་པ་མ་ཡིན་ནོ། །གལ་ཏེ་ལུས་ཡོད་
D101.048.0121b03.01མ་ཡིན་ན། །མི་རྟག་ཉིད་དེ་སུ་ཡི་ཡིན། །ཡིད་ནི་མི་རྟག་ཉིད་དུ་གསུངས། །དེ་ནི་དམིགས་པ་མ་ཡིན་ནོ། །གལ་ཏེ་དེ་དམིགས་མ་ཡིན་ན། །མི་རྟག་ཉིད་དེ་སུ་ཡི་ཡིན། །སྐྱེ་མཆེད་བཅུ་གཉིས་གསུངས་པ་དག །དེ་དག་མིང་ཡང་དེ་སྙེད་ཡོད། །གལ་ཏེ་སྐྱེ་
D101.048.0121b04.01མཆེད་རྣམས་མེད་ན། །དེ་སྙེད་མིང་ཡོད་སུ་ཡི་ཡིན། །འབྱུང་བ་ཆེན་པོའང་བཞི་ཡིན་ཏེ། །དེ་དག་རྟེན་ཏེ་གང་ཞིག་ཡིན། །ཁྱི་ལ་བོང་བ་འཕངས་པ་བཞིན། །དེ་དག་མིང་གིས་རྒྱུག་པར་བྱེད། །གང་དག་མིང་གིས་མི་རྒྱུག་ཅིང་། །བདག་ཉིད་རློམ་སེམས་མི་བྱེད་ལ། །
D101.048.0121b05.01སེམས་ཅན་མེད་པར་ཞུགས་པས་ནི། །དེ་དག་མྱ་ངན་འདས་པར་བརྗོད། །གང་དེར་མྱ་ངན་འདས་གྱུར་ན། །དེ་ལ་ཆོས་དམིགས་ཡོངས་མེད་དེ། །མྱ་ངན་འདས་ཞེས་དེ་བརྗོད་ཀྱང་། །མྱ་ངན་འདས་ནི་བརྗོད་དུ་མེད། །དེ་ལ་གང་ཡང་མི་འགྲོ་སྟེ། །འགྲོ་བ་ཡང་
D101.048.0121b06.01ནི་ཡོད་མ་ཡིན། །གང་གིས་དེ་ལྟར་འཐུན་རྟོགས་པ། །དེ་དག་མྱ་ངན་འདས་པ་ཤེས། །སྦྱོར་བ་མེད་ཅིང་རྩོམ་པའང་མེད། །གོས་པ་མེད་ཅིང་ཡི་གེའང་མེད། །གང་ཟག་མེད་ཅིང་སྲོག་ཀྱང་མེད། །དེས་ཀྱང་མྱ་ངན་འདས་ཞེས་གསུངས། །ཡོད་དང་མེད་པར་རྣམ་
D101.048.0121b07.01