完整藏文原文 · 德格版页 当前仅加载第 48 函德格 45b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་དཔག་ཚད་དང་ལྡན་པའི་མཆོད་རྟེན་རིན་པོ་ཆེ་སྣ་བདུན་ལས་བྱས་པ་གདུགས་བསྒྲེང་བ་དང་། སྟེགས་བུས་བརྒྱན་པ། བསྐལ་པར་གནས་པའི་སྣང་བ་ཀུན་དུ་འབར་རབ་ཏུ་འབར་བའི་མར་མེ་དང་། མཆོད་ཡོན་དག་གིས་བརྒྱན་པ་དག་བྱས་པར་གྱུར་ན། བརྟན་
D101.048.0045b01.01པའི་བློ་གྲོས་འདི་ཇི་སྙམ་དུ་སེམས། འོ་ན་རིགས་ཀྱི་བུའམ། རིགས་ཀྱི་བུ་མོ་དེས་གཞི་དེ་ལས་བསོད་ནམས་མང་དུ་སྐྱེད་དམ། གསོལ་པ། བཅོམ་ལྡན་འདས་རིགས་ཀྱི་བུའམ། རིགས་ཀྱི་བུ་མོ་དེས་བསོད་ནམས་ཀྱི་ཕུང་པོ་གྲངས་མ་མཆིས་དཔག་ཏུ་མ་མཆིས་པ་
D101.048.0045b02.01སྐྱེད་ལགས་སོ། །བརྟན་པའི་བློ་གྲོས་ཁྱོད་མོས་པར་བྱ། ཁོང་དུ་ཆུད་པར་བྱ་སྟེ། གང་མི་དེས་ཇི་སྐད་བཤད་པའི་བསོད་ནམས་ཀྱི་ཕུང་པོ་དེ་ལྟ་བུ་སོགས་པར་བྱེད་ལ། རིགས་ཀྱི་བུའམ་རིགས་ཀྱི་བུ་མོས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས་
D101.048.0045b03.01འདི་ལྟ་སྟེ། གང་ལས་བྱང་ཆུབ་ཀྱི་ཕྱོགས་ཀྱི་ཆོས་རྣམས་ཡོངས་སུ་སྨིན་པར་འགྱུར་བའི་བྱང་ཆུབ་སེམས་དཔའི་སྡེ་སྣོད་ཀྱི་ཆོས་ཀྱི་རྣམ་གྲངས་ཀྱི་མདོ་སྡེ་དེ་ལྟ་བུ་དག་མཉན་པ་དང་། བསྟན་པ་དང་། བཀླག་པ་དང་། ཀུན་ཆུབ་པར་བྱ་བའི་ཕྱིར་ཡོངས་སུ་བཙལ་བ་ལ་བརྩོན་པར་
D101.048.0045b04.01བྱེད་ན། བརྟན་པའི་བློ་གྲོས་བསོད་ནམས་ཀྱི་ཕུང་པོ་འདི་ལ་བསོད་ནམས་ཀྱི་ཕུང་པོ་སྔ་མ་དེས་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང་། འབུམ་གྱི་ཆ་དང་། བྱེ་བ་ཕྲག་འབུམ་གྱི་ཆ་དང་། གྲངས་དང་། ཆ་དང་། བགྲང་བ་དང་། དཔེ་དང་། རྒྱུར་ཡང་མི་བཟོད་
D101.048.0045b05.01དོ། །བརྟན་པའི་བློ་གྲོས་དེ་ལྟ་བས་ན་ཁྱོད་ཕྱི་མའི་ཚེ་ཕྱི་མའི་དུས་ལྔ་བརྒྱ་པ་ཐ་མ་ལ་མདོ་སྡེ་དེ་ལྟ་བུ་དེ་དག་མཉན་པ་དང་། བཟུང་བ་དང་། བཀླག་པ་དང་། ཀུན་ཆུབ་པར་བྱ་བའི་ཕྱིར་གོ་ཆ་གྱོན་པར་སེམས་ན་བརྟན་པའི་བློ་གྲོས་བསོད་ནམས་ཀྱི་ཕུང་པོ་དེའི་ཚད་ང་མི་སྨྲའོ། །ཡོངས་སུ་གཏུགས་
D101.048.0045b06.01པར་ཡང་ང་མི་སྨྲ། ཡོངས་སུ་ཟད་པར་ཡང་ང་མི་སྨྲའོ། །བརྟན་པའི་བློ་གྲོས་ཁྱོད་སེམས་བསྐྱེད་པའི་བསོད་ནམས་ཀྱི་ཕུང་པོ་དེའི་དཔེ་ཙམ་ཐོས་པའམ། ཕྱོགས་ཙམ་ཁོང་དུ་ཆུད་པར་འདོད་ན་དེ་བཞིན་གཤེགས་པའི་རྫུ་འཕྲུལ་ཡང་ཐོས་པའམ། ཡིད་ཆེས་པར་ནུས་སམ། གསོལ་
D101.048.0045b07.01