完整藏文原文 · 德格版页 当前仅加载第 48 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
ཅག་གིས་ཐོབ་བོ། །ཤ་ར་དྭ་ཏིའི་བུ་ཁྱེད་ཅག་ཆོས་གང་ལ་ཐེ་ཙོམ་ཡོད་པ་ང་ལ་དྲིས་ཤིག་དང་། ཤ་ར་དྭ་ཏིའི་བུ་ཁྱོད་ལྷ་དང་བཅས་པའི་འཇིག་རྟེན་ལ་སྐབས་དབྱེའོ། །ཤ་ར་དྭ་ཏིའི་བུ་རིང་པོ་མི་ཐོགས་པར་ང་ཡོངས་སུ་མྱ་ངན་ལས་འདས་ནས། ཤ་ར་དྭ་ཏིའི་བུ་ཕྱིས་འགྱོད་
D101.048.0130b01.01པར་གྱུར་ན་མི་རུང་གིས་ང་ལ་དྲིས་ཤིག །དེ་ནས་ཚེ་དང་ལྡན་པ་ཤ་ར་དྭ་ཏིའི་བུ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གལ་ཏེ་ཞུས་ནས་ཞུ་བ་ལུང་བསྟན་པའི་
D101.048.0130b02.01སླད་དུ། བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཅོམ་ལྡན་འདས་ལ་བདག་ཕྱོགས་འགའ་ཞིག་ཞུ་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤ་ར་དྭ་ཏིའི་བུ་ངས་དྲི་བ་ལན་
D101.048.0130b03.01བཏབ་པ་དེ་དང་དེ་ཁོ་ནས་ཁྱོད་ཀྱི་སེམས་རངས་པར་བྱས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་གང་དང་གང་འདོད་པ་དྲིས་ཤིག །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་ཤ་ར་དྭ་ཏིའི་བུས་འདི་སྐད་ཅེས་
D101.048.0130b04.01གསོལ་ཏོ། །བཅོམ་ལྡན་འདས་སེམས་ཅན་སྤྱོད་པ་དང་ཡོན་ཏན་ཁྱད་པར་ཅན་ལ་རབ་ཏུ་གནས་པ་རྣམས་ཀྱི་དོན་དུ་དེ་བཞིན་གཤེགས་པ་ལ་ཞུ་ལགས་སོ། །དེ་བཞིན་གཤེགས་ལ་བདག་གིས་ཞུ་བ་ནི། །གང་དག་སྤྱོད་དང་ཡོན་ཏན་ཁྱད་འཕགས་གནས། །ཡོ་བྱད་བསྙུངས་
D101.048.0130b05.01པའི་ཚུལ་གྱིས་འཕགས་གྱུར་ཅིང་། །དེས་དང་བཟོད་བསྟེན་སྨོན་ལམ་ལྡན་གྱུར་པ། །མཁས་རྣམས་སྦྱིན་པ་དེ་འདྲ་ཅི་ཞིག་སྩོལ། །སྦྱིན་པ་སྩལ་ནས་ཇི་ལྟར་དགའ་བར་འགྱུར། །ཇི་ལྟར་སེམས་ནི་ཡོངས་སུ་བསྔོ་བར་བགྱིད། །འཇུངས་པ་མ་མཆིས་པར་ཡང་སྦྱིན་པ་བགྱིད། །
D101.048.0130b06.01ཇི་ལྟར་ཚུལ་ཁྲིམས་སྟེན་པར་བགྱིད། །དེ་དག་བཟོད་པའང་ཅི་འདྲ་ལགས། །དེ་དག་བརྩོན་འགྲུས་ཅི་ལྟ་བུ། །ཇི་ལྟ་བུ་ཡི་དེས་པར་འགྱུར། །སེམས་ཅན་སྡུག་བསྔལ་ལྡན་མཐོང་ན། །ཇི་ལྟར་བསམ་པ་སྟོན་པར་བགྱིད། །བྱང་ཆུབ་སེམས་དཔའ་དེ་དག་གི། །བསམ་
D101.048.0130b07.01